12 километр роҳ аз самти деҳаи Навбунёд то деҳаи Даҳанаи Ашт аз таъмири ҷорӣ бароварда шуд
СУҒД, 06.08.2022 /АМИТ «Ховар»/. Раиси ноҳияи Ашт Шӯҳрат Муҳаммадзода дар доираи сафари корӣ ба Ҷамоати деҳоти Пунук, ки дурдастарин ҷамоати ноҳияи Ашт маҳсуб мешавад, бо ҷараёни корҳои таъмиру навсозии роҳи мошингарди «Навбунёд-Пунук» шинос шуда, бо мардум мулоқоти сарироҳӣ анҷом дод, хабар доданд ба АМИТ «Ховар» дар хадамоти матбуоти Раиси ноҳияи Ашт.
Бо мақсади иҷрои дастуру супоришҳои Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва истиқболи сазовори ҷашни 35-солагии Истиқлолияти давлатии Ҷумҳурии Тоҷикистон Раиси ноҳияи Ашт Шӯҳрат Муҳаммадзода ва прокурори ноҳия Баҳриддин Сафарзода бо корҳои ободониву созандагӣ дар деҳаҳои дурдасти ноҳия шинос шуданд.
Дар сафари корӣ ба Ҷамоати деҳоти Пунук, ки дурдастарин ҷамоат дар ноҳияи Ашт аст, Раиси ноҳия Шӯҳрат Муҳаммадзода бо ҷараёни корҳои таъмиру навсозии роҳи мошингарди «Навбунёд-Пунук» шинос шуда, ба шахсони саховатпеша ва сокинони меҳнатқарини ҷамоат барои ибтикори бунёдкоронаашон изҳори сипос намуд.
Ба роҳбари ноҳия иттилоъ дода шуд, ки то имрӯз аз ҷониби шахсони саховатпеша ва мардуми ҷамоат барои таъмири роҳ 400 ҳазор сомонӣ маблағ ҷамъоварӣ гардидааст. То ин дам 15 мошин мумфарши гарм бо маблағи 330 ҳазор сомонӣ харидорӣ гардида, 12 километр роҳ аз самти деҳаи Навбунёд то деҳаи Даҳана аз таъмири ҷорӣ бароварда шуд.
Зикр гардид, ки сокинони Ҷамоати деҳоти Пунук азм доранд, ки то маркази ҷамоат роҳро таъмир намоянд ва дар таъмири роҳи мошингарди «Дӯстӣ-Навбунёд» низ саҳм гузоранд. Ҳамарӯза барои таъмири роҳҳои мошингард ва корҳои ободонӣ зиёда аз 120 нафар сокинони ҷамоат ба ҳашар баромада, софдилона меҳнат мекунанд.
«Мардуми шарафманди ноҳияи Ашт, аз ҷумла сокинони Ҷамоати деҳоти Пунук барои обод намудани диёри хеш таҳти сиёсати одилонаву оқилонаи Пешвои миллат муҳтарам Эмомалӣ Раҳмон дар ҳама маврид саъю ҷаҳд менамоянд. Шукрона мекунем, ки дар ватани ором, ободу озод зиндагӣ дорем. Ин ҳама ободиҳо меваи тинҷию оромист ва мо бояд ин неъмати бебаҳоро қадр созем»,- гуфт ба сокинони ҷамоат Шӯҳрат Муҳаммадзода.
АКС: хадамоти матбуоти Раиси ноҳияи Ашт
Сарвари давлат Эмомалӣ Раҳмон дар Минтақаи озоди иқтисодии Суғд марҳилаи дуюми ҶДММ «Сайри Суғд»-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ 4 иншоотро дар шаҳри Хуҷанд ва ноҳияи Кӯҳистони Мастчоҳ ифтитоҳ намуданд
Пешвои миллат Эмомалӣ Раҳмон дар шаҳри Хуҷанд бинои нави маъмурии Суди вилояти Суғдро ба истифода доданд
Сарвари давлат Эмомалӣ Раҳмон аз намоиши маҳсулоти кишоварзӣ ва дастовардҳои соҳаи аграрии ноҳияи Бобоҷон Ғафуров дидан намуданд
Президенти Ҷумҳурии Тоҷикистон Эмомалӣ Раҳмон дар ноҳияи Бобоҷон Ғафуров бинои нави маъмурии Маркази солимгардонии Соҳили Унҷиро ифтитоҳ намуданд
Пешвои миллат Эмомалӣ Раҳмон дар ноҳияи Бобоҷон Ғафуров 4 иншооти таъйиноти гуногунро ба таври фосилавӣ ба истифода доданд
Сарвари давлат Эмомалӣ Раҳмон дар ноҳияи Бобоҷон Ғафуров ба фаъолияти корхонаи истеҳсоли орд барои макарон дар назди ҶДММ «Ирода инвест» оғоз бахшиданд
Дар Душанбе Рӯзҳои фарҳанги шаҳрҳои Истаравшан, Норак ва ноҳияҳои Фархор, Носири Хусрав, Ёвон, Мастчоҳ ва Дӯстӣ доир мегарданд
НИШАСТИ МАТБУОТӢ. Бахшида ба ҷашни 35-солагии Истиқлоли давлатӣ беш аз 31 ҳазор иншоот ба истифода дода шуд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич хатти нави оби полезиро бо дарозии 12 километр мавриди истифода қарор доданд
Пешвои миллат Эмомалӣ Раҳмон дар ноҳияи Деваштич ба таври фосилавӣ 12 иншооти гуногунтаъйинотро ифтитоҳ намуданд
Сарвари давлат Эмомалӣ Раҳмон дар ноҳияи Деваштич бинои нави беморхонаи марказии №6-ро ба истифода доданд
