Ҳайати вилояти Сурхондарёи Узбекистон аз Маҷмааи тандурустӣ ва корхонаи саноатии вилояти Хатлон дидан намуд
ДУШАНБЕ, 13.08.2022 /АМИТ «Ховар»/. Тавре қаблан иттилоъ додем, 12 август ҳайати вилояти Сурхондарёи Ҷумҳурии Узбекистон таҳти роҳбарии Раиси ин вилоят Тӯра Боболов ба вилояти Хатлони Ҷумҳурии Тоҷикистон омад. Ҳайат давоми ду рӯз аз корхонаҳои саноатии вилоят, гармхонаҳои замонавӣ, мавзеъҳои сайёҳӣ, ёдгориҳои таърихӣ, зиёратгоҳҳо ва заминҳои кишоварзӣ дидан менамояд.
Тавре аз шуъбаи иттилоотию таҳлилии дастгоҳи Раиси вилояти Хатлон ба АМИТ «Ховар» иттилоъ доданд, дар ин рӯз меҳмонон аз Маҷмааи тандурустии «Дӯстии Тоҷикистону Узбекистон», ки дар ноҳияи Қубодиён воқеъ аст, дидан намуданд.
Масоҳати умумии Маҷмааи тандурустӣ 6 гектарро ташкил медиҳад, ки бинои асосии он аз 4 ошёна ва ду бинои дигар аз се ошёна иборат мебошанд. Маҷмааи мазкур дорои 200 кат буда, дар он барои ташхис ва табобати беморон шароити муосир фароҳам оварда шудааст.
Маҷмааи тандурустӣ аз 19 шуъба, аз ҷумла шуъбаҳои қабул ва функсионалӣ, шуъбаҳои бемориҳои ҷарроҳии калонсолон ва кӯдакона, урологӣ ва ғайра иборат мебошад. Барои ташхиси беморон 1 адад томографияи компютерӣ, 2 адад рентгени рақамии статсионарӣ ва 2 адад рентгени рақамии сайёр аз давлатҳои пешрафтаи ҷаҳон ворид карда шудаанд.
Ҳамчунин дар идомаи сафари корӣ ҳайати меҳмонон ба ноҳияи Ҷалолиддини Балхӣ рафта, аз корхонаи истеҳсоли сементи ҶДММ «Моҳир Семент» дидан намуд. Меҳмононро раиси вилояти Хатлон Қурбон Ҳакимзода ҳамроҳӣ намуд.
Корхонаи «Моҳир Семент» дар минтақаи саноатӣ ҷойгир буда, аз тарафи Ҷамъияти дорои масъулияти маҳдуди «Моҳир Семент» сохта шудааст. Корхонаи мазкур бо маблағи 380 миллион сомонӣ бунёд ёфтааст. Масоҳати корхонаи мазкур 6-7 гектарро ташкил медиҳад. Иқтидори истеҳсоли корхона 600 000 тонна семент дар як сол мебошад.
Барои бунёди ин корхона 191 нафар сохтмончиён, аз ҷумла 91 нафар сохтмончиёни хориҷӣ ва 100 нафар сохтмончиёни маҳаллӣ ба кор ҷалб гардида буданд. Айни ҳол дар корхона зиёда аз 100 нафар сокинони маҳаллӣ фаъолият доранд.
Иттилоъ дода шуд, ки «Моҳир Семент» калонтарин корхонаи саноатии фаъолияткунанда дар ҳудуди ноҳия ба шумор рафта, дар пешрафти иқтисодиву иҷтимоии ноҳия, аз ҷумла таъмини ҷойҳои корӣ, истеҳсоли маҳсулоти сохтмонии хушсифат саҳми калон мегузорад.
Ёдовар мешавем, ки имрӯз дар ноҳияи Данғараи вилояти Хатлон Форуми рушди ҳамкории вилояти Хатлон ва вилояти Сурхондарё баргузор мегардад, ки дар он имконоти сармоягузорӣ ва иқтидори содиротии Тоҷикистон ва Узбекистон муаррифӣ карда мешаванд.
АКСҲО аз шуъбаи иттилоотию таҳлилии дастгоҳи Раиси вилояти Хатлон
Дурнамои рушди соҳаи таҳсилоти ибтидоӣ ва миёнаи касбӣ дар Тоҷикистон бо намояндагони Ассотсиатсияи кумак ва ёрии Ҷопон баррасӣ гардид
Ҳайати ҳокимияти судии Тоҷикистон дар Женева дар форуми байналмилалӣ иштирок намуд
«СОЛИМИИ ЗАН — СОЛИМИИ МИЛЛАТ». Дар шаҳри Гулистон беш аз 200 нафар занон бо муоинаи ройгон фаро гирифта шуданд
Дар Душанбе оид ба таҳкими ҳамкории минтақавӣ дар самти коҳиши хавфи офатҳо вохӯрӣ доир шуд
Маркази тадқиқоти стратегии Тоҷикистон бо Институти осиёии дипломатия ва муносибатҳои байналмилалии Непал Ёддошти тафоҳум ба имзо расонид
Муовини Сарвазири Тоҷикистон дар Конфронси минтақавии сатҳи баланд вобаста ба пешгирии зӯроварӣ нисбат ба кӯдакон иштирок намуд
Густариши ҳамкорӣ дар самти татбиқи системаҳои рақамӣ дар раванди таълим бо намояндагони Бунёди аврупоии маориф баррасӣ шуд
Дар муассисаҳои кумаки аввалини тиббию санитарии Тоҷикистон шакли намунавӣ амалӣ мегардад
ИМРӮЗ — РӮЗИ БАЙНАЛМИЛАЛИИ ЗАНОНИ ДЕҲОТ. Фаъолияти Раҳима Салимова дар деҳа намунаи ибрат аст
Маркази тадқиқоти стратегии Тоҷикистон ва Гурӯҳи муассисаҳои MERI-и Ҳиндустон ҳамкориро тақвият мебахшанд
РӮЗИ ҶАҲОНИИ КОҲИШИ ХАТАРИ ОФАТҲОИ ТАБИӢ. Барои пешгирӣ аз пайомадҳои офатҳои табиӣ шаҳрвандон низ бояд масъулиятшинос бошанд.
Байни Маркази тадқиқоти стратегии Тоҷикистон ва Институти Чин ва Осиёи муосири Академияи илмҳои Русия Ёддошти тафоҳуми ҳамкорӣ ба тасвиб расид
