Дар Кӯлоб Форуми байналмилалии иқтисодӣ оғоз гардид
ДУШАНБЕ, 27.08.2022 /АМИТ «Ховар»/. Имрӯз дар шаҳри Кӯлоб Форуми байналмилалии иқтисодии «Кӯлоб-2022» оғоз гардид, иттилоъ доданд ба АМИТ «Ховар» дар шубаи иттилооотӣ ва таҳлилии дастгоҳи Раиси вилояти Хатлон.
Пеш аз оғози кори форум иштирокчиён аз намоишгоҳи маҳсулоти саноатию кишоварзӣ ва зарфиятҳои иқтисодию тиҷоратии вилояти Хатлон дидан намуданд.
Дар форум беш аз 300 нафар, аз ҷумла роҳбарону масъулони мақомоти давлатӣ, намояндагони доираҳои соҳибкорӣ аз Чин, Эрон, Узбекистон, Русия, Кореяи Ҷанубӣ, Амороти Муттаҳидаи Араб, Арабистони Саудӣ, Қазоқистон, Туркия, корпусҳои дипломатии муқими Тоҷикистон ва соҳибкорону сармоягузорони ватанӣ ширкат доранд.
Раиси вилояти Хатлон Қурбон Ҳакимзода форумро ифтитоҳ намуда, иштирокдоронро ба Хатлонзамин хайрамақдам гуфт ва доир ба зарфиятҳои иқтисодию сармоягузории вилоят ба ҳозирин маълумот дод.
Интизор меравад, ки дар форум ҳамчунин Раиси Кумитаи давлатии сармоягузорӣ ва идораи амволи давлатии Тоҷикистон Саъдӣ Қодирзода, Вазири нақлиёт Азим Иброҳим, роҳбари намояндагии Агентии Ҷопон оид ба ҳамкории байналмилалӣ дар Тоҷикистон Мунео Такасака, сармоягузорони хориҷӣ, соҳибкорони ватанӣ ва дигарон доир ба имтиёзҳои давлат барои дастгирии соҳибкорон, рушди тиҷорат, содагардонии ҳуҷҷатҳо, самтҳои афзалиятнок ва судбахши ҳамкории тиҷоратӣ, лоиҳаҳои амалкунанда, натиҷаҳои бадастомада ва дурнамои ҳамкорӣ маълумот манзур намоянд.
Фирӯза ДАВЛАТЗОДА,
АМИТ «Ховар»
АКС: шуъбаи иттилоотӣ ва таҳлилии дастгоҳи Раиси вилояти Хатлон
Ҳайати Тоҷикистон дар Машварати сеюми роҳбарони мақомоти зиддикоррупсионии кишварҳои аъзои Созмони ҳамкории исломӣ иштирок намуд
Тағйирёбии иқлим сабаби коҳиш ёфтани ҳосилнокии мева дар Тоҷикистон гардид
Дар Минтақаи озоди иқтисодии «Кӯлоб» бинои нави дидбонгоҳи гумрукӣ ба истифода дода шуд
Дар Душанбе масъалаи татбиқи лоиҳаву барномаҳои муштарак бо намояндаи ЮНИСЕФ баррасӣ гардид
Муовини Сарвазири Тоҷикистон бо вазъи корҳои саҳроӣ ва ҳолати инфрасохтори обёрии ноҳияи Мастчоҳ шинос шуд
Дар Душанбе оид ба ташхиси макроиқтисодӣ ҳамоиш баргузор шуд
Намояндаи Тоҷикистон дар ҳамоиши минтақавии Бонки осиёии сармоягузориҳои инфрасохторӣ иштирок намуд
Дар Конибодом вазъи соҳаи кишоварзӣ ва рафти ҷамъоварии пахта баррасӣ шуд
ПАХТАПАРВАРӢ. Кишти дер, нархи пасти пахта ва норасоии техникаи муосир мушкилоти асосии соҳа маҳсуб мешаванд
Дар мавзуи «Иттиҳоди Давлатҳои Мустақил: самтҳо ва дурнамои рушд» конференсияи байналмилалии илмӣ-амалӣ баргузор шуд
Тоҷикистон ва Узбекистон дар соҳаи идоракунии захираҳои об таҷрибаи якдигарро меомӯзанд
Дар Душанбе ҷаласаи 20-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ баргузор шуд
