Дар Мастчоҳ бинои нави Хадамоти давлатии оташнишонӣ ба истифода дода шуд
ДУШАНБЕ, 16.08.2022 /АМИТ «Ховар»/. Ба истиқболи ҷашни 30-солагии Иҷлосияи 16-уми Шӯрои Олии Ҷумҳурии Тоҷикистон дар шаҳраки Бӯстони ноҳияи Мастчоҳ бинои нави қисми мустақили 63-юми ҳарбикунонидашудаи Хадамоти давлатии оташнишонии ноҳия мавриди истифода қарор гирифт. Дар ин бора ба АМИТ «Ховар» дар Хадамоти матбуоти Раиси вилояти Суғд хабар доданд.
Дар маросими ифтитоҳи бинои мазкур Раиси ноҳияи Мастчоҳ Аъзам Ализода, сардори Раёсати Хадамоти давлатии оташнишонии вилояти Суғд Рустам Мирзозода ва дигар ҳайати шахсӣ иштирок доштанд.
Аъзам Ализода ба муносибати ифтитоҳи бинои нав кормандони хадамотро табрик намуда, иброз дошт, ки «касби оташнишонӣ пурмашаққат буда, кормандони ин соҳа ҳамарӯза баҳри аз сӯхтор эмин нигоҳ доштани молу амвол ва ҳаёти инсон мубориза мебаранд, баҳри таъмини амнияти шаҳрвандон ва молу мулки онҳо ҳаёти хешро дареғ намедоранд. Дар ин маврид фаъолияти кормандони қисми мустақили 63-юми ҳарбикунонидашудаи Хадамоти давлатии оташнишонӣ дар ноҳия назаррас мебошад».
Сардори Раёсати Хадамоти давлатии оташнишонии вилояти Суғд Рустам Мирзозода аз хидматҳои арзандаи кормандони соҳа ёдовар шуда, гуфт, ки «ба истифода додани бинои нав ва беҳтар гардидани шароити кории ҳайати шахсӣ ҳар корманди соҳаро водор месозад, ки дар иҷрои вазифаи хизматии хеш боз ҳам ҷиддитару бо масъулият рафтору муносибат намояд».
Бинои маъмурии қисми мустақили 63-юми ҳарбикунонидашудаи Хадамоти давлатии оташнишонии ноҳияи Мастчоҳ бо фармоиши Раёсати Хадамоти давлатии оташнишонии вилояти Суғд ба маблағи зиёда аз 800 ҳазор сомонӣ бунёд карда шудааст.
Бинои мазкур аз 2 ошёна, 9 ҳуҷраи корӣ ва як хобгоҳ барои кормандон иборат мебошад. Барои таҷҳизонидани ҳуҷраҳои бино зиёда аз 200 ҳазор сомонӣ масраф шудааст. Корҳои сохтмони бино ҳанӯз соли 2020 оғоз гардида буданд.
АКС: Хадамоти матбуоти Раиси вилояти Суғд
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
