Дар шаҳри Кӯлоб бинои маъмурии Раёсати ҳифзи муҳити зист сохта мешавад
ДУШАНБЕ, 23.08.2022 /АМИТ «Ховар»/. Дар шаҳри Кӯлоби вилояти Хатлон бинои маъмурии Раёсати ҳифзи муҳити зист иборат аз 5 ошёна сохта мешавад, ки анҷоми сохтмон моҳи сентябри соли 2023 дар назар дошта шудааст.
Тавре ба АМИТ «Ховар» дар шуъбаи иттилоотӣ ва таҳлилии дастгоҳи Раиси вилояти Хатлон иттилоъ доданд, зимни гузоштани санги асос барои бунёди бинои мазкур Раиси вилояти Хатлон Қурбон Ҳакимзода, Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода ва дигар масъулин иштирок намуданд.
Баъди ба истифода додан дар бинои мазкур Раёсати минтақавӣ ва Раёсати ҳифзи муҳити зисти шаҳри Кӯлоб фаъолият менамоянд.
Арзиши лоиҳавии сохтмон 18 миллион сомониро ташкил медиҳад. Бино аз 5 ошёна, толори техникӣ, озмоишгоҳҳои маркази обуҳавошиносӣ, осорхона, кабинетҳои корӣ ва китобхона иборат хоҳад буд. Тибқи маълумот, фармоишгари сохтмон Кумитаи ҳифзи муҳити зисти назди Ҳукумати Ҷумҳурии Тоҷикистон буда, лоиҳакаш ҶДММ «Аркон» ва паймонкор ҶДММ «Дилафрӯз» мебошад.
Дар шаҳри Кӯлоб ҳамчунин маркази ҳунарҳои мардумӣ, ки дорои коргоҳи дӯзандагӣ ва табақтарошист, ба истифода дода мешавад.
Раиси вилоят зимни боздид аз коргоҳҳои мазкур бо соҳибкорон суҳбат намуда, ба онҳо барои бо сифати баланд пешкаш намудани маҳсулот ба мардум ва ҷалби аҳолӣ ба ҳунаромӯзӣ тавсияҳои муфид дод.
АКС: шуъбаи иттилоотӣ ва таҳлилии дастгоҳи Раиси вилояти Хатлон
Дар моҳи июл Тоҷикистонро чӣ гуна ҳаво интизор аст?
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
ОГОҲӢ! Аз 1 то 3 июл дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Оид ба амалишавии Стратегияи миллии фаъолгардонии нақши занон дар Тоҷикистон конференсия доир шуд
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
Пагоҳ Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мешавад
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
