Саридораи геология 10 майдони эҳтимолӣ барои истихроҷи тиллоро муайян намуд
ДУШАНБЕ, 04.08.2022. /АМИТ «Ховар»/. Тибқи лоиҳаи омӯзиши геохимиявӣ барои истихроҷи тилло дар фосилаи байни дарёҳои Қаратоғ-Лучоб аз рӯи натиҷаҳои корҳои гузаронидашуда 10 майдони эҳтимолӣ барои тилло муайян карда шуд, ки дар ин самт корбарӣ ҷараён дорад. Дар ин бора Сардори Саридораи геологияи назди Ҳукумати Ҷумҳурии Тоҷикистон Илҳомҷон Оймуҳаммадзода имрӯз зимни нишасти матбуотӣ ба хабарнигорон иттилоъ дод.
«Тибқи лоиҳаи гузаронидани корҳои ҷустуҷӯии умумии сангҳои қиматбаҳо ва зиннатдиҳанда, дар қаторкӯҳҳои Шоҳдара ва Ишкошим дар натиҷаи иҷрои хатсайрҳои геологӣ ва кандани ковишҳо минералнокии сангҳои худҷило, ба монанди ёқути кабуд, лаъл ва турмалин ошкор карда шуд. Дар асоси ҳисоботи аз экспертизаи давлатӣ гузашта захираи канданиҳои фоиданок, аз қабили сурбу руҳ, тилло, андезид, оҳаксанг, хок ва омехтаи регу шағал ба тарози давлатӣ гузошта шуд»,- гуфт дар идома Илҳомҷон Оймуҳаммадзода.
Дар ҷараёни нишасти матбуотӣ зикр шуд, ки Саридораи геологияи назди Ҳукумати Ҷумҳурии Тоҷикистон дар шаш моҳи соли 2022 омӯзиши геологии қаъри заминро тибқи Барномаи давлатии рушди соҳаи гологияи Ҷумҳурии Тоҷикистон барои солҳои 2021-2030 аз рӯи 30 лоиҳа дар объектҳои металлҳои сиёҳ, ранга, қиматбаҳо, нодир, сангҳои худҷилою ороишӣ ба анҷом расонид.
Дар ин давра корҳои шартномавӣ аз рӯи 126 лоиҳа ба иҷро расонида шуда, дар маҷмӯъ корҳо бо усули хоҷагидорӣ 17 миллиону 962 ҳазору 25 сомониро ташкил намуданд, ки суръати афзоиш ба 200 фоиз баробар гардид.
Зарангези ЛАТИФ,
АМИТ «Ховар»
АКС: АМИТ «Ховар»
Ҷалби сармояи Британияи Кабир ба соҳаҳои афзалиятноки иқтисоди Тоҷикистон баррасӣ гардид
Дар ҷаласаи Шуро оид ба авиатсия ва истифодаи фазои ҳавоӣ рушди ҳамкории байнидавлатӣ дар соҳаи авиатсияи гражданӣ баррасӣ шуд
Дар Урумчӣ масъалаҳои тавсеаи ҳамкории тиҷоратию иқтисодии Тоҷикистон ва Синзян баррасӣ шуданд
Дар Душанбе масъалаҳои идоракунии муосири таваккал дар фаъолияти гумрукӣ баррасӣ шуданд
Масоили табодули таҷриба ва омӯзиши мутахассисони тоҷик дар озмоишгоҳҳои Институти байтории Италия баррасӣ гардид
Байни мақомоти гумруки Тоҷикистон ва Русия Протокол ба имзо расонида шуд
Дар Минск масъалаҳои рушди ҳамкории геологӣ дар доираи ИДМ баррасӣ гардиданд
Дар вилояти Суғд ҳар сол қариб дар 35 ҳазор гектар кишти такрорӣ гузаронида мешавад
Густариши робитаҳои мустақими соҳибкорӣ байни Тоҷикистон ва Эрон баррасӣ гардид
Рушди робитаҳои тиҷоратию сармоягузории бахши хусусӣ байни Тоҷикистон ва Чин баррасӣ карда шуд
Дурнамои ҳамкорӣ байни вазоратҳои молияи Тоҷикистон ва Полша баррасӣ гардид
Масоили соҳаи роҳсозӣ ва роҳдорӣ дар Осиёи Марказӣ дар Конфронси панҷуми байналмилалии CARS-2026 дар Душанбе баррасӣ гардид
