«Туту.ру»: Тоҷикистон ба панҷгонаи маъруфтарин кишварҳои мавсими махмалин барои русиягиҳо шомил гардид

Август 12, 2022 12:04

ДУШАНБЕ, 12.08.2022 /АМИТ «Ховар»/. Русиягиҳо гузаронидани мавсими махмалинро дар Тоҷикистон беҳтар медонанд: кишвари мо аз 1 сентябр то 15 октябр ба раддабандии 5 мавзеи маъмултарин барои сайёҳони русиягӣ шомил гардид. Дар ин бора аз ҳисоботи маркази таҳлилии хадамоти сафар ва сайёҳии Tutu.ru, ки АМИТ «Ховар» бо натиҷаҳои он шинос гардид, бармеояд.

Дар мавсими махмалин талабот ба чиптаҳо ба самти Туркия, Арманистон, Узбекистон ва Қирғизистон низ зиёд мешавад.

Дар оғози тирамоҳ аз рӯйи шумораи банд карда гирифтани ҷойҳо Туркия пешсаф аст. Ба ин давлат 16 фоизи тамоми чиптаҳои ҳавоии бақайдгирифта рост меояд. Нархи миёнаи чиптаи якҷониба 24,4 ҳазор рублро ташкил медиҳад.

Мақоми дуюмро Узбекистон касб намуд, ки ба ин кишвар 14 фисади муштариёни ин хадамоти хизматрасонӣ сафар карданиянд. Арзиши чиптаҳо 12,4 ҳазор рублро ташкил медиҳад. Ба сегонаи беҳтаринҳо Арманистон низ дохил мешавад, ки нархи чиптаи ҳавоӣ ба 11,2 ҳазор рубл баробар аст.

Илова бар ин, дар мавсими махмалин ба чиптаҳо ҷониби Тоҷикистон (8,4 ҳазор), Қирғизистон (9,2 ҳазор рубл), Озарбойҷон (13,9 ҳазор) ва Қазоқистон (13,2 ҳазор) низ талабот зиёд аст. Ба 10 кишвари беҳтарин Беларус, Гурҷистон ва Аморати Муттаҳидаи Араб шомил гардидаанд.

Хабарнигори АМИТ «Ховар» маълум намуд, ки чаро дар Русия давраи аз аввалҳои моҳи сентябр то нимаи моҳи октябрро нисбат ба сафар ба баҳр дар моҳҳои тобистон «мавсими махмалин» ё «ашрофона» меҳисобанд.

Маълум мешавад, ки ибораи «мавсими махмалин» дар Русияи подшоҳӣ, дар охири садаи 19 ва ибтидои асри 20 пайдо шудааст. Он дар робита ба мӯд миёни ашрофзодаҳо барои истироҳат дар Қрим ба вуҷуд омадааст, ки онҳо ба онҷо бо либосҳои абрешимӣ ва махмалӣ меомаданд. Мавсими бештар мусоид барои истироҳат дар осоишгоҳҳоро ин гуна унвон менамуданд. Дар ҷойҳои дорои иқлими субтропикӣ, аз ҷумла дар соҳили Баҳри Сиёҳи Русия ин мавсим ба моҳи сентябр ва қисман моҳи октябр рост меояд. Дар мавсими махмалӣ ҳаво ҳанӯз хеле гарм аст, аммо на гарми сӯзон ба мисли моҳи июл ва ҳарорати об дар баҳр тақрибан ба ҳарорати ҳаво баробар аст.

Илова бар ин, ин мавсими меваву сабзавот аст. Дар куҷо боз метавон меваю сабзавоти тару тозаро ба ҷуз аз Тоҷикистон ва дар моҳи сентябр дастрас кард?

Мавсими махмалин барои истироҳат дар баҳр дар моҳи сентябр имконияти олист. Дар ҳар гӯшаи ҷаҳон, аз ҷумла дар Тоҷикистон ҷойҳои истироҳати бофароғат хеле зиёданд. Ҳавои ин ҷо ба худ хос буда, тобистон гарм аст. Аммо аз моҳи сентябр то нимаи моҳи октябр ҳарорат паст мешавад. Ҳарорати обу ҳаво хеле мусоид мешавад. Зиёда аз ин, дар ин давра тамоми муолиҷа дар осоишгоҳу истироҳатгоҳҳо натиҷаи мусбат медиҳад. Барои онҳое, ки мушкилоти саломатӣ доранд, мавсими махмалин беҳтарин вақти табобат аст. Дар мавриди фароғат: дар ин давра аквапаркҳо, марказҳои дилхушӣ ва иҷораи нақлиёти обӣ дар Душанбе, Хуҷанд, Қайроққум, Норак ва ВМКБ фаъолияти худро ҳамвора идома медиҳанд.

ДАР АКС: обанбори Норак. Акс www.alaya-travels.ru

Август 12, 2022 12:04

Хабарҳои дигари ин бахш

НАМОИШГОҲИ БАЙНАЛМИЛАЛИИ САЙЁҲИИ ITB BERLIN 2023. Ҳайати Тоҷикистон барои иштирок дар он омодагӣ мебинад
«ТОҶИКИСТОН-ГАВҲАРИ КАШФНОШУДА ДАР САМОИ САЙЁҲӢ». Дар Душанбе Форум ва Намоишгоҳи байналмилалиии сайёҳӣ доир карда мешаванд
Соли 2022 беш аз 138 ҳазор нафар сайёҳон аз мавзеъҳои таърихию фарҳангии вилояти Суғд дидан карданд
Гӯштини тоҷикӣ мақоми байналмилалӣ гирифт
ЭҲЁИ ҶАШНИ САДА ДАР ТОҶИКИСТОНИ СОҲИБИСТИҚЛОЛ. Мулоҳизаҳои мушовири бахши Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Масрур Абдуллозода
ТАВОНО БУВАД, ҲАР КӢ ДОНО БУВАД (андешаҳо перомуни Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон)
ОБШАВИИ ПИРЯХҲО-МУШКИЛИ ҶАҲОНӢ. Пешниҳодҳо ва саҳми дурахшони Президенти Тоҷикистон дар масъалаи пешгирии маҳви пиряхҳои сайёра назаррас аст
ПАЁМ НАВИДЕ ФАРАҲБАХШ. Бардоштҳои мушовири бахши Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Муҳиддин Пайшанбезода дар ин бора
SIM-КОРТҲОЯТОНРО ДАР ВАҚТАШ АЗ ҚАЙД ГУЗАРОНЕД! Хабарнигори АМИТ «Ховар» бори дигар ба таваҷҷуҳ мерасонад, ки барои ин кор кадом ҳуҷҷатҳо заруранд
ЭҲТИЁТ: САКТАИ ДИЛ АЗ САРДӢ! Табиби қалб ба АМИТ «Ховар» доир ба сабабҳои авҷ гирифтани бемориҳои дилу рагҳо дар фасли зимистон маълумот дод
БИШКЕК ДАР САДРИ РӮЙХАТИ 100 ШАҲРИ ДОРОИ ҲАВОИ ОЛУДА ҚАРОР ГИРИФТ. Миёни чанд шаҳри ИДМ, ки ба ин феҳрист шомил шудаанд, ягон шаҳри Тоҷикистон нест
АМАЛИ ХАЙР ВА ИБРАТОМӮЗ! Дар Мастчоҳ ба беш аз 200 нафар кормандони идораи роҳ ва хоҷагии манзилию коммуналӣ, ки дар паи рафъи пайомадҳои бориши барф буданд, хӯроки гарм дода шуд