35-СОЛАГИИ ИСТИҚЛОЛИЯТИ ДАВЛАТӢ. Ба пешвози ин ҷашн дар шаҳри Кӯлоб 462 иншоот бунёд мешаванд

Сентябрь 15, 2022 09:54

ДУШАНБЕ, 15.09.2022 /АМИТ «Ховар»/. Дар шаҳри Кӯлоб бо мақсади сазовор пешвоз гирифтани ҷашни 35-солагии Истиқлолияти давлатии Ҷумҳурии Тоҷикистон бунёд ва навсозии 462 иншооти таъйиноти гуногун ба нақша гирифта шудааст. Аз ин теъдод соли равон 45 адад иншооти мавриди баҳрабардорӣ қарор дода шуд, ки дар онҳо зиёда аз 100 нафар сокинони маҳаллӣ бо ҷойи кори доимию мавсимӣ ва маоши хуб таъмин шуданд, хабар медиҳад АМИТ «Ховар» бо истинод ба мақомоти иҷроияи ҳокимияти давлатии шаҳри Кўлоб.

Тибқи иттилои масъулин, аз 462 иншооте, ки ба нақша гирифта шудааст, 86 адади он ба соҳаи маориф, 48 адад ба соҳаи тандурустӣ, 40 адад ба соҳаи саноат, 16 адад дар самти варзиш, 44 адад дар соҳаи хизматрасонӣ, 40 адад дар соҳаи савдо, 33 бинои баландошёнаю маъмурӣ, 106 адад дар самти нақлиёт ва коммуникатсия, 9 адад дар самти соҳилмустаҳкамкунӣ, як ададӣ дар самти энергетика ва ҳунармандӣ, 13 адад дар соҳаи кишоварзӣ, 4 адад дар соҳаи фарҳанг ва 21 адад дар дигар самтҳо рост меояд, ки баъди бунёд шуданашон садҳо нафар сокинони маҳаллӣ соҳиби ҷойи кори доимӣ ва маоши хуб хоҳанд шуд.


Мавриди зикр аст, ки 22 иншооти дигари ҷашнӣ, аз қабили ду корхонаи паррандапарварӣ, як муассисаи таълимӣ, бинои маъмурии Кумитаи Идораи замини шаҳр ва минтақаи Кӯлоб, бинои маъмурии Агентии «Тоҷикстандарт» дар минтақа ва Коллеҷи электоронии шаҳри Кӯлоб қисме мавриди баҳрабардорӣ қарор дода шуда, боқимондаҳо ба наздикӣ ба истифода дода мешаванд.

Айни замон дар 150 иншооти дигари ҷашнӣ корҳои сохтмонӣ бо маром идома дошта, онҳо марҳила ба марҳила мавриди баҳрабардорӣ қарор дода мешаванд.

Тибқи нақша дар шаҳри Кӯлоб бунёди 40 коргоҳу корхонаҳои истеҳсолӣ дар назар дошта шудааст.

АКС аз манбаъҳои боз

Сентябрь 15, 2022 09:54

Хабарҳои дигари ин бахш

35-СОЛАГИИ ИСТИҚЛОЛИЯТИ ДАВЛАТӢ. Дар Балҷувон то ин ҷашни миллӣ 257 иншоот бунёд мегарданд
Дар шаҳри Хоруғ бахшида ба 35-солагии Истиқлолияти давлатӣ 250 иншооти таъйиноти гуногун сохта мешаванд
Сарвари давлат Эмомалӣ Раҳмон аз Осорхонаи «Иҷлосияи XVI Шӯрои Олии Ҷумҳурии Тоҷикистон» дар Қасри «Арбоб» дидан карданд
Пешвои миллат Эмомалӣ Раҳмон Боғи фарҳангию фароғатии ба номи «30-солагии Иҷлосияи XVI Шӯрои Олии Ҷумҳурии Тоҷикистон» — ро дар ҳудуди Муассисаи давлатии «Қасри Арбоб» ба истифода доданд
Сарвари давлат Эмомалӣ Раҳмон бинои нави Маркази таҳсилоти рақамии Донишгоҳи давлатии ҳуқуқ, бизнес ва сиёсати Тоҷикистонро дар шаҳри Хуҷанд ифтитоҳ намуданд
Пешвои миллат Эмомалӣ Раҳмон корхонаи коркарди санги ҶСП «Корпоратсияи Камоли Хуҷандӣ»-ро ифтитоҳ намуданд
Президенти Тоҷикистон Эмомалӣ Раҳмон бинои чорошёнаи иловагии раёсати ВКД дар вилояти Суғдро ба истифода доданд
Сарвари давлат Эмомалӣ Раҳмон дар шаҳри Хуҷанд бинои Муассисаи таҳсилоти миёнаи умумии №28–ро мавриди баҳрабардорӣ қарор доданд
Пешвои миллат Эмомалӣ Раҳмон дар шаҳри Гулистон коргоҳи пойафзолбарории «Маҳина»-ро мавриди истифода қарор доданд
Президенти Тоҷикистон Эмомалӣ Раҳмон коргоҳи дӯзандагии «Маҳина»-ро дар шаҳри Гулистон мавриди истифода қарор доданд
Сарвари давлат Эмомалӣ Раҳмон бинои иловагии Маркази табобатию солимгардонии «Соҳил»-ро дар шаҳри Гулистон ифтитоҳ карданд
Пешвои миллат Эмомалӣ Раҳмон бинои Муассисаи таълимии миёнаи умумии рақами 5-ро дар ноҳияи Деваштич мавриди истифода қарор доданд