Ба шарафи 31-солагии Истиқлолияти давлатии Тоҷикистон «Бонки Эсхата» ва НБП «VISA» иқдоми якҷоя эълон менамоянд
ДУШАНБЕ, 08.09.2022 /АМИТ «Ховар»/. Бахшида ба 31-умин солгарди Истиқлолияти Ҷумҳурии Тоҷикистон «Бонки Эсхата» ва НБП «VISA» иқдоми якҷояи «Бурди афсонавӣ» оғоз менамоянд. Дар ин бора ба АМИТ «Ховар» дар «Бонки Эсхата» хабар доданд.
Мизоҷон акнун ҳангоми пардохт бо корти VISA-и «Бонки Эсхата» имкон доранд роҳхат барои ду нафарро ба мамлакатҳои гарм бурд кунанд ё соҳиби смартфони зебои iPhone 13 Pro Max шаванд.
«Мизоҷоне, ки бо корти VISA-и «Бонки Эсхата» дар нуқтаҳои савдо ва хизматрасонӣ пардохт мекунанд ё дар интернет-мағозаҳо бо корт ба маблағи на камтар аз 100 сомонӣ харид мекунанд, иштирокчии ин иқдом мегарданд. Ба онҳо давоми 3 рӯз пас аз пардохт бо рақами тартибии иштирокчӣ SMS-паёмак меояд»,- гуфтанд дар «Бонки Эсхата».
Иқдом 9 сентябри соли 2022 оғоз шуда, аз 4 давр иборат аст: даври 1-уми он 30.09.2022 ба охир мерасад ва 3 саёҳат барои ду нафар ба Мисри пурасрор бурд карда мешавад. Инчунин иштирокчии аз ҳама фаъол соҳиби 1 туҳфа — 1 iPhone 13 Pro Max мегардад.
Даври 2-юми иқдом 31.10.2022 ба охир мерасад ва 3 саёҳат барои ду нафар ба Туркияи офтобрӯя бурд карда мешавад. Иштирокчии аз ҳама фаъол соҳиби 1 туҳфа — 1 iPhone 13 Pro Max мегардад.
Даври 3-юми иқдом 30.11.2022 ба охир мерасад ва ва се нафари хушбахт ба АМА-и афсонавӣ (Дубай) барои ду нафарӣ роҳхат хоҳанд гирифт. Иштирокчии аз ҳама фаъоли даври 3-юм низ соҳиби смартфони iPhone 13 Pro Max хоҳад гардид.
Даври 4-уми иқдом 31.12.2022 ба охир мерасад ва ҳамчунин се ғолиб соҳиби роҳхат барои ду нафарӣ ба Амороти Муттаҳидаи Араб (Дубай) мешаванд. Иштирокчии аз ҳама фаъоли даври 4-ум соҳиби смартфони iPhone 13 Pro мегардад.
АКС: «Бонки Эсхата»
«РОҒУН» — РАМЗИ ҚУДРАТИ ЭНЕРГЕТИКИИ ТОҶИКИСТОН ДАР АРСАИ БАЙНАЛМИЛАЛӢ. Андешаҳо дар ин маврид
Ҷиҳати пешгирии таъсири хавфҳои эҳтимолӣ ба иқтисодиёти миллӣ ҷаласа баргузор гардид
«СИЁСАТИ НУРАФЗО». Таҳти ин унвон доир ба нақши Пешвои миллат дар рушди соҳаи энергетика китоби нав ба нашр расид
Татбиқи ташаббусҳои глобалии Тоҷикистон оид ба ҳифзи пиряхҳо ва криосфера дар Душанбе баррасӣ шуд
Имрӯз парвози мустақим дар хатсайри Душанбе–Минск оғоз гардид
Ташаккули сиёсати зиддикоррупсионии Ҳукумати Ҷумҳурии Тоҷикистон дар даврони истиқлоли давлатӣ баррасӣ гардид
Агентии инноватсия ва технологияҳои рақамӣ ва Бонки рушди Авруосиё санади ҳамкорӣ ба имзо расониданд
«РАҚАМИКУНОНИИ МИНТАҚАҲОИ ОЗОДИ ИҚТИСОДӢ». Дар форуми байналмилалӣ 12 санади ҳамкорӣ имзо шуд
Дар Тоҷикистон нахустин коргоҳи истеҳсоли ранги хокавӣ барои хатҳои уфуқии роҳҳои мошингард ба истифода дода шуд
Дар шаш моҳи соли 2026 ҳаҷми гардиши савдо байни Тоҷикистон ва Озарбойҷон ба 10,2 миллион доллар расид
ҚУРБИ АСЪОР: 1 доллари ИМА аз 9.1800 то 9.2492 сомонӣ муқррар шудааст
Тоҷикистон 85 фоизи аҳолиро бо маҳсулоти ғизоии ватанӣ таъмин мекунад
