Бокс дар Бозиҳои Осиё дар Ҳангжоу мусобиқаи интихобӣ ба Олимпиадаи Париж-2024 хоҳад буд

Сентябрь 4, 2022 10:46

ДУШАНБЕ, 04.09.2022 /АМИТ «Ховар»/. Бокс дар Бозиҳои Осиё дар Ҳангжоу соли оянда як мусобиқаи интихобӣ ба Олимпиадаи Париж-2024 хоҳад буд ва аз ҷониби гурӯҳи махсуси таъйиншуда аз ҷониби Шӯрои олимпии Осиё (ОСА) назорат мешавад. Дар ин бора директори Департаменти бозиҳои осиёии ОСА Ҳайдар Фармон дар нишасти маҷозии Кумитаи варзиши ОСА 25 август хабар дод, иттилоъ медиҳад АМИТ «Ховар» бо истинод ба Кумитаи миллии олимпии Тоҷикистон.

Ҳайдар Фармон гуфт, ки «Ассотсиатсияи байналмилалии бокс аз ҷониби КБО эътироф нашудааст ва мо тасмим гирифтем, ки ҳамин мавқеъро ишғол кунем ва ба ҷои он як гурӯҳи корӣ барои мудирияти варзиши бокс дар Бозиҳои Осиё таъйин кунем. Се ҳафта пеш Кумитаи байналмилалии олимпӣ (КБО) бо мо тамос гирифта, гуфт, ки Бозиҳои Осиё дар Ҳангжоу як мусобиқаи интихобӣ ба Олимпиадаи Париж-2024 хоҳад буд. Ба ин тартиб, КБО вакили фаннии боксро дар Бозиҳои Осиё таъйин мекунад ва онҳо марҳилаҳои интихобиро идора мекунанд”.

КБО Ассотсиатсияи байналмилалии боксро (IBA) соли 2019 аз ширкат дар Олимпиадаи соли гузаштаи Токио ба далели мушкилоти идоракунӣ, молия, доварӣ ва ахлоқ маҳрум кард. Онҳо инчунин изҳор доштанд, ки IBA масъули мусобиқаи бокс дар Олимпиадаи Париж-2024 нахоҳад буд.

Таҷрибаи маъмулӣ дар бозиҳои байналмилалии маҷмӯии варзишӣ, ба мисли Олимпиада ва Бозиҳои Осиё ин аст, ки федератсияи байналмилалӣ ё федератсияи Осиё масъули ин ё он варзиш аст.

Аммо ба далели идома ёфтани мушкилоти марбут ба IBA, КБО тасмим гирифт, ки мустақилона мусобиқоти олимпии боксро идора кунад — ин мавқеъро ҳоло Шӯрои олимпии Осиё мувофиқа мекунад.

Дар ҳамин ҳол, тағйироти дигар ин аст, ки мусобиқаи бокс дар Бозиҳои Осиё дар Ҳангжоу аз рӯи 13 вазн сурат хоҳад гирифт, вале дар мувофиқа бо Париж-2024 ҳафт мусобиқа байни мардон ва шаш мусобиқа байни занон хоҳад буд. Қаблан 8 вазн миёни мардон ва 5 вазн миёни бонувон буд.

АКС: КМО Тоҷикистон

Сентябрь 4, 2022 10:46

Хабарҳои дигари ин бахш

Дар Хуҷанд чемпионати ҷумҳуриявӣ оид ба шиноварӣ ҷамъбаст гардид
«PANDA CUP 2026». Дастаи мунтахаби ҷавонони Тоҷикистон (U-20) бо дастаи Чин мусовӣ бозӣ кард
Дастаи мунтахаби Тоҷикистон оид ба футбол ба финали Кing’s Сup 2026» баромад
Аъзои дастаи мунтахаби наврасони Тоҷикистон (U-17) бар ҳамсолонашон аз Фиҷи пирӯз шуданд
«KING’S CUP 2026». Имрӯз дастаи мунтахаби Тоҷикистон дар даври нимниҳоии мусобиқа бо тими яккачини Умон бозӣ мекунад
Дастаи мунтахаби Тоҷикистон оид ба футзал бозии дӯстонаи дуюмро бо Узбекистон мусовӣ анҷом дод
Дастаи мунтахаби ҷавонони Тоҷикистон (U-20) дар оғози Мусобиқаи «Рanda Сup-2026» бо Кореяи Ҷанубӣ ҳисоби бозиро мусовӣ кард
Дастаи мунтахаби Тоҷикистон омодагӣ ба мусобиқаи «Кing’s Сup 2026»-ро оғоз кард
Паҳлавонони тоҷик аз Чемпионати ҷаҳон оид ба самбо бо шаш медали ифтихорӣ бармегарданд
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд
Дастаи мунтахаби футзали Тоҷикистон бозии дӯстонаи якумро бо дастаи Узбекистон анҷом дод