Дар Донишгоҳи давлатии омӯзгории Тоҷикистон озмуни «Ихтироъкор» гузаронида мешавад
ДУШАНБЕ, 15.09.2022 /АМИТ «Ховар»/. 27 сентябр дар Донишгоҳи давлатии омӯзгории Тоҷикистон ба номи Садриддин Айнӣ бо ҷалби ихтироъкорони дигар муассисаҳои таҳсилоти миёна ва олии касбии мамлакат озмуни «Ихтироъкор» баргузор мегардад, хабар медиҳад АМИТ «Ховар» бо истинод ба донишгоҳи мазкур.
Дар робита ба ин бо ибтикори ректори донишгоҳ Аҳлиддин Ибодуллозода дар саҳни даромадгоҳи бинои асосӣ намоиши дастовардҳои омӯзгорони Донишгоҳи давлатии омӯзгории Тоҷикистон доир шуд.
Дар намоиш аз ҷониби садорати 14 факултети донишгоҳ дастовардҳо, аз ҷумла китобҳои муфиди дарсии солҳои 2019-2022 таълифшуда, донишномаҳо, медалу ҷоизаҳои омӯзгорону донишҷӯён, ки дар озмуну олимпиадаҳои ҷумҳуриявию байналмилалӣ соҳиб шудаанд, шаҳодатномаҳо, диплому медалҳо ва патентҳое, ки барои ихтироъкорӣ ба даст овардаанд, рӯнамоӣ гардиданд.
Ректори донишгоҳ зимни боздид иброз дошт, ки мақсад аз рӯнамоӣ-муаррифии дастовардҳои донишгоҳ ва инчунин ташвиқи омӯзгорону олимон ба таълифи бештари китобҳои дарсӣ ва воситаҳои таълимӣ, дарёфти ихтироъкорон, ҷалби омӯзгорону донишҷӯён ба навовариву ихтироъкорӣ мебошад.
Аҳлиддин Ибодуллозода ба хотири муаррифӣ намудани ихтироъкориву навоварони воқеии муассисаҳои таҳсилоти олии касбии Ҷумҳурии Тоҷикистон дар замони 31 соли соҳибистиқлолӣ ба масъулини бахши илм дастур дод, ки низомномаи баргузории озмуни «Ихтироъкор»-ро таҳия намуда, 27 сентябр бо ҷалби ихтироъкорони дигар муассисаҳои таҳсилоти миёна ва олии касбӣ дар Донишгоҳи давлатии омӯзгории Тоҷикистон озмуни мазкурро баргузор намоянд.
АКС: Донишгоҳи давлатии омӯзгории Тоҷикистон
АРЗЁБИИ ХОНИШ-ЯКЕ АЗ ҲАДАФҲОИ СТРАТЕГИИ СОҲАИ МАОРИФ. Дар ҳошияи Паёми Президенти Тоҷикистон ба Маҷлиси Олӣ
Байни Донишгоҳи байналмилалии сайёҳӣ ва соҳибкории Тоҷикистон ва Донишгоҳи Лакноуи Ҳиндустон шартномаи ҳамкорӣ ба имзо расид
Донишгоҳи техникии Тоҷикистон бо Донишгоҳи давлатии Лакнави Ҳиндустон ҳамкориро тақвият мебахшад
ТОҶИКОН ҶАҲОНРО ТАСХИР МЕНАМОЯНД! Барномаи «Дурахшандагон» ба ҷавонони лаёқатманди Тоҷикистон кумак мерасонад
Дар солҳои соҳибистиқлолӣ дар Тоҷикистон 22 маротиба музди меҳнати кормандони соҳаи маориф зиёд карда шуд
Дар ноҳияи Фирдавсии шаҳри Душанбе Муассисаи таҳсилоти томактабии хусусии «Боғи Мурод» ифтитоҳ ёфт
Барои таҳқиқоти илмӣ то 35 ҳазор сомонӣ мукофотпулӣ муайян гардид
РУШДИ ТАҲСИЛОТИ ТОМАКТАБӢ. Давоми 7 соли охир дар Душанбе 22 кӯдакистон ба истифода дода шуд
Китобҳои дарсии синфҳои 8 ва 9 «Асосҳои давлат ва ҳуқуқи Ҷумҳурии Тоҷикистон» ба забони туркманӣ нашр шуданд
Дар ноҳияи Рашт оид ба иҷрои дастуру супоришҳои Сарвари давлат вобаста ба рушди соҳаи маориф вохӯрӣ доир шуд
35-СОЛАГИИ ИСТИҚЛОЛИ ДАВЛАТӢ. Дар Хуҷанд бинои иловагии муассисаи таълимӣ барои 1280 хонанда сохта мешавад
ЗИЁДШАВИИ МАОШИ ОМӮЗГОРОН АЗ ОНҲО ЭҲСОСИ МАСЪУЛИЯТИ ДУЧАНДРО ТАҚОЗО ДОРАД. Бардошт аз ҷаласаи Раёсати маорифи вилояти Хатлон
