Дар ноҳияи Сангвор ҷамъоварии ҳосили картошка оғоз ёфт
САНГВОР, 17.09.2022 /АМИТ «Ховар»/. Ҷиҳати сари вақт ва беталаф ҷамъ овардани ҳосили ғалладонагӣ ва картошка кишоварзони ноҳияи Сангвор то имрӯз ҳосили зиёда аз 372 гектар картошказорро пурра ҷамъоварӣ намуда, аз ҳар гектар ба ҳисоби миёна то 233,2 сентнер ҳосил рӯёнида истодаанд.
Муовини якуми Раиси ноҳияи Сангвор Муҳаммадсолеҳ Муҳаммадизода ба хабарнигори минтақавии АМИТ «Ховар» Субҳониддини МАҲМУД гуфт, ки «имсол картошкапарварони ноҳия дар ҳамаи шаклҳои кишоварзӣ дар майдони 1136 гектар картошка кишт намуданд. Ҳоло деҳқонон ҷаҳду талош доранд, ки ҳосилро беталаф ҷамъоварӣ намуда, дар таъмини амнияти озуқавории мамлакат саҳми арзанда гузоранд. Хушбахтона, барои сари вақт ҷамъ овардани ҳосили картошка ситоди ноҳиявӣ таъсис ёфта, зиёда аз 45 адад техника ва мошинолоти кишоварзӣ барои кандану ҷамъоварии картошка ба ҷамоатҳои деҳот равона карда шудаанд, то деҳқонон ҳосили картошкаро сари вақт ва беталаф ҷамъоварӣ намоянд».
Мувофиқи маълумоти шуъбаи кишоварзии ноҳияи Сангвор, дар ҳамаи шаклҳои хоҷагидорӣ дар майдони умумии 1540 гектар зироати ғалладонагӣ, дар 214 гектар сабзавот, дар 50 гектар зироати техникӣ ва дар 52 гектар хӯроки чорво кишт шудааст. То имрӯз майдони умумии ғалладонагии ноҳия пурра ҷамъоварӣ шуда, 5575 тоннаро ташкил медиҳад.
АКС: Мақомоти иҷроияи ҳокимияти давлатии ноҳияи Сангвор
Раиси вилояти Хатлон дар Қазоқистон бо ҳамватанон ва соҳибкорони тоҷик вохӯрӣ намуд
Дар марказҳои таълимии шаҳри Кӯлоб аз рӯи 52 касбу ихтисос мутахассис омода карда мешавад
Имрӯз дар шаҳри Душанбе ҳаво то 33 дараҷа гарм мешавад
Дар Коллеҷи омори шаҳри Ваҳдат ба муносибати қабули ташаббуси навбатии ҷаҳонии Тоҷикистон ҳамоиши илмӣ баргузор шуд
Имрӯз дар шаҳри Душанбе ҳаво то 35 дараҷа гарм мешавад
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
