Мақомоти иҷроияи ҳокимияти давлатии ноҳияи Кӯшониёни Тоҷикистон ва Палатаи савдо ва саноати Қаҳрамонмараши Туркия Ёддошти тафоҳум ба имзо расониданд
ДУШАНБЕ, 13.09.2022 /АМИТ «Ховар»/. Имрӯз миёни Мақомоти иҷроияи ҳокимияти давлатии ноҳияи Кӯшониён ва Палатаи савдо ва саноати шаҳри Қаҳрамонмараши Туркия Ёддошти тафоҳум ба имзо расид. Дар ин бора ба АМИТ «Ховар» дар шуъбаи иттилоотӣ ва таҳлилии дастгоҳи Раиси вилояти Хатлон иттилоъ доданд.
Баимзорасии ёддошти тафоҳум зимни вохӯрии ҳайати вилояти Хатлон таҳти роҳбарии Қурбон Ҳакимзода бо президенти Палатаи савдо ва саноати шаҳри Қаҳрамонмараш Шаҳин Балҷиолу сурат гирифт.
Дар мулоқот зикр гардид, ки дар муносибатҳои байнидавлатии Тоҷикистон ва Туркия имрӯз фазои мусоиди эътимод, заминаи зарурии сиёсию ҳуқуқӣ ва василаҳои таъмини ҳамкории мутақобилан судманд фароҳам оварда шудааст. Танҳо соли гузашта воридоти сармояи мустақими туркӣ беш аз 25 млн доллари ИМА-ро ташкил дод, ки ин нишондиҳанда назар ба солҳои 2015-2020 ба таври назаррас афзоиш ёфтааст.
Раиси вилоят Қурбон Ҳакимзода зикр кард, ки «Хатлон яке аз марказҳои рушдёфтаи аграрию саноатии Тоҷикистон ба ҳисоб меравад. Дар вилоят соҳаи кишоварзӣ самти афзалиятноку пешбаранда маҳсуб шуда, қариб 70 ҳазор хоҷагиҳои кишоварзӣ фаъолият доранд. Ҳиссаи вилоят дар маҷмӯи умумии маҳсулоти кишоварзии мамлакат 52 фоизро ташкил мекунад».
Саноати вилоятро ҳудуди 700 корхонаю коргоҳи хурду калон намояндагӣ карда, беш аз 220 намуд маҳсулоти саноатӣ истеҳсол менамоянд.
Дар вилоят саноати кӯҳӣ, энергетика, саноати хӯрокворӣ, масолеҳи сохтмонӣ ва саноати сабук рушд ёфта, соли 2021 ҳаҷми умумии истеҳсоли маҳсулоти саноатӣ ба як миллиард доллари амрикоӣ баробар шуд.
Зимни вохӯрӣ иброз гардид, ки дар шароити рушди муосири иқтисодӣ дарёфти шарикони ҳамкор ва бозорҳои нав, таҳияи лоиҳаҳои муштараки сармоягузорӣ ва ҷалби сармояи хориҷӣ хеле муҳим мебошад.
Изҳори итминон карда шуд, ки робитаҳои дӯстона ва ҳамкории судманд ба манфиати ду давлат ва халқҳои дӯсту бародар ояндаи нек дошта, ҷонибҳо ҳамкориро дар ин самт густариш хоҳанд дод.
АКС: Мақомоти иҷоияи ҳокимияти давлатии вилояти Хатлон
Дар Душанбе оид ба Стратегияи рақамии дигаргунсозии системаҳои агроозуқаворӣ ҷаласа доир шуд
Раймунд Йелле: «Тоҷикистон дар масъалаҳои обу иқлим нақши муҳим дорад»
Директори Агентии инноватсия ва технологияҳои рақамӣ бо намояндагони пешбари ширкатҳои технологии чинӣ вохӯрӣ намуд
Дар ноҳияи Ҷайҳун ҷамъоварии ҳосили пиёзи барвақтӣ идома дорад
Доир ба робитаи байни захираҳои обӣ, энергетика, озуқаворӣ ва экосистемаҳо дар Аврупо ва Осиёи Марказӣ ҷаласа баргузор шуд
Дар Брюссел ҳамкории Тоҷикистон ва Белгия дар соҳаи андоз баррасӣ гардид
Мудири кулли ФАО: «Дар самти истифодаи самараноки захираҳои табиии обу замин бояд оқилона муносибат кард»
Дар Конфронси ФАО дар Душанбе тағйирёбии иқлим, аз байн рафтани гуногунии биологӣ ва вайроншавии замин баррасӣ шуд
Иқтидори кишоварзию саноатии Тоҷикистон дар «Dushanbe EXPO Centre» ба маърази тамошо гузошта шуд
Жанна Исина: «Баргузории конфронси сатҳи баланд дар Душанбе мавқеи байналмилалии Тоҷикистонро тақвият медиҳад»
Дар доираи Конфронси 35-уми минтақавии Созмони озуқаворӣ ва кишоварзӣ ҷаласаи канорӣ оид ба татбиқи ҳуҷҷати «равиши ягонаи саломатӣ» баргузор шуд
Мудири кулли ФАО Тсюй Дунъюй: «Ба Президенти Тоҷикистон барои дар сатҳи баланд баргузор намудани Конфронси 35-уми минтақавии СММ изҳори миннатдорӣ менамоям»
