Маҳсулоти кишоварзии Тоҷикистон дар Намоишгоҳи 29-уми Янлин дар Чин муаррифӣ шуд
ДУШАНБЕ, 15.09.2022 /АМИТ «Ховар»/. Имрӯз дар шаҳри Янлини музофоти Шэнсии Чин Намоишгоҳи 29-уми Янлин вобаста ба соҳаи кишоварзӣ ва технологияҳои инноватсионӣ баргузор гардид, ки дар он аз ҷониби намояндагони Сафорати Ҷумҳурии Тоҷикистон дар Ҷумҳурии Мардумии Чин маҳсулоти аграрии ватанӣ, аз ҷумла меваҳои тару тоза, хушкмева, асал ва нону кулчаҳои тоҷикӣ муаррифӣ шуданд.
Тавре дар маркази матбуоти Вазорати кишоварзии ҷумҳурӣ ба АМИТ «Ховар» иттилоъ доданд, дар намоишгоҳи мазкур Вазири кишоварзии мамлакат Саъдӣ Каримзода тариқи маҷозӣ иштирок ва суханронӣ намуд.
Дар намоиши байналмилалӣ намояндагони Чин, корпусҳои дипломатӣ ва ширкатҳо иштирок ва суханронӣ намуданд.
Бо мақсади ҷалби сармоягузорӣ ба соҳаҳои мухталифи кишоварзӣ, саноати хӯрокворӣ ва инчунин суръат бахшидан ба имконияти содироту воридоти кишвар Сафорати Ҷумҳурии Тоҷикистон дар Чин дар ҳамкорӣ бо Кумитаи тадорукоти намоишгоҳ — павилиони маҳсулоти аграрии ватаниро, аз ҷумла бо меваҳои тару тоза, хушкмева, асал ва нону кулчаҳои Тоҷикистон ба намоиш гузоштанд.
Дар доираи намоиш ҳайати Сафорати Ҷумҳурии Тоҷикистон дар Ҷумҳурии Мардумии Чин бо Губернатори музофоти Шансӣ ва ҳайати баландпояи ин музофот мулоқот намуда, доир ба рушди ҳамкории минбаъда мубодилаи афкор намуданд.
АКС: Вазорати кишоварзии ҶТ
Сохтмони зеристгоҳи барқии 110/10 кВ-и Варзишгоҳи миллӣ босуръат идома дорад
Дар нахустин Форуми маъданҳои муҳими Тоҷикистону Корея дар Сеул иқтидори маъдании Тоҷикистон муаррифӣ гардид
«КАРТОТЕКА». Вазорати нақлиёти Тоҷикистон ба низоми нави рақамии баҳисобгирии маблағу воситаҳо мегузарад
Дар шаш моҳ беш аз 930 ҳазор сайёҳи дохилию хориҷӣ мавзеъҳои сайёҳии Хатлонро тамошо намуданд
НИШАСТИ МАТБУОТӢ. Дар ноҳияи Лахш дар 8061 гектар зироати кишоварзӣ кишт карда шуд
Дар Душанбе нахустин Форум ва намоишгоҳи байналмилалии саноати хӯрокворӣ—«Тоҷикистон-2026» доир мегардад
Дар доираи Форуми маъданҳои муҳими Тоҷикистону Корея дар Сеул ҳайатҳои ду давлат вохӯрӣ анҷом доданд
Дар Хатлон ҳаҷми маҳсулоти кишоварзӣ ба беш аз 17,1 миллиард сомонӣ расонида шуд
НИШАСТИ МАТБУОТӢ. Ноҳияи Вахш ба хориҷи Тоҷикистон маҳсулоти кишоварзӣ содирот менамояд
35-СОЛАГИИ ИСТИҚЛОЛИ ДАВЛАТӢ. Дар ноҳияи Мир Сайид Алии Ҳамадонӣ зеристгоҳи нави барқии 110/35/10 кВ ба истифода дода мешавад
Вазирони оби кишварҳои Осиёи Марказӣ масъалаҳои идоракунии захираҳои обиро баррасӣ намуданд
