Муовини Раиси ҲХДТ Хайринисо Юсуфӣ: «Дар одобу фарҳанги халқи тоҷик қадрдонӣ аз ҳамсояҳо ва посдории таомули ҳамсоягӣ мақоми махсус дорад»
ДУШАНБЕ, 19.09.2022. /АМИТ «Ховар»/. Аввалин тире, ки дар дилхоҳ ҷанг зада мешавад, пеш аз ҳама ба синаи занону модарон мерасад. Зеро аз даст додани фарзанд, шавҳар ва ё бародар дарди талхест, ки дар тасвираш қалам оҷизӣ мекунад. Мо, занони тоҷик ба бонувону модарони қирғиз муроҷиат карда мегўем, ки барои муътадил гаштани вазъ дар сарҳади Тоҷикистону Қирғизистон саҳмгузор бошанд. Фавран бо иштироки мо, занон аз ҳар ду ҷониб барпо кардани гуфтушунид ба манфиати кор аст. Мо ҷавоби ин даъватро аз ҷониби занони Қирғизистон интизорем, — чунин нигоштааст муовини Раиси Ҳизби Халқи Демократии Тоҷикистон Хайринисо Юсуфӣ дар матлабе, ки ба унвони АМИТ «Ховар» ирсол гардидааст.
«Таърихи башарият борҳо собит кардааст, ки ҷанг танҳо бадбахтӣ меорад, тамоми мушкилоти оламро танҳо тавассути ба ҳам омадан, маслиҳату машварат кардан метавон осон кард. Ҳукумати Тоҷикистон, бахусус Президенти мамлакат муҳтарам Эмомалӣ Раҳмон барои бо роҳи осоишта ҳал намудани баҳси марзии байни ду кишвар тамоми тадбирҳои заруриро меандешанд. Роҳбарони кишвари ҳамсоя набояд ба чунин аҳдшиканӣ роҳ диҳанд», — тазаккур дод Хайринисо Юсуфӣ.
Ӯ таъкид кард, ки дар одобу фарҳанги мардумии халқи тоҷик қадрдонӣ аз ҳамсояҳо, расидан ба қадри он ва посдории таомули ҳамсоягӣ мақоми махсус дорад. Дар байни мардуми мо бо ҳамсоя муросо накардан ин нишонаи бефарҳангист. Тоҷик дар шодию ғами ҳамсоя шарик аст. Беҳуда ин зарбулмасал «Аз хеши дур ҳамсояи қадрдон беҳтар аст» дар байни мардум машҳур нагаштааст. Мардуми мо бо қирғизҳо аз як сарчашма об менӯшанд, аз як кӯча мегузаранд, дар як марз зиндагӣ мекунанд ва оқибат дар як мазор сар мегузоранд. Аз ин рў, ин ду ҳамсоя бояд паҳлў ба паҳлў дар фазои дўстию ҳамдигарфаҳмӣ умр ба сар баранд. Чуноне шоири зиндаёди тоҷик Султон Шоҳзода баён доштааст:
Ман нахоҳам кард хилват дур аз ҳамсояҳо,
Бод бо ҳамсояҳо ҳам буду ҳам нобуди ман.
Чунки рӯзи мурдани ман сӯи гӯристони деҳ,
Мебаранд ҳамсояҳо бар дӯши худ тобути ман.
АКС: манбаъҳои боз
БАҲРИ АРАЛ. Нигине, ки дар байни сарзамини хушку ташналаб медурахшид, аз байн меравад
ЗАХИРА БАРОИ ЗИМИСТОН. Дар шароити хона чӣ тавр бояд хушкмева тайёр намуд?
Меваҳои яхкардашуда манбаи витамину минералҳо буда, масуниятро баланд менамоянд
Академик Фарҳод Раҳимӣ: «Дидгоҳи Президенти Тоҷикистон ба криосфера ҳамчун замина барои амнияти глобалӣ»
То соли 2028 ба ҳама шаклҳои бадтарини меҳнати кӯдакон дар Тоҷикистон хотима дода мешавад
ВАҲДАТИ МИЛЛӢ ШУКУФОИИ ВАТАН АСТ! Андешаҳои судяи Суди шаҳри Истиқлол Фарзона Ғафурзода дар ин мавзуъ
МАСЛИҲАТИ МУТАХАССИС. Хӯрдани олуча хобро ба танзим дароварда, организмро барқарор мекунад
Кирти Вардхан Сингҳ: «Ҳифзи пиряхҳо ҳамбастагӣ, ҳамкории байналмилалӣ ва фаҳмиши муштараки илмиро талаб мекунад»
ҒИЗОИ СОЛИМ. Ҷаҳон Азонов: «Истеъмоли нодуруст ва аз меъёр зиёди ғизо давомнокии умрро кӯтоҳ мекунад»
ДАР ҲАР ЯК ОҲАНГ МУҲАББАТИ БЕАНДОЗАИ ТОҶИКОН БА ВАТАН ЭҲСОС МЕШУД. Бардошт аз баргузории Рӯзҳои фарҳанги Тоҷикистон дар Русия
МАСЛИҲАТИ МУТАХАССИС. Бодинҷон барои беҳтар шудани кори дил ва узвҳои ҳозима мусоидат мекунад
САРФАКОРӢ — БАРАКАТИ ЗИНДАГӢ. Ба миқдори сари сӯзан сарфа кардани зан баракатро дар хонадон дучанд меафзояд
