SECO дар татбиқи «Стратегияи миллии фарогирии молиявӣ барои солҳои 2022-2026» дар Тоҷикистон кумак менамояд
ДУШАНБЕ, 02.09.2022 /АМИТ «Ховар»/. Ҷараёни татбиқи кумакҳои техникии SECO ба Бонки миллии Тоҷикистон (БМТ), аз ҷумла барои татбиқи лоиҳаи рушди идоракунии корпоративӣ ва таҳияи заминаи меъёрию ҳуқуқии низоми пардохт зимни мулоқоти муовини якуми Раиси Бонки миллии Тоҷикистон Фирдавс Толибзода бо директори роҳбарикунандаи Дафтари Швейтсария оид ба ҳамкории иқтисодӣ (SECO) Мартин Саладин ва директори SECO дар Ҷумҳурии Тоҷикистон хонум Саломе Штайб дар Душанбе баррасӣ гардид, иттилоъ доданд ба АМИТ «Ховар» дар Бонки миллии Тоҷикистон.
Зикр гардид, ки БМТ дар ҳамкорӣ бо SECO ва Бонки ҷаҳонӣ «Стратегияи миллии фарогирии молиявии Ҷумҳурии Тоҷикистон барои солҳои 2022-2026» таҳия намудааст, ки он моҳи июли соли равон бо қарори Ҳукумат тасдиқ гардид. Изҳори умед карда шуд, ки намояндагони SECO ҷиҳати дар амал татбиқ намудани стратегияи мазкур талош хоҳанд кард.
Фирдавс Толибзода ба сатҳу сифати ҳамкории Бонки миллии Тоҷикистон ва SECO баҳои баланд дода, Мартин Саладин ва ҷониби Швейтсарияро бо вазъи макроиқтисодӣ ва низоми бонкии кишвар шинос намуд.
Зикр гардид, ки Бонки миллии Тоҷикистон бо якчанд сохтори давлатӣ ва ташкилоти Швейтсария ҳамкории босамар ба роҳ мондааст.
БМТ дар самти таъмини суботи молиявӣ, тақвияти низоми бонкӣ, ҳимояи ҳуқуқҳои истеъмолкунандагони хизматрасониҳои молиявӣ ва рушди низоми пардохт бо SECO равобити судманд роҳандозӣ намуда, дар ин замина ҷиҳати рушди низоми бонкии кишвар аз кумакҳои техникӣ ва машваратии ниҳоди мазкур бархӯрдор гардидааст. Фирдавс Толибзода ба ҳамтои худ барои кумакҳои техникӣ ва машваратии SECO арзи сипос намуда, гуфт, ки минбаъд низ ҳамкориро дар самти тақвияти устувории низоми бонкӣ, рушди низоми пардохт ва ҳимояи ҳуқуқҳои истеъмолкунандагони хизматрасониҳои молиявӣ идома хоҳанд дод.
Дар мулоқот инчунин масъалаҳои расонидани кумаки машваратию техникӣ дар самти таъсиси Академияи бонкӣ, дастгирии SECO барои ба роҳ мондани муносибатҳои муросилотии бонкҳои кишвар бо бонкҳои хориҷӣ, таҳияи барномаҳои нави SECO дар Ҷумҳурии Тоҷикистон баррасӣ гардиданд.
АКС: Бонки миллии Тоҷикистон
Дар Душанбе картошкаи калонтарин ба намоиш-фурӯш гузошта шуд
Байни Тоҷикистон ва Қазоқистон Созишномаи қолабӣ оид ба ҳамкорӣ дар самти таҳвили маҳсулоти нафтӣ ба имзо расид
Ҳайати Тоҷикистон дар Конфронси ваколатдори Иттиҳоди байналмилалии телекоммуникатсия иштирок дорад
Дар Душанбе форум ва конфронси байналмилалии зиддикоррупсионӣ доир мегарданд
Ҳаҷми умумии қарзҳои додашуда дар Тоҷикистон 25,5 фоиз зиёд гардидааст
Ширкатҳои Тоҷикистон ҳамкориро бо соҳибкорони Ҷопон таҳким мебахшанд
Байни Тоҷикистон ва Қазоқистон Созишнома дар бораи ҳамкории иттилоотӣ дар соҳаи таъминоти нафақа ба имзо расид
Вазири энергетика ва захираҳои оби Тоҷикистон бо лоиҳаҳои рақамикунонии ширкати «KEGOC»-и Қазоқистон шинос шуд
Байни Тоҷикистон ва Қазоқистон дар самти муқовимат ба коррупсия Ёддошти тафоҳум оид ба ҳамкорӣ ба имзо расонида шуд
Дар ноҳияи Ҷайҳун сохтмони неругоҳи барқи офтобӣ бо иқтидори 250 мегаватт идома дорад
ҚУРБИ АСЪОР: 1 рубли русӣ аз 0.1010 то 0.1126 сомонӣ муқаррар гардидааст
Қонуни Ҷумҳурии Тоҷикистон «Дар бораи сиёсати аграрӣ» таҳия гардидааст
