30-СОЛАГИИ ИҶЛОСИЯИ XVI ШӮРОИ ОЛӢ. ҲХДТ таҳти унвони «30 соли созандагӣ бо Пешвои муаззами миллат» Конференсияи ҷумҳуриявии илмӣ-назариявӣ доир менамояд

Октябрь 3, 2022 14:40

ДУШАНБЕ, 03.10.2022. /АМИТ «Ховар»/. Бо ташаббуси Ҳизби Халқии Демократии Тоҷикистон бахшида ба 30-солагии Иҷлосияи таърихии XVI Шӯрои Олӣ Конференсияи ҷумҳуриявии илмӣ-назариявӣ таҳти унвони «30 соли созандагӣ бо Пешвои муаззами миллат» баргузор мегардад. Ҳамчунин тибқи нақшаи тасдиқгардидаи ҲХДТ доир намудани  Фестивал – озмуни «Оини ватандорӣ», иқдоми идонаи «Як рӯзи ҳизбиён дар Қасри Арбоб», аёдати вакилони Иҷлосия ва ташкили вохӯрии се насл дар назар дошта шудааст, хабар дод роҳбари маркази матбуот ва таҳлилии дастгоҳи КИМ ҲХДТ Илҳомҷон Ҳамидиён ба АМИТ «Ховар».

Тибқи иттилои манбаъ,  бо мақсади сазовор таҷлил намудани Иҷлосияи сарнавиштсози  XVI Шӯрои Олӣ нақшаи чорабиниҳои  Ҳизби Халқии Демократии Тоҷикистон ба тасвиб расид, ки  аз 23 банд иборат мебошад. Ин чорабиниҳо сафарбар кардани гурӯҳҳои тиблиғотӣ аз ҳисоби аъзои кумитаҳои иҷроияи ҲХДТ дар шаҳру ноҳияҳо, иштирокчиёни Иҷлосияи XVI Шӯрои Олӣ ва Шӯрои собиқадорони ҲХДТ оид ба тарғиби нақши Иҷлосия дар ҳаёти ҷомеа, дар ҷойҳои ҷамъиятӣ омода ва насб намудани шиору овезаҳо бо навиштаҷот аз нуктаҳое, ки аз ин Иҷлосияи таърихӣ бармеоянд, нашри мақолаҳои таҳлилӣ ва назару андешаҳо, ташкил намудани мулоқот дар қисмҳои ҳарбӣ дар байни сарбозону афсарон, баргузор намудани ҳашарҳои дастҷамъона дар ташкилотҳои ибтидоӣ ва марказҳои шаҳру ноҳияҳо,  доир намудани озмуни иншои беҳтарин байни донишҷӯёни донишгоҳҳу донашкадаҳо, коллеҷу омӯзишгоҳҳо ва хонандагони синфҳои болоии муассисаҳои таълимӣ таҳти унвони «Иҷлосияи XVI Шӯрои олӣ-наҷотбахши миллат»-ро дар бар мегиранд.

Ҳамчунин доир  намудани форуми ҳизбиёни пойтахт таҳти унвони «Иҷлосияи сарнавишсоз» аз рӯйи бахшҳои сиёсӣ, фарҳангӣ, варзишӣ, намоиши китобҳои Пешвои миллат, боздид аз осорхонаю маконҳои таърихии шаҳри Душанбе пешбинӣ мешавад.

Ёдовар мешавем, ки ҷиҳати тарғибу ташвиқи аҳаммияти Иҷлосияи ХVI Шӯрои Олии Ҷумҳурии Тоҷикистон, нақши он дар ташаккули давлатдории миллӣ, арҷгузорӣ ба хизматҳои таърихиву беназири Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, баланд бардоштани эҳсоси худшиносиву худогоҳӣ ва ҳувияти миллии ҷавонон дар доираи талаботи Оинномаи Ҳизби Халқии Демократии Тоҷикистон фармоиши дигари муовини якуми Раиси ҳизб Абдуҷаббор Азизӣ ба тасвиб расида буд, ки тибқи он аксияи ҷумҳуриявии “Албом-Эстафета” бахшида ба 30-солагии Иҷлосияи ХVI Шӯрои Олии Ҷумҳурии Тоҷикистон дар тамоми кумитаҳои иҷроияи ҳизбии вилоятҳо ва шаҳру ноҳияҳо доир гардида истодаанд.

  Акс аз манбаъҳои боз

Октябрь 3, 2022 14:40

Хабарҳои дигари ин бахш

Дар Китобхонаи миллии Тоҷикистон бахшида ба Рӯзи маъюбон ҳамоиш доир шуд
«САМУРАЕ, КИ ШАМШЕР НАДОРАД». Асари нависандаи ҷопонӣ тарҷума ва нашр гардид
Имсол дар Тоҷикистон дар беш аз 186 ҳазор гектар кишти такрории зироати кишоварзӣ гузаронида мешавад
Кишоварзони ноҳияи Зафаробод дар беш аз 10 ҳазор гектар пунбадона кишт намуданд
Дар Тоҷикистон беш аз 11 ҳазор гектар шолӣ кишт шудааст
Дар «Ҳамсафар» 300 нафар хонандагон ба истироҳат ҷалб гардиданд
Имрӯз дар водиҳои Тоҷикистон ҳаво то 43 дараҷа гарм мешавад
Дар назди 4 муассисаи таълимӣ ноҳияи Рӯдакӣ хонаи хизматии омӯзгорон бунёд карда мешавад
Дар Тоҷикистон корҳои омодагӣ барои баргузории Фестивали бозиҳои варзиши миллӣ оғоз гардиданд
Ҷаласаи 6-уми роҳбарони вазорату идораҳои давлатҳои аъзои Созмони ҳамкории Шанхай оид ба ҳифзи муҳити зист доир шуд
Имрӯз дар Тоҷикистон чангу ғубор ба амал меояд
Бо мақсади тақвияти устувории шаҳрҳо ба хавфи офатҳо ва тағйирёбии иқлим дар Осиёи Марказӣ машварат доир гардид