Дар пасманзари буҳрони энергетикӣ Аврупоро зимистони сахт интизор аст

ДУШАНБЕ, 03.10.2022 /АМИТ «Ховар»/. Зимистони имсолаи аврупоӣ  аз маъмулӣ сардтар шуда, ба он бориш ва бодҳои камтар барои тавлиди неруи барқ метавонанд ҳамроҳ бошанд. Дар ин бора Financial Times бо истинод ба Маркази пешгӯии обу ҳавои миёнамуҳлати Аврупо (ECMWF) хабар медиҳад.

«Дар сурати чунин ҳолат он барои энергетика на танҳо аз сабаби каме сардтар шудани ҳаво, балки бинобар кам вазидани шамол барои (қабули – тавзеҳи идора) энергияи бодӣ ва кам шудани бориш барои энергетикаи обӣ хеле мушкил хоҳад буд», гуфт роҳбари ECMWF Флоренс Рабйе.

Ин пешгӯӣ метавонад барои бисёр сиёсатмадороне, ки кӯшиши мубориза бо болоравии арзиши  неруи барқ ва зимни он даст кашидан аз нафту гази Россияро доранд, ногузир  бошад.

Қаблан маълум шуд, ки гирифтани газ аз анборҳои зеризаминии Иттиҳоди Аврупо бори аввал аз баҳор инҷониб аз пуркунии он зиёдтар шудааст.

АКС аз манбаъҳои боз