Дар Пекин Анҷумани ХХ Ҳизби Коммунистии Чин ба кори худ шуруъ кард

ДУШАНБЕ, 17.10.2022. /АМИТ «Ховар»/. Анҷумани 20-уми Ҳизби Коммунистии Чин дирӯз, 16 октябр дар Хонаи маҷлисҳои мардумӣ дар  майдони Тянанмэни Пекин кушода шуд, хабар медиҳад АМИТ «Ховар» бо истинод ба хабаргузории «Синхуа».

Қариб 2,3 ҳазор нафар вакилони форум ба Пекин аз ноҳияҳои гуногуни Чин барои иштирок дар анҷумани 20-уми Ҳизби Коммунистии Чин омаданд.

Маросими ифтитоҳи Анҷумани 20-уми Ҳизби Коммунистии Чин соати 10:00 бо вақти Пекин оғоз шуд.

Котиби генералии Кумитаи Марказии Ҳизби Коммунистии Чин Си Ҷинпин аз номи КМ ҲКЧ маърӯза мекунад. Мувофиқи рӯзнома, дар анҷуман ғайр аз маърӯзаи ҳисоботии КМ ҲКЧ, даъвати XIX, ҳисобот дар бораи кори Комиссияи марказии тафтиши интизоми ҲКЧ шунида шуда, тағйирот ба оинномаи Ҳизби Коммунистӣ, ки барои идоракунии ҳизб ва давлат нуқтаи назари муҳим ва нави назариявию идеяҳои стратегӣ доранд, баррасӣ ва тасдиқ мегарданд.

Вакилони анҷуман ҳайати нави Кумитаи марказии ҲКЧ, даъвати XX ва комиссияи марказии тафтиши интизомро интихоб мекунанд.

Тавре ки аз ин пеш намояндаи расмии Анҷумани 20-уми Ҳизби коммунистии Чин Сун Ели гуфта буд, дарҳол баъд аз форум пленуми якуми ҳайати нави КМ барпо мегардад, ки дар он ҳайати Бюрои сиёсӣ ва Кумитаи доимии он (ҲК) нав карда мешавад.

Анҷумани 20-уми Ҳизби коммунисти Чин то 22 октябр идома меёбад.

АКС: Xinhua