Дар Тоҷикистон «Хадамоти шиноснома ва раводид»-и Вазорати корҳои дохилии Россия таъсис дода мешавад

Октябрь 19, 2022 15:15

ДУШАНБЕ, 19.10.2022 /АМИТ «Ховар»/. Вазорати меҳнат, муҳоҷират ва шуғли аҳолии Ҷумҳурии Тоҷикистон бо Корхонаи воҳиди давлатии федералии «Хадамоти шиноснома ва раводид»-и Вазорати корҳои дохилии Федератсияи Россия Ёддошти тафоҳум ба имзо расонид. Дар асоси ҳуҷҷати мазкур намояндагии ин Корхонаи воҳиди давлатии федералӣ дар Тоҷикистон таъсис дода мешавад.

Дар ин бора дар маркази матбуоти Вазорати меҳнат, муҳоҷират ва шуғли аҳолии мамлакат ба АМИТ «Ховар» иттилоъ доданд.

Ёддошти тафоҳум имрӯз зимни мулоқоти намояндагони Вазорати меҳнат, муҳоҷират ва шуғли аҳолии Тоҷикистон ва намояндагии Корхонаи воҳиди давлатии федералии «Хадамоти шиноснома ва раводид»-и Вазорати корҳои дохилии Россия бо мақсади роҳандозии ҳамкорӣ ҷиҳати баррасии имконияти таъсис ба имзо расид.

Мулоқот таҳти роҳбарии муовини Вазири меҳнат, муҳоҷират ва шуғли аҳолии Ҷумҳурии Тоҷикистон Шаҳноза Нодирӣ,  муовини директори генералии КВДФ «Хадамоти шиноснома ва раводид» — и Вазорати корҳои дохилии Федератсияи Россия Фёдор Карповетс, мушовири директори генералии Хадамоти мазкур Олег Костюков, сардори Хадамоти муҳоҷирати Вазорати меҳнат, муҳоҷират ва шуғли аҳолӣ Тоҳир Каримзода  ва намояндагони вазоратҳои корҳои хориҷӣ, корҳои дохилӣ ва меҳнат, муҳоҷират ва шуғли аҳолии Тоҷикистон доир гардид.

Зикр шуд, ки асоси ҳамкории мазкур дар Созишномаи байни Ҳукумати Ҷумҳурии Тоҷикистон ва Ҳукумати Федератсияи Россия оид ба ҷалби муташаккилонаи шаҳрвандони Ҷумҳурии Тоҷикистон барои амалӣ намудани фаъолияти меҳнатии муваққатӣ дар ҳудуди Федератсияи Россия муайян гардидааст.

Зимни вохӯрӣ масъалаҳои рушди минбаъдаи ҳамкорӣ дар соҳаи муҳоҷират, мусоидат ба рушди муносибатҳои дуҷониба байни Хадамоти муҳоҷират, муассисаҳои давлатии «Марказҳои машваратӣ ва омодагии муҳоҷирони меҳнатӣ пеш аз сафар» дар шаҳри Душанбе, «Агентии бокортаъминкунӣ дар хориҷа» ва КВДФ «Хадамоти шиноснома ва раводид» баррасӣ гардиданд.

Мавриди зикр аст, ки таъсиси намояндагии КВДФ «Хадамоти шиноснома ва раводид» дар Ҷумҳурии Тоҷикистон ба шаҳрвандони мо барои гузаштани бақайдгирии изи ангушт ва гирифтани патент ҷиҳати амалӣ намудани фаъолияти меҳнатӣ, шаҳодатнома оид ба донистани забони русӣ ва асосҳои қонунгузории Россия пеш аз сафар ба Федератсияи Россия мусоидат менамоянд.

Инчунин ҳайати КВДФ «Хадамоти шиноснома ва раводид»-и Вазорати корҳои дохилии Федератсияи Россия аз Хадамоти муҳоҷират, Муассисаи давлатии «Марказҳои машваратӣ ва омодагии пеш аз сафар ба муҳоҷирони меҳнатӣ», Муассисаи давлатии «Агентии бокортаъминкунӣ дар хориҷа» дидан намуда, бо мақсади амалӣ намудани Ёддошти тафоҳум масъалаҳои ҳамкории минбаъдаи судмандро баррасӣ намуданд.

АКС: Вазорати меҳнат, муҳоҷират ва шуғли аҳолии ҶТ

Октябрь 19, 2022 15:15

Хабарҳои дигари ин бахш

Сафири Тоҷикистон бо волии вилояти Айдини Туркия мулоқот намуд
Сафири Тоҷикистон бо Мудири генералии Маркази обии Женева мулоқот намуд
Намояндаи Тоҷикистон дар ҷаласаи 7-уми Гурӯҳи кории UNECE оид ба шарикии давлат ва бахши хусусӣ иштирок намуд
Ҳамкории минтақаҳои Тоҷикистон бо вилояти Измири Туркия баррасӣ гардид
Тоҷикистон ва Узбекистон масъалаи омода намудани мутахассисонро дар соҳаҳои илмҳои дақиқ ва техникӣ баррасӣ намуданд
Намояндаи Тоҷикистон дар ҷаласаи 114-уми Шурои Созмони байналмилалии муҳоҷират иштирок намуд
Дар Олмон имконияти васеи Тоҷикистон баҳри татбиқи ҳамкорӣ дар соҳаи энергияи барқароршаванда муаррифӣ гардид
Сафири Тоҷикистон ба Президенти Конфедератсияи Швейтсария эътимоднома супорид
Муовини раиси Девони вазирони Туркманистон Тангригули Атахаллиев ба Тоҷикистон омад
Дар Москва Рӯзи Парчами давлатии Ҷумҳурии Тоҷикистонро таҷлил намуданд
Ҳайати Тоҷикистон дар ҷаласаи муштараки вазирони корҳои хориҷӣ, мудофиа ва котибони шуроҳои амнияти СААД иштирок намуд
Сафири Тоҷикистон дар мулоқоти сафирони давлатҳои Осиёи Марказӣ бо Вазири корҳои хориҷии Русия иштирок намуд