Масъулини КИ ҲҲДТ дар ноҳияи Фирдавсӣ ба сокинони маҳаллаи Гулпарвар 1 «Маромномаи сокини пойтахт»-ро шарҳ доданд

Октябрь 26, 2022 15:10

ДУШАНБЕ, 26.10.2022 /АМИТ «Ховар»/. 25 октябр тибқи нақшаи чорабиниҳои муштараки Кумитаи иҷроияи ҲХДТ дар ноҳияи Фирдавсӣ ва Мақомоти иҷроияи ҳокимияти давлатии ноҳияи Фирдавсӣ дар муассисаи таҳсилоти миёнаи умумии №129 бо сокинони маҳаллаи Гулпарвар 1 вохӯрӣ баргузор гардид. Иштирокдорон вобаста ба риояи талаботи «Маромномаи сокини пойтахт», баланд бардоштани фарҳанги оиладорӣ ва риояи қонунҳои миллӣ ибрози андеша намуданд. Дар ин бора ба АМИТ «Ховар» мудири шуъбаи таблиғот ва иттилооти Кумитаи иҷроияи ҲХДТ дар ноҳияи Фирдавсии шаҳри Душанбе Муслим Усмонзода хабар дод.

Дар вохӯрӣ раиси Кумитаи иҷроияи Ҳизби Халқии Демократии Тоҷикистон дар ноҳияи Фирдавсии шаҳри Душанбе Абдураҳим Шоҳиён, раиси Комиссияи таҳлилӣ ва кор бо ВАО-и назди Кумитаи иҷроияи ҳизб дар ноҳияи Фирдавсӣ Далер Абдулло, сартабиби МД Маркази саломатии шаҳрии №1 Дилшода Юсупова, мудири бахши дин, танзими анъана ва ҷашну маросими Мақомоти иҷроияи ҳокимияти давлатии ноҳияи Фирдавсӣ Меҳриддин Исмонзода, намояндаи САҲШ-и ноҳияи Фирдавсӣ Умеда Абдураҳмонзода иштирок доштанд.

Абдураҳим Шоҳиён оид ба нақши аҳзоби сиёсии ҷумҳурӣ дар ташаккули давлатдории навини Тоҷикистон, хусусан нақши аъзо ва ҷонибдорони ҲХДТ дар рушду пешрафти сиёсӣ, иқтисодӣ, иҷтимоии мамлакат ва ташаккули ҷомеаи шаҳрвандӣ ҷиҳати мусоидат дар ҳалли мушкилоти мардум ибрози андеша намуд.

«Рисолати аслии ин ниҳоди сиёсӣ аз ҳифзи ҳуқуқу озодиҳои инсон ва шаҳрванд, ташаккули ҷомеаи шаҳрвандӣ, саҳм гузоштан дар рушду пешрафти ватани азизамон тавассути аъзо, ҷонибдорон ва ҳимояи манфиатҳои миллӣ иборат аст. Вобаста ба ҷаҳони зудтағйирёбандаи муосир ҳизбиёнро зарур аст, ки фаъолияти худро бозбинӣ намуда, дар муборизаҳои иттилоотӣ баҳри ҳимояи манфиатҳои миллӣ пешқадаму фаъол бошанд»,-афзуд Абдураҳим Шоҳиён.

Ҳамзамон ҷиҳати тақвият бахшидани корҳои ин ниҳоди сиёсӣ дар Шӯрои маҳаллаи Гулпарвар-1 ташкилоти ибтидоии ҳизбӣ таъсис дода шуд.

Дар кори маҷлиси муассисон роҳбарияти ташкилоти ҳизбии «Гулпарвар-1» интихоб гардида, шаҳодатномаҳои аъзои нави ҳизб дар вазъияти тантанавӣ тақдим карда шуданд. Тибқи нақша, чунин вохӯриҳо дар дигар маҳаллаҳо низ идома дошта, таъсиси ташкилоти ибтидоии ҲХДТ дар назар аст.

Ёдовар мешавем, ки вохӯриҳои гурӯҳи таблиғотӣ дар 25 маҳаллаи воридшуда бо ҷомеаи шаҳрвандӣ бо мақсади баланд бардоштани фарҳанги шаҳрнишинӣ, риояи талаботи «Маромномаи сокини пойтахт», тарбияи ҳарбӣ-ватанпарастии ҷавонон, пешгирии ҷудошавии оилаҳои ҷавон, пешгирии шомилшавии шаҳрвандон ба ҳизбу ҳаракатҳои ифротӣ ва риояи талаботи қонунҳои миллӣ бахшида ба 30-солагии Иҷлосияи XVI Шӯрои Олии Ҷумҳурии Тоҷикистон баргузор мегарданд.

АКС: КИ ҲХДТ дар ноҳияи Фирдавсии шаҳри Душанбе

Октябрь 26, 2022 15:10

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт