Муносибатҳои парлумонии Тоҷикистон ва Эрон густариш меёбанд

Октябрь 31, 2022 15:57

ДУШАНБЕ, 31.10.2022 /АМИТ «Ховар»/. Имрӯз раиси Гурӯҳи дӯстӣ ва ҳамкории байнипарлумонии Тоҷикистон ва Эрон Файзулло Баротзода бо намояндаи Маҷлиси Шӯрои исломии Ҷумҳурии Исломии Эрон Маҷид Насироӣ ба муносибати ифтитоҳи Рӯзҳои фарҳанги Ҷумҳурии Исломии Эрон дар Тоҷикистон, ки аз 31 октябр то 6 ноябр идома меёбанд, мулоқот намуд. Дар ин бора ба АМИТ «Ховар» котиби матбуоти Маҷлиси намояндагони Маҷлиси Олии Ҷумҳурии Тоҷикистон Муҳаммадато Султонов хабар дод.

Зимни мулоқот таъкид гардид, ки ҳамкории байнипарлумонӣ миёни Тоҷикистон ва Эрон аз оғози истиқлолияти давлатии кишвар шурӯъ гардида, борҳо дар вохӯриҳои сатҳи баланд миёни роҳбарони олии сиёсии Тоҷикистон ва Эрон, машваратҳои сиёсӣ байни вазоратҳои корҳои хориҷии ҳарду мамлакат муҳокима гардиданд ва натиҷаҳои дилхоҳ ба даст омаданд. Натиҷаи ин заҳмату талошҳо буд, ки намояндагони ду кишвар имрӯз бо ҳам дар шакли ҳузурӣ суҳбату мулоқот анҷом медиҳанд.

Боздидҳои расмии роҳбарияти олии Тоҷикистон ва Эрон аз кишварҳои ҳамдигар, гуфтушунидҳои дӯстона, инчунин санадҳое, ки дар ҷараёни ин боздидҳо ба имзо расидаанд, барои рушди минбаъдаи муносибатҳо заминаи устувор гузоштанд ва роҳу усулҳои татбиқи қарордодҳои имзошударо муайян намуданд.

«Пешрафти кунунии ҳамкории ду кишвар собит намуд, ки дипломатияи парлумонӣ дар баробари дипломатияи анъанавӣ ҷиҳати таҳким ва тавсеаи робитаҳои дуҷонибаи Тоҷикистону Эрон ҷойгоҳ ва саҳми бориз дорад. Мо аминем, ки гурӯҳҳои дӯстии байнипарлумонии Тоҷикистон ва Эрон дар фаъолияти босамари худ ин рисолатро ба ваҷҳи писандида анҷом хоҳанд дод»,- афзуд Файзулло Баротзода.

Дар мулоқот инчунин раиси кумитаи Маҷлиси намояндагон оид ба илм, маориф, фарҳанг ва сиёсати ҷавонон, аъзои Гурӯҳи дӯстӣ ва ҳамкории байнипарлумонии Тоҷикистон ва Эрон Насиба Содиқӣ иштирок намуд.

Ёдовар мешавем, ки аз 31 октябр то 6 ноябр Рӯзҳои фарҳанги Ҷумҳурии Исломии Эрон дар Ҷумҳурии Тоҷикистон баргузор мегарданд. Имрӯз маросими ифтитоҳи Рӯзҳои фарҳанги Ҷумҳурии Исломии Эрон дар Ҷумҳурии Тоҷикистон дар Театри давлатии академии опера ва балети ба номи Садриддин Айнӣ доир мегардад.

АКС: Маҷлиси намояндагони Маҷлиси Олии Ҷумҳурии Тоҷикистон

Октябрь 31, 2022 15:57

Хабарҳои дигари ин бахш

Тадбирҳои мубориза бо муҳоҷирати ғайриқонунӣ дар давлатҳои аъзои Созмони Аҳдномаи амнияти дастҷамъӣ пешниҳод гардиданд
Дар Душанбе вазъ ва дурнамои ҳамкории байнипарлумонии Тоҷикистон ва Гурҷистон баррасӣ шуд
Рустами Эмомалӣ ба Валентина Матвиенко ва Вячеслав Володин барқияи изҳори тасаллӣ ирсол намуданд
БАР ЗИДДИ ИФРОТГАРОИВУ ТЕРРОРИЗМ САРҶАМЪОНА МУБОРИЗА БАРЕМ. Андешаҳо дар ҳошияи мулоқоти Президенти Тоҷикистон бо намояндагони ҷомеа ва ходимони дин
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
САРМОЯИ ИНСОНӢ. Рушд ва самаранокии истифодаи сармояи инсонӣ барои давлату Ҳукумат аҳамияти аввалиндараҷа дорад
Дар Маҷлиси намояндагони Маҷлиси Олии Ҷумҳурии Тоҷикистон Рӯзи Модар пуршукуҳ таҷлил гардид
НАҚШИ ЗАНОН ДАР ПАРЛУМОНИ ТОҶИКИСТОН. 8 зан аъзои Маҷлиси миллӣ ва 16 нафар вакили Маҷлиси намояндагон мебошанд
Дар Душанбе бахшида ба Соли маърифати ҳуқуқӣ ҳамоиш баргузор гардид
Имрӯз дар шаҳри Душанбе иҷлосияи ҳабдаҳуми Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
Дар Душанбе ҷаласаи Шурои Маҷлиси миллии Маҷлиси Олии Ҷумҳурии Тоҷикистон баргузор гардид