Дар Дубай бинои осмонбӯс оташ гирифт

ДУШАНБЕ, 08.11.2022. /АМИТ «Ховар»/. Субҳи рӯзи душанбе дар яке аз маҷмааҳои 35-ошёнаи Дубай,  дар наздикии Бурҷи Халиф, ки бо дарозии 828 метр баландтарин бинои ҷаҳон ба шумор мерафт, сӯхтор ба амал омад, ки бинои бузургтарин ширкати сохтмонӣ дар ҷаҳони араб «Emaar» мебошад. Дар ин бора АМИТ «Ховар» бо истинод ба шабакаи телевизионии Telegram-канал Mash хабар медиҳад.

Сӯхтор дар минтақаи Downtown рух дода, ба зикри шоҳидон, қариб тамоми бинои осмонбӯсро оташ иҳота кардааст. Тафсилоти ҳодиса ва маълумот дар бораи захмиён ё кушташудагон дода нашудааст.

Дар бинои сӯхташуда, ки бахше аз силсиламанораҳо бо номи 8 Boulevard Walk аст, нишонаҳои шӯълаи сиёҳ дида мешаванд.

Силсиласӯхторҳо дар биноҳои баландошёна дар Дубай, ки солҳои охир дар он биноҳои осмонбӯс зиёд шудаанд, саволҳоро дар бораи бехатарии рӯйпӯшҳо ва дигар маводи истифодашуда дар аморат ба миён овардаанд.

Моҳи сентябр дар шаҳри Чаншаи Чин дар як бинои осмонбӯси 42-ошёна, ки ҳамчун идораи ширкати China Telecom хизмат мекард, сӯхтор ба амал омад. Сӯхтор биноеро, ки баландиаш беш аз 200 метр аст, зуд фаро гирифт.

Моҳи майи соли 2020 дар шаҳри Шарҷаи Амороти Муттаҳидаи Араб бинои осмонбӯси 48-ошёна оташ гирифт. Сокинони бино тахлия карда шуданд. Тибқи маълумоти пешакӣ, сӯхтор дар ошёнаи даҳум сар зада, баъдан тамоми бинои осмонбӯсро фаро гирифтааст.

Зарангези ЛАТИФ,
АМИТ «Ховар»

АКС: Telegram-канали Mash