Дар Душанбе ҳамкорӣ миёни парлумонҳои Тоҷикистон ва Подшоҳии Шветсия баррасӣ гардид
ДУШАНБЕ, 21.11.2022 /АМИТ «Ховар»/. Имрӯз Раиси Кумитаи Маҷлиси намояндагон оид ба корҳои байналмилалӣ, иттиҳодияҳои ҷамъиятӣ ва иттилоот Саидмурод Фаттоҳзода бо Сафири Фавқулода ва Мухтори Подшоҳии Шветсия дар Ҷумҳурии Тоҷикистон Томас Данестад мулоқот намуд. Дар ин бора ба АМИТ «Ховар» котиби матбуоти Маҷлиси намояндагон Муҳаммадато Султонов хабар дод.
Зимни мулоқот ҷонибҳо масъалаҳои марбут ба муносиботи Тоҷикистон ва Подшоҳии Шветсия, алахусус ҳамкорӣ миёни парлумонҳои ҳарду кишвар, инчунин мавзӯъҳои мавриди таваҷҷуҳи ҳамдигарро баррасӣ карданд.
Таъкид карда шуд, ки ҳамкорӣ миёни ду кишвар дар соҳаи гуманитарӣ назаррас аст. Масалан, метавон ба лоиҳаҳо барои дастгирии инкишофи ҷомеаи шаҳрвандӣ дар Ҷумҳурии Тоҷикистон; лоиҳаҳо барои эҷод намудани имконияти худтаъминнамоии аҳолӣ; лоиҳаҳо барои инкишофи бахши кишоварзӣ ва амалӣ гардонидани Стратегияи миллии паст намудани сатҳи камбизоатӣ ишора кард.
Ҳукумати Шветсия дар якҷоягӣ бо дигар ташкилоти байналмилалӣ дар коркард ва молиявикунонии микролоиҳаҳо ва барномаҳо дар соҳаи хоҷагии қишлоқ, дар соҳаҳои иҷтимоӣ, маориф ва тандурустӣ, инчунин ташкили сохторҳои ҷамъиятии демократӣ фаъолона иштирок менамояд.
Пояи қарордодиву ҳамкорӣ миёни Тоҷикистон ва Шветсия дар ҳоли густариш қарор дошта, ҳоло 2 санад — Созишнома байни Ҳукумати Ҷумҳурии Тоҷикистон ва Ҷумҳурии Шветсия барои дастгирӣ намудани инкишофи соҳаи тухмипарварӣ ва Созишнома байни Ҳукумати Ҷумҳурии Тоҷикистон ва Ҳукумати Шветсия дар бораи шарт ва ҳолатҳои умумии ҳамкорӣ баҳри рушд амал менамоянд.
Дар фарҷоми мулоқот Саидмурод Фаттоҳзода Сафири Фавқулода ва Мухтори Подшоҳии Шветсия дар Ҷумҳурии Тоҷикистон Томас Данестадро ба муносибати таъйин гардиданаш ба вазифаи пурмасъулият табрику таҳният гуфта, изҳори умед кард, ки ӯ ҳангоми фаъолият дар Тоҷикистон дар тақвияти ҳамкории дуҷониба саҳми арзанда мегузорад.
Акс: МН МО ҶТ
Раиси Маҷлиси намояндагони Маҷлиси Олии Ҷумҳурии Тоҷикистон бо Президенти Ҷумҳурии Узбекистон мулоқот намуд
Вакилони Маҷлиси намояндагони Тоҷикистон дар ҷаласаи муштараки комиссияҳои доимии Ассамблеяи байнипарлумонии ИДМ иштирок намуданд
Ба Қонуни Ҷумҳурии Тоҷикистон «Дар бораи пешгирии зӯроварӣ дар оила» тағйиру иловаҳо ворид карда шуд
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
Муовини Раиси Маҷлиси намояндагон бо Роҳбари Хазинаи кӯдакони Созмони Милали Муттаҳид дар Тоҷикистон мулоқот намуд
Дар Душанбе мулоқоти вакилони Парлумони Тоҷикистон бо намояндагони Туркманистон баргузор шуд
Вакили Парлумон дар ҷаласаи комиссияи назоратию буҷетии Ассамблеяи байнипарлумонии Иттиҳоди Давлатҳои Мустақил ба таври фосилавӣ иштирок намуд
Раиси Маҷлиси намояндагони Маҷлиси Олии Ҷумҳурии Тоҷикистон бо Пешвои миллии халқи туркман-Раиси Халқ Маслиҳатии Туркманистон мулоқот анҷом дод
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Пешвои миллии халқи туркман, Раиси Халқ Маслиҳатии Туркманистон Гурбонгулӣ Бердимуҳамедов мулоқот намуданд
Ҷаласаи Шурои коршиносон оид ба экология ва идоракунии захираҳои табиӣ дар Ассамблеяи байнипарлумонии мамлакатҳои Иттиҳоди Давлатҳои Мустақил доир шуд
ҲАМОВОЗӢ. Дар Парлумон оид ба мулоқоти Президенти Тоҷикистон бо фаъолон, намояндагони ҷомеа ва ходимони дин ҳамоиш доир гардид
ФАЗОИ ДИНӢ ВА ТАҲДИДУ ХАТАРҲОИ МУОСИР. Ҳамовозӣ ба мулоқоти Президенти Тоҷикистон бо фаъолон, намояндагони ҷомеа ва ходимони дин
