Дар Павилиони Тоҷикистон дар Миср масоили марбут ба тағйирёбии иқлим баррасӣ гардид
ДУШАНБЕ, 21.11.2022 /АМИТ «Ховар»/. «Идоракунии ҳамгироишудаи замин ва об дар асоси экосистема барои мутобиқшавӣ ба тағйирёбии иқлим»- таҳти чунин унвон дар Павилиони миллӣ, ки дар ҳошияи конфронси 27-уми ҷонибҳои Конвенсияи қолабии Созмони Милали Муттаҳид /СММ/ оид ба тағйирёбии иқлим (КОП-27) дар шаҳри Шарм-уш-Шайхи Миср ташкил шудааст, ҳамоиш баргузор гардид. Кумитаи ҳифзи муҳити зисти назди Ҳукумати Ҷумҳурии Тоҷикистон дар ҳамкорӣ бо Барномаи Рушди СММ дар Ҷумҳурии Тоҷикистон созмондиҳандагони ҳамоиш мебошанд, иттилоъ медиҳад АМИТ «Ховар» бо истинод ба Кумитаи ҳифзи муҳити зист.
Дар ҳамоиш аҳамияти идоракунии маҷмӯии захираҳои табиӣ барои ноил шудан ба мутобиқшавии устувор нисбат ба пайомадҳои тағйирёбии иқлим баррасӣ гардид. Инчунин намояндагони якчанд вазорату идораҳо, Фонди мутобиқсозӣ ва БРСММ роҳҳои ҳалли тезонидани мутобиқшавӣ ба тағйирёбии иқлим ва коҳиши таъсири онро барои суръат бахшидан ба рушди устувор муҳокима намуданд.
Дар ҳамоиш менеҷери лоиҳаи БРСММ оид ба «Равиши ҳамгироишудаи ландшафтӣ барои баланд бардоштани устувории кишоварзӣ ва чорвопарварон ба тағйирёбии иқлим дар Тоҷикистон» ва аҳамияти идоракунии маҷмӯии захираҳои табиӣ барои ноил шудан ба мутобиқшавии устувор нисбат ба пайомадҳои тағйирёбии иқлим рӯнамо пешниҳод намуд.
Дар ҳамоиш Директори Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон Абдулло Қурбонзода ва муовини сардори Маркази татбиқи лоиҳаҳои сармоягузории Кумита иштирок намуда, сухан гуфтанд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Намояндаи Тоҷикистон дар ҳамоиши Созмони ҳамкории исломӣ иштирок намуд
Сафири Тоҷикистон бо роҳбарияти «Caspian Energy Club» мулоқот намуд
Ҳамкории Тоҷикистон бо Созмони ҳамкории исломӣ баррасӣ гардид
Дар Исломобод 35-солагии Истиқлоли давлатии Ҷумҳурии Тоҷикистонро таҷлил намуданд
Сафири Тоҷикистон бо Вазири давлатӣ дар умури шаҳрдорӣ ва вазири давлатӣ дар умури маскани Кувайт мулоқот намуд
Дурнамои рушди ҳамкории Тоҷикистону Амрико баррасӣ шуд
Ҳамкории Тоҷикистон ва Кувайт оид ба бахши сармоягузорӣ ва сайёҳӣ баррасӣ гардид
Сафири Тоҷикистон дар Австрия дар Симпозиуми байналмилалии об иштирок намуд
Дар Туркманистон нишасти вазирони корҳои хориҷии кишварҳои Осиёи Марказӣ ва Озарбойҷон баргузор гардид
Ашрафҷон Гулов бо Сафири навтаъйини Амороти Муттаҳидаи Араб дар Ҷумҳурии Тоҷикистон Носир Ҳувайдин Зайбон Алӣ Ал-Катбӣ мулоқот намуд
Сироҷиддин Муҳриддин дар ҷаласаи навбатии Шурои вазирони корҳои хориҷии Иттиҳоди Давлатҳои Мустақил иштирок намуд
Сафири Тоҷикистон бо фаъолияти рӯзномаи «The Times Kuwait» шинос шуд
