Дурнамои муносибатҳои дуҷонибаи тиҷоратӣ миёни Тоҷикистон ва вилояти Қашқадарёи Узбекистон баррасӣ шуд
ДУШАНБЕ, 30.11.2022 /АМИТ «Ховар»/. Вазъи кунунӣ ва дурнамои муносибатҳои дуҷониба миёни Тоҷикистон ва вилояти Қашқадарёи Узбекистон зимни мулоқоти ҳайати тиҷоратии ин вилоят таҳти сарварии муовини Ҳокими вилоят Уткирҷон Қодиров бо муовини Раиси Палатаи савдо ва саноати Ҷумҳурии Тоҷикистон Ҳайдар Раҷабов баррасӣ гардид. Дар ин бора ба АМИТ «Ховар» дар Палатаи савдо ва саноат хабар доданд.
Дар мулоқот бо мақсади пайдо намудани шарикони ҳамкор аз вилояти Қашқадарё намояндагони 6 корхонаи миёнаву бузурги самти соҳаҳои омехта, аз ҷумла истеҳсоли чарм ва пойафзол, дару тиреза, мебел ва таҷҳизоти маишӣ низ иштирок намуданд.
Ҳамзамон аз ҷониби Ҷумҳурии Тоҷикистон 4 нафар намояндагони бахши хусусӣ, ки дар самтҳои соҳаҳои болозикр фаъолият менамоянд, иштирок намуданд.
Зимни вохӯрӣ Ҳайдар Раҷабов ба меҳмонон оид ба вазъи иқтисодии кишвар, фазои мусоиди сармоягузорӣ, ташкили корхонаҳои муштарак, ташкили намоишгоҳҳои тахассусию универсалӣ ва ба ин восита муаррифӣ намудани маҳсулоти ватанӣ дар вилояти Қашқадарёи Ҷумҳурии Узбекистон маълумот пешниҳод намуд.
Мулоқот дар фазои дӯстона ва ҷавобгӯ ба сатҳи баланди муносибатҳои тарафайн анҷом ёфта, ҷонибҳо доир ба таҳкиму густариши минбаъдаи ҳамкории Тоҷикистон ва вилояти Қашқадарёи Ҷумҳурии Узбекистон дар чаҳорчӯби бахши тиҷоративу иқтисодӣ таваҷҷуҳи хосса зоҳир намуданд.
АКС: Маркази матбуотии ПСС ҶТ
Дар Тоҷикистон беш аз 300 тонна пилла истеҳсол гардидааст
Дар Душанбе масъалаи рушди технологияҳои рақамӣ ва ҳифзи кӯдакон дар муҳити рақамӣ баррасӣ гардид
Корхонаи коркарди пахтаи ноҳияи Фархор баъд аз таъмир ба истифода дода шуд
РӮЗИ ҶАҲОНИИ ПАХТА. Як килограмм нахи пахта дар бозори ҷаҳонӣ ба 16 килограмм гандум баробар аст
«БАРНОМАИ РУШДИ САЙЁҲИИ ДОХИЛӢ». Дар Тоҷикистон беш аз 400 захираи сайёҳӣ, 1000 дара, 1000 кӯл ва мавзеъҳои дигари ҷолиб мавҷуд аст
Дурнамои рушди соҳаи сохтмони Тоҷикистон дар форуми байналмилалӣ дар Екатеринбург муаррифӣ гардид
Лоиҳаи «Дастрасӣ ба бозорҳо ва мутобиқшавӣ барои чорводорӣ» татбиқ мегардад
Дар Конфронси C5+1 SI дастовардҳои Тоҷикистон дар самти рушди зеҳни сунъӣ муаррифӣ шуданд
Коршиносони БОР соҳаи нақлиёт ва логистикаро яке аз муҳаррикони рушди иқтисодиёт арзёбӣ менамоянд
Байни Тоҷикистон ва палатаҳои савдою саноати кишварҳои ИДМ густариши робитаҳои тиҷоратӣ баррасӣ гардид
Барои фурӯши неруи барқ тавассути истгоҳҳои пуркунии воситаҳои нақлиёти барқӣ талаботи нав амалӣ гардид
ИСТИҚЛОЛИЯТИ ДАВЛАТӢ. То 1 октябр дар шаҳри Кӯлоб 493 иншооти истеҳсолию иҷтимоӣ ба истифода дода шудааст
