Имкониятҳои сайёҳии Тоҷикистон дар намоишгоҳи байналмилалии «World Travel Market London» муаррифӣ шуданд
ДУШАНБЕ, 08.11.2022 /АМИТ «Ховар»/. 7 ноябр дар шаҳри Лондони Подшоҳии Муттаҳидаи Британияи Кабир ва Ирландияи Шимолӣ намоишгоҳи байналмилалии сайёҳии «World Travel Market London 2022» ба кори худ шурӯъ намуд, ки дар он имкониятҳои сайёҳии Ҷумҳурии Тоҷикистон муаррифӣ шуданд. Дар ин бора ба АМИТ «Ховар» дар Сафорати Тоҷикистон дар Британияи Кабир хабар доданд.
Ҳайати Тоҷикистон таҳти роҳбарии мушовири бахши Ёрдамчии Президенти Ҷумҳурии Тоҷикистон оид ба масъалаҳои иқтисодӣ Иноятулло Қосимзода бо шумули муовини Вазири молия Юсуф Маҷидӣ, муовини якуми Раиси Кумитаи рушди сайёҳӣ Ҳабибулло Амирбекзода, инчунин намояндагони 12 ширкати хусусии ватанӣ дар самти сайёҳӣ ва пешбурди он иштирок доранд.
Намоишгоҳи «World Travel Market London» то 9 ноябр идома ёфта, дар он дар баробари Тоҷикистон зиёда аз 100 кишвари дигар имконятҳои сайёҳии худро ба маъраз гузоштаанд.
Ёдовар мешавем, ки намоишгоҳи мазкур аз соли 1980 инҷониб ҳамасола дар шаҳри Лондон баргузор гардида, бо ҷамъ овардани доираи васеи мақомоти рушди сайёҳии кишварҳо аз саросари ҷаҳон ва ширкатҳои сайёҳиву тиҷоратӣ ва ҳавопаймоӣ, барои истиқрори муносибатҳо ва рушди баъдии соҳа ҳамчун заминаи хуб хидмат менамояд.
АКС: Сафорати Ҷумҳурии Тоҷикистон дар Подшоҳии Муттаҳидаи Британияи Кабир ва Ирландияи Шимолӣ
Дар Душанбе ҷаласаи Шурои сарони ҳукуматҳои Иттиҳоди Давлатҳои Мустақил баргузор мешавад
Ҳамкории Тоҷикистон бо Созмони Милали Муттаҳид баррасӣ гардид
Ҳайати Тоҷикистон дар Иҷлосияи 8-уми Платформаи глобалӣ оид ба коҳиш додани офатҳои табиӣ иштирок намуд
Намояндаи Тоҷикистон дар Форуми панҷуми марказҳои таҳлилӣ иштирок намуд
Мавзеи сайёҳии «Арху» ба макони писандидаи сайёҳон табдил ёфтааст
Дар Душанбе масъалаҳои вобаста ба вохӯрии вазирони корҳои хориҷии формати «Осиёи Марказӣ-Ҳиндустон» баррасӣ гардид
Дар шаҳри Кокшетауи Қазоқистон намоиш-фурӯши маҳсулоти кишоварзию саноатии Тоҷикистон баргузор гардид
Иштирокдорони Конфронси байналмилалии сатҳи баланд оид ба ҳифзи пиряхҳо бо корҳои сохтмонӣ дар НБО «Роғун» шинос шуданд
Эла Ионеску, намоянда аз Руминия: «Шумо, одамони хушбахтед, ки чунин Ватани зебо доред»
СИЁМА. Оби ин дарё ба даҳгонаи обҳои беҳтарини ҷаҳон дохил гардидааст
Варзишгар аз Амрико Каролина Глейш: «Ба дӯстону ҳамкоронам дар бораи табиати нотакрори Тоҷикистон нақл хоҳам кард»
Иштирокдорони Конфронси байналмилалии сатҳи баланд оид ба ҳифзи пиряхҳо мавзеъҳои таърихию фарҳангии Тоҷикистонро тамошо мекунанд
