Сарвазири Тоҷикистон Қоҳир Расулзода дар ҷаласаи Шӯрои сарони ҳукуматҳои кишварҳои узв ва нозири СҲШ иштирок намуд

ДУШАНБЕ, 01.11.2022 /АМИТ «Ховар»/. Имрӯз ҷаласаи Шӯрои сарони ҳукуматҳо — сарвазирони кишварҳои узв ва нозири Созмони Ҳамкории Шанхай (СҲШ) тариқи видеоконфронс баргузор гардид, ки дар кори он Сарвазири Ҷумҳурии Тоҷикистон Қоҳир Расулзода низ иштирок ва суханронӣ намуд, хабар медиҳад АМИТ «Ховар».

Зикр шуд, ки Ҳукумати Ҷумҳурии Тоҷикистон барои ба сатҳи сифатан нав расонидани ҳамкорӣ бо кишварҳои узв ва нозири СҲШ ҳавасманд буда, дар замони муосир татбиқи пешниҳоди Президенти Ҷумҳурии Тоҷикистон муҳтарам Эмомалӣ Раҳмон оид ба коркард ва қабули Стратегияи рушди иқтисодии минтақаи СҲШ то соли 2030 саривақтӣ мебошад.

Дар ҷаласаи навбатӣ  вазъи ҳамкорӣ дар соҳаи роҳу нақлиёт, энергетика, тандурустӣ, маориф ва илм, иқтисод, сармоягузорӣ, гумрук, кишоварзӣ, тағйирёбии иқлим ва амният мавриди таҳлилу баррасӣ қарор гирифта, оид ба рушд бахшидани ҳамгироии кишварҳои узв ва нозири СҲШ фикру мулоҳизаҳои судманд байён карда шуданд.

АКС: АМИТ «Ховар»