Соли 2023 Дабири кулли нави СААД собиқ сарвазири Қазоқистон мешавад
ДУШАНБЕ, 24.11.2022 /АМИТ «Ховар/. Дабири кулли нави Созмони Аҳдномаи амнияти дастҷамъӣ (СААД) аз 1 январи соли оянда Имангали Тасмагамбетов таъйин мешавад (ДАР АКС дар марказ). Солҳои 2000-ум ӯ сарвазир ва котиби давлатии Қазоқистон, солҳои 2017-2019 сафири ин кишвар дар Россия буд. Вай дар ин вазифа Станислав Засро иваз мекунад. Дабири кулли СААД барои се сол таъйин карда мешавад. Тавре АМИТ «Ховар» иттилоъ додааст, дар ин бора дар иттилоияи сомонаи Президенти Қазоқистон гуфта шудааст.
«Дар доираи ҷойивазкунии нақшавӣ сарони давлатҳо тасмим гирифтанд, ки намояндаи Қазоқистон Имангали Тасмагамбетов аз 1 январи соли 2023 ба муҳлати се сол ба вазифаи Дабири кулли СААД таъйин карда шавад», — хабар дода шудааст дар сомонаи Сарвари давлати Ҷумҳурии Қазоқистон.
Станислав Зас, ки баъди 12 соли кор дар Шӯрои амнияти Беларус ба мақоми Дабири кулли СААД гузашт, моҳи январи соли 2020 ба ин вазифаи баландпоя таъйин гардида буд. Раиси Шӯрои СААД соли 2023 президенти Беларус Александр Лукашенко мешавад, ки қаблан ин мақомро сарвазири Арманистон Никол Пашинян бар уҳда дошт.
СААД- иттиҳоди низомию сиёсиест, ки аз ҷониби кишварҳои ИДМ барои ба эътидол овардани вазъ дар кишварҳои шарик таъсис дода шудааст. Ба СААД шаш давлат: Россия, Беларус, Қазоқистон, Қирғизистон, Арманистон ва Тоҷикистон шомиланд. Соли 2022 раёсати ин иттиҳодро Арманистон бар дӯш дошта, соли оянда раёсат ба Беларус мегузарад.
АКС аз манбаъҳои боз
Сироҷиддин Муҳриддин дар ҷаласаи вазирони корҳои хориҷии Осиёи Марказӣ ва Иёлоти Муттаҳидаи Амрико дар қолаби С5+1 иштирок кард
Сарвазири мамлакат Қоҳир Расулзода бо муовини Сарвазир – вазири корҳои хориҷии Покистон Исҳоқ Дор мулоқот намуд
Сарвазири Тоҷикистон бо муовини якуми Президенти Эрон мулоқот намуд
Сироҷиддин Муҳриддин бо Котиби давлатии Иёлоти Муттаҳидаи Амрико Марко Рубио мулоқот намуд
Раиси Ҳукумати Федератсияи Русия Михаил Мишустин ба Тоҷикистон ташриф овард
Ҳайатҳои иштирокчии ҷаласаи Шурои сарони ҳукуматҳо (сарвазирон)-и давлатҳои аъзои Созмони ҳамкории Шанхай ба Тоҷикистон ташриф меоранд
Дар Душанбе ҷаласаи Шурои сарони ҳукуматҳо (сарвазирон)-и давлатҳои аъзои Созмони ҳамкории Шанхай доир мегардад
Сарвазири Шурои давлатии Чин барои ҳамкории босифат бо Тоҷикистон дар чаҳорчӯби Ташаббуси «Як камарбанд, як роҳ» изҳори омодагӣ намуд
Намояндаи доимии Тоҷикистон бо Раиси иҷлосияи 81-уми Маҷмаи Умумии СММ мулоқот намуд
Муовини якуми Президенти Эрон Муҳаммадризо Ориф бо сафари корӣ ба Тоҷикистон ташриф овард
Ҳайати Тоҷикистон дар нишасти Шурои вазирони корҳои хориҷии Созмони ҳамкории исломӣ иштирок намуд
Сафири Тоҷикистон дар Кувайт бо раиси Бунёди фарҳангии Ал-Бобтайн вохӯрӣ намуд
