БАРЪАКСИ ПЕШГӮИИ ОБУҲАВОШИНОСОН. Дар Душанбе барфи деринтизори солинавӣ борид!

Декабрь 31, 2022 11:56

ДУШАНБЕ, 31.12.2022 /АМИТ «Ховар»/. Имрӯз ҳаво сокинону меҳмонони Тоҷикистонро бо барфи деринтизор дар соли нави мелодӣ шод кард. Қаблан Агентии обуҳавошиносии ҷумҳурӣ иттилоъ дода буд, ки 31 декабр сокинони мамлакат Соли навро бе барф пешвоз мегиранд.

Дар ҳамин ҳол, директори Маркази обуҳавошиносии Россия Роман Вилфанд низ гуфт, ки дар шаби Соли нав сокинони Душанберо чӣ гуна ҳаво интизор аст. Олим дар посух ба саволи радиои Sputnik изҳор дошт, ки дар пойтахти Тоҷикистон ҳаво аз ҳарвақта сардтар хоҳад буд: нишондодҳои ҳароратсанҷ аз нишондиҳандаи миёнаи чандинсола пасттар хоҳанд шуд.

«Дар Тоҷикистон ҳаво сард мешавад — ҳарорат дар он ҷо аз меъёри муқаррарӣ 4-6 дараҷа поёнтар аст», — изҳор дошт Вилфанд.

Аммо тавре директори Маркази обуҳавошиносии Федератсияи Россия илова кард, «сардӣ»-е, ки дар қаламрави ҷумҳурӣ мушоҳида мешавад, ба оқибатҳои ногувор оварда намерасонад. Ба гуфтаи ӯ, дар шаби Соли нав дар шаҳри Душанбе ҳарорати ҳаво бояд ҳудуди 0 дараҷа гарм шавад.

Бояд тазаккур дод, ки барфи солинавӣ ба шаҳрвандони Тоҷикистон ва бахусус сокинони шаҳри Душанбе табъи идона зам мекунад ва онҳо соли навро бо шодиву сурур пешвоз мегиранд.

Шоми имрӯз, 31 декабр, соати 20:30 дар майдони «Истиқлол»-и шаҳри Душанбе сокинону меҳмонони пойтахтро шоу-барномаи солинавӣ бо иштироки беҳтарин сарояндагон ва ҳунармандони ҷумҳурӣ интизор аст. Баъди тамошои барномаи ҷолибу диданӣ дар майдони «Истиқлол» ба муддати 4-5 дақиқа мушакҳои ранга паронда мешаванд.

Ҳамзамон дар ин рӯз дар чор ноҳияи пойтахт, аз ҷумла дар назди бинои Театри давлатии академии опера ва балети ба номи Садриддин Айнии ноҳияи Шоҳмансур, боғчаи ноҳияи Сино-назди Агентии назорати давлатии молиявӣ ва мубориза бо коррупсияи Ҷумҳурии Тоҷикистон, Муассисаи давлатии «Боғи фарҳангу фароғатии ба номи Садриддин Айнӣ»-и ноҳияи Исмоили Сомонӣ ва дар ноҳияи Фирдавсӣ — назди бинои Сирки давлатии Тоҷикистон барномаҳои фарҳангӣ-фароғатӣ гузаронида мешаванд.

АКС: АМИТ «Ховар»

Декабрь 31, 2022 11:56

Хабарҳои дигари ин бахш

Маросими ҷамъбаст ва ҷоизасупории Фестивали дӯстии афсарону сарбозон ва ҷавонони шаҳри Душанбе доир шуд
ЭЪЛОНИ РӮЗИ ҶАҲОНИИ ФУТБОЛ. Пешниҳоди Рустами Эмомалиро 10 ҳазор сокини пойтахт бо баргузории роҳпаймоӣ ҷонибдорӣ намуданд
Дар шаҳри Душанбе Фестивали афсарону сарбозон баргузор мешавад
Дар Душанбе корҳои сохтмонӣ дар иншооти роҳ ва нақлиёт идома дорад
СОЛҲОИ РУШДИ САНОАТ. Дар шаҳри Душанбе 71 коргоҳу корхонаи саноатӣ сохта мешавад
НИШАСТИ МАТБУОТӢ. Дар шаҳри Душанбе ба миқдори зарурӣ маҳсулоти ниёзи аввалия захира шудааст
НИШАСТИ МАТБУОТӢ. Соли 2023 беш аз 200 ҳазор меҳмонони хориҷӣ ба шаҳри Душанбе омадаанд
Имрӯз Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ Сафири Фавқулода ва Мухтори Ҷумҳурии Кореяро ба ҳузур пазируфтанд
Дар Душанбе нақшаи баргузории ярмаркаҳои фурӯши маҳсулоти кишоварзию агросаноатӣ дар соли 2024 тасдиқ шуд
НАВРӮЗ-2024. Бо қарори Раиси шаҳри Душанбе бахшида ба ин ҷашни байналмилалӣ «Карнавали наврӯзӣ» доир мегардад
Дар робита ба ҳунарнамоии дастаи мунтахаби Тоҷикистон оид ба футбол дар Ҷоми Осиё-2023 ҳамоиши варзишгарони шаҳри Душанбе доир шуд
ТАНЗИМИ АНЪАНА ВА ҶАШНУ МАРОСИМ. Соли 2023 дар чор ноҳияи шаҳри Душанбе 60 ҳолати қонунвайронкунӣ ошкор гардид