ДАР ҲАЛҚАИ ОИЛА. Дар Узбекистон ба мансабдорон гузаронидани шабнишиниҳоро дар Соли нав манъ карданд

Декабрь 13, 2022 12:19

ДУШАНБЕ, 13.12.2022 /АМИТ «Ховар»/. Сарвазири Узбекистон Абдулло Орипов баргузории шабнишиниҳои солинавиро дар мақомоти давлатӣ аз ҳисоби маблағҳои давлатӣ манъ кард. Тавре АМИТ «Ховар» хабар медиҳад, дар ин бора дирӯз, 12 декабр сомонаи Podrobno.uz бо истинод ба қарори Комиссияи махсуси ҷумҳуриявӣ иттилоъ додааст.

«Роҳбари ҳукумат ба ҳамаи ташкилоти давлатӣ ва ҳокимиятҳо (маъмурияти минтақаҳо — идора) аз ҳисоби маблағҳои буҷет ва ғайрибуҷетӣ ташкил намудани шабнишиниҳои дастҷамъона, оростани дастархони идона ва оташбозӣ карданро манъ намуд»,-шарҳ додааст нашрия.

«Ба сокинони Узбекистон тавсия дода мешавад, ки Соли навро дар ҳалқаи оила таҷлил намоянд»,-омадааст дар қарор.

Ба иттилои нашрия, чунин тасмим рӯзи душанбе зимни ҷаласаи ҳукумати кишвар бахшида ба масъалаҳои таҷлили Соли нави дар пешистода гирифта шуд.

Дар ВАО-и Узбекистон хабар дода мешавад, ки ин навбат манъи таҷлили дастҷамъонаи солинавӣ барои мансабдорон ба хотири сарфаи маблағҳои буҷетӣ сурат гирифтааст.

Арчаи анъанавии кӯдаконаи президентӣ имсол танҳо барои тарбиятгирандагони хонаҳои кӯдакон баргузор карда мешавад. Зимнан, дар маркази вилоятҳо, ноҳияву шаҳрҳо арчаҳои солинавӣ танҳо дар ҳавои кушод гузошта мешаванд.

Ба мақомоти дахлдор супориш дода шудааст, ки назоратро аз болои риояи қатъии маҳдудияти карантинӣ дар тарабхонаҳо, қаҳвахонаву буфет ва дигар муассисаҳои вобаста ба ғизои ҷомеа (масофаи иҷтимоӣ ҳангоми ҷойгиркунии мизоҷон, истифода бурдани ниқобҳои тиббӣ, баргузории тӯй ва маросими оилавӣ бо иштироки на бештар аз 30 нафар, инчунин тадбирҳо оид ба безараргардонӣ) пурзӯр намоянд.

Инчунин бо қарори комиссияи махсус дар биноҳои муассисаҳои таълимии томактабӣ, мактабҳои миёна ва муассисаҳои таҳсилоти олии касбӣ бо иштироки мактаббачагон, хонандагон ва донишҷӯён ташкил ва гузаронидани ҷашну шабнишиниҳои гуногун манъ карда шудааст.

Шаҳлои САДРИДДИН,
АМИТ «Ховар»,

АКС аз бойгонӣ

Декабрь 13, 2022 12:19

Хабарҳои дигари ин бахш

ИМРӮЗ-РӮЗИ АДВОКАТҲО. Асоси ислоҳоти ниҳоди адвокатураи Тоҷикистонро Паёми Президенти Тоҷикистон ба Маҷлиси Олӣ ташкил медиҳад
«МАКТАБИ СИЁСИИ ПЕШВОИ МИЛЛАТ». Дар Кӯлоб Конференсияи IV байналмилалии илмӣ-назариявӣ баргузор гардид
Кумакҳои Пешвои миллат ба зарардидагони офати табиӣ дар ноҳияҳои Нуробод ва Рашт расиданд
Дар Душанбе бо иштироки беш аз 10 ҳазор ҷавони гуногункасб Рӯзи ҷавонони Тоҷикистон бошукуҳ таҷлил шуд
Дар Озарбойҷон оид ба масъалаҳои оила, занон ва кӯдакон дар самти баробарии гендерӣ Ёддошти тафоҳум оид ба ҳамкорӣ ба имзо расид
23 МАЙ — РӮЗИ ҶАВОНОНИ ТОҶИКИСТОН. Дар Бадахшон ҷаласаи Шурои кор бо ҷавонон доир шуд
Бахшида ба Рӯзи ҷавонони Тоҷикистон ҳамоиши занону духтарони шаҳри Душанбе баргузор гардид
ОГОҲӢ. Дар Тоҷикистон 24-25 май боронҳои пуршиддат, сел, жола ва раъду барқ дар назар аст
«ШАРОРАИ ҶАВОНӢ». Бахшида ба Рӯзи ҷавонони Тоҷикистон барномаи фарҳангӣ-фароғатӣ баргузор мегардад
СОЛИ МАЪРИФАТИ ҲУҚУҚӢ. Оид ба нақшии калидии ташаккули маърифати ҳуқуқии шаҳрвандон дар давлати ҳуқуқбунёд ҳамоиш доир гардид
БА ТАЪСИСИ РӮЗИ ҶАВОНОНИ ТОҶИКИСТОН 27 СОЛ ПУР ШУД. Назарпурсӣ оид ба фаъолияти ҷавонон дар ҷавоб ба дастгириҳои Президенти Тоҷикистон ва Ҳукумати мамлакат
Президенти Тоҷикистон Эмомалӣ Раҳмон: «Ҷавонон умеду ояндаи давлат ва халқи Тоҷикистон мебошанд»