Дар ноҳияи Бобоҷон Ғафуров 500 гектар токзори нав бунёд мешавад
ДУШАНБЕ, 04.12.2022 /АМИТ «Ховар»/. Дар ноҳияи Бобоҷон Ғафуров 500 гектар токзори нав бунёд мешавад, хабар медиҳад АМИТ «Ховар» бо истинод ба Хадамоти матбуоти Раиси вилояти Суғд.
2 декабр Раиси вилояти Суғд Раҷаббой Аҳмадзода бо лоиҳаи токзори нав шинос гардид. Дар Ҷамоати деҳоти ба номи Дадабой Холматов ва Ҷамоати деҳоти Исмоили ноҳия бо истифода аз таҷрибаи ангурпарварони шаҳри Турсунзода 500 гектар токзори нав бунёд карда мешавад. Бо бунёди токзори нав ҳаҷми истеҳсоли маҳсулот зиёд гардида, ҷойҳои нави корӣ фароҳам оварда мешаванд.
Дар вилоят то кунун 114 гектар токзори нав бо истифода аз таҷрибаи пешқадам ташкил гардидааст. Дар маҷмӯъ, дар минтақаҳои вилоят 11 ҳазор гектар токзори наву анъанавӣ мавҷуд буда, соли равон ангурпарварони вилоят беш аз 57 ҳазор тонна ҳосил ба даст овардаанд.
Раиси вилоят Раҷаббой Аҳмадзода барои татбиқи лоиҳаи нав, анҷоми саривақтии корҳои агротехникӣ ва ташкили боғу токзори нав ба роҳбарияти ноҳия ва масъулини Сарраёсати кишоварзии вилоят дастур дода, иброз дошт, ки ба масъалаи истифодаи самараноки замин таваҷҷуҳи хосса зоҳир намоянд.
Инчунин Раҷаббой Аҳмадзода дар Ҷамоати деҳоти Унҷии ноҳия бо ҷараёни бунёди гармхонаи нав шинос шуд. Гармхонаи нав аз тарафи соҳибкор Илҳом Исмоилов якҷо бо шарикон аз Ҷумҳурии Узбекистон таъсис ёфта, масоҳати он 1,1 гектарро ташкил медиҳад. Корҳои ташкилӣ дар ҳоли анҷомёбӣ қарор дошта, гармхона бо истифода аз таҷрибаи пешқадами кишоварзони Кореяи ҷанубӣ бунёд гардида истодааст. Парвариши сабзавот дар гармхона бо истифода аз таҷҳизоту технологияҳои навтарин ба роҳ монда шуда, он дорои маркази гармидиҳии махсус мебошад.
АКС: Хадамоти матбуоти Раиси вилояти Суғд
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
