Дар ёздаҳ моҳи соли 2022 миёни Тоҷикистон ва ноҳияи худмухтори Синзян-Уйғури Чин тиҷорати дуҷониба 42,3 фоиз афзоиш ёфтааст
ДУШАНБЕ, 17.12.2022 /АМИТ «Ховар»/. Тиҷорати дуҷониба дар 11 моҳи соли 2022 42,3 фоиз афзоиш ёфта, аввалин маротиба дар таърихи муносибатҳои дуҷониба ба сатҳи рекордӣ 1 миллиарду 95 миллион доллар расид ва айни замон Ҷумҳурии Мардумии Чин 2-умин бузургтарин шарики тиҷоратии Тоҷикистон мебошад. Ин нукта зимни ҷаласаи фосилавии Зеркомиссия оид ба ҳамкории тиҷоратию иқтисодии Ҷумҳурии Тоҷикистон ва ноҳияи худмухтори Синзян-Уйғури Ҷумҳурии Мардумии Чин иброз гардид. Дар ин бора АМИТ «Ховар» бо истинод ба Вазорати рушди иқтисод ва савдои Ҷумҳурии Тоҷикистон хабар медиҳад.
Дар доираи ҷаласаи мазкур масъалаҳои ҷалби сармояи мустақим, тавсеаи савдо, аз ҷумла рушди содироти маҳсулот аз Ҷумҳурии Тоҷикистон ба Ноҳияи Синзян-Уйғури Ҷумҳурии Мардумии Чин, зиёд намудани интиқоли мол тавассути гузаргоҳи сарҳади Душанбе — Кулма, ҷалби маблағгузории Чин барои сохтмони қитъаҳои шоҳроҳи Душанбе — Кулма, таъсиси корхонаҳои муштараки саноатӣ, бахусус дар ҳудуди минтақаҳои озоди иқтисодии Ҷумҳурии Тоҷикистон, рушди минбаъдаи робитаҳо дар бахши нақлиёт ва логистика, ҳамкорӣ дар соҳаҳои иқтисоди сабз, энергетика ва тиҷорати электронӣ мавриди баррасӣ қарор дода шуданд.
Завқӣ Завқизода имкониятҳои сармоягузорию саноатии кишварро муаррифӣ намуда, зикр кард, ки бо шарофати сиёсати хирадмандона ва дурандешонаи роҳбарони ду кишвар Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Ҷумҳурии Мардумии Чин муҳтарам Си Ҷинпин муносибатҳои ду кишвар пайваста рушд ёфта, ба сатҳи олӣ баромадаанд.
Илова бар ин дар рафти чорабинии зикршуда бо мақсади таъсиси корхонаҳои саноатӣ боздид аз минтақаи озоди иқтисодии Данғара сурат гирифт.
АКС: Вазорати рушди иқтисод ва савдои ҶТ
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
