«КОРИ НЕКУ НОМИ НЕК: ВОЛОНТЁР МЕШАВЕМ!». Дар Душанбе бахшида ба Рӯзи байналмилалии ризокорон ҳамоиш доир шуд
ДУШАНБЕ, 05.12.2022. /АМИТ «Ховар»/. «Кори хайру номи нек: волонтёр мешавем»- таҳти чунин унвон дар Донишгоҳи миллии Тоҷикистон бахшида ба Рӯзи байналмилалии волонтёрон ҳамоиши тантанавӣ – фарҳангӣ баргузор гардид. Дар ин бора ба АМИТ «Ховар» дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Ҳамоиши мазкур бо иштироки муовини Раиси шаҳри Душанбе Дилбар Одилзода, Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода, Раиси кумитаи иҷроияи ҲХДТ дар шаҳри Душанбе Иброҳим Мирзозода, Ректори Донишгоҳи миллии Тоҷикистон Қобилҷон Хушвахтзода, сардори Раёсати кор бо чавонон ва варзиши шаҳри Душанбе Шоҳзод Раҳимзода, роҳбарияти сохторҳои шаҳрӣ, муовинони раисони ноҳияҳои пойтахт, волонтёрону ҷавонони фаъол ва собиқадорони соҳаи волонтёрӣ доир гардид.
Муовини Раиси шаҳри Душанбе Дилбар Одилзода иброз дошт, ки фаъолияти волонтёрӣ- ин майдони оғози рушди касбии ҷавонон аст, ки робитаи ҷамъиятиашонро тавсеа медиҳад. Дар гузашта низ миёни мардуми мо шаклҳои ҳаракати волонтёрӣ, ба мисли ҳашар вуҷуд доштанд.
«Кумак расонидан ва иҷрои корҳои ҷамъиятӣ аз қадим ба нафъи мардум буд, ки тавассути ин фаъолият бо ҳашар хона месохтанд, пулҳо бунёд менамуданд, дасти ҳамдигар мегирифтанд ва дигар мушкилоти худро бартараф мекарданд»,-афзуд Дилбар Одилзода.
Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода изҳор дошт, ки бо қабули Қонуни Ҷумҳурии Тоҷикистон «Дар бораи фаъолияти волонтёрӣ» фаъолияти ҷамъиятӣ рушд намуда, дар айни замон дар назди Кумитаи кор бо ҷавонон ва варзиш ва сохторҳои маҳаллии он ҳазорҳо нафар ҷавон ба ҳайси волонтёр муттаҳид гардида, дар барномаҳои давлатӣ ва ҷамъиятӣ фаъолона иштирок карда истодаанд.
«Мактаби волонтёрӣ барои ҷавонон ҳамчун арсаи ба ҳам овардани имконият ва неруи созандаи онҳо ҷиҳати анҷом додани амалҳои хайрхоҳона, иштироки фаъол дар корҳои ҷамъиятии манфиатбахш ва раванди худташаккулёбӣ мусоидат мекунад»,-гуфт Раиси Кумитаи кор бо ҷавонон.
Зимни ҳамоиш собиқадорони соҳаи волонтёрӣ ва ҷавонони фаъол бо сипосномаи раёсати кор бо ҷавонон ва варзиши шаҳри Душанбе қадрдонӣ шуданд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Бахшида ба Рӯзи Конститутсия дар мавзуи «Асосҳои конститутсионии муқовимат ба коррупсия» ҳамоиш доир шуд
Дар Душанбе оид ба таҳияи нақшаи чорабиниҳои 40-солагии истиқлолияти давлатӣ ҷаласаи гурӯҳи корӣ доир шуд
31 ОКТЯБР — РӮЗИ ҶАҲОНИИ ШАҲРҲО. Дар хиёбони Саъдии Шерозии Душанбе 3 эстакадаи дусатҳа бунёд мегардад
Шаҳри Душанбе бо ба даст овардани 65 ҷой ғолиби Озмуни ҷумҳуриявии «Илм – фурӯғи маърифат» гардид
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор гардид
Рустами Эмомалӣ дар кӯчаи Абдулаҳад Қаҳҳорови ноҳияи Фирдавсии пойтахт бо гузоштани санги асос ба сохтмони 3 эстакада ва як пул оғоз бахшиданд
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Рустами Эмомалӣ дар ноҳияи Дарвоз аз маҷмааи сайëҳию истироҳатии «Чорчаман» дидан намуданд
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Рустами Эмомалӣ дар деҳоти Қалъаи Хумби ноҳияи Дарвоз бо фаъолияти комплекси сайёҳии «ЗЕВ-С» ва намоишгоҳи ҳунарҳои мардумӣ шинос шуданд
Рустами Эмомалӣ бо сафари корӣ ба ноҳияи Дарвози Вилояти Мухтори Кӯҳистони Бадахшон ташриф оварданд
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор мегардад
