МАРҲАБО БА ДУШАНБЕ! Арчаи асосии солинавии Тоҷикистон дар панҷгонаи арчаҳои баландтарини ИДМ қарор гирифт

Декабрь 24, 2022 12:48

ДУШАНБЕ, 24.12.2022 /АМИТ «Ховар»/. Арчаи асосии солинавии Тоҷикистон, ки дар майдони «Истиқлол»-и Душанбе қомат афрохтааст, дар раддабандии (рейтинги) арчаҳои солинавии имсола дар пойтахтҳои кишварҳои ИДМ, ки аз ҷониби сомонаи «Турстат» тартиб дода шудааст, дар байни даҳ шаҳр ҷои панҷумро ишғол кард.

Баландии арчаи асосии солинавии Тоҷикистон имсол 30 метр баландӣ ва 17 метр паҳноӣ дошта, бо ороишоти барқӣ-иллюминатсионӣ ва бозичаҳои солинавӣ оро дода шудааст.

Дар майдон инчунин нуқтаҳои савдо кушода шудаанд, ки аз онҳо метавон маҳсулоти хӯрокворӣ, нушокӣ ва туҳфаҳои хотиравии солинавӣ харидорӣ кард.

Раддабандии арчаҳои асосии солинавии кишварҳои ИДМ:

1. Ашқобод, Туркманистон, 43 метр.

2. Ереван, Арманистон, 37 метр.

3. Тошканд, Узбекистон, 35 метр.

4. Боку, Озарбойҷон, 34 метр.

5. Душанбе, Тоҷикистон, 30 метр.

6. Москва, Россия, 27 метр.

7. Минск, Беларус, 27 метр.

8. Остона, Қазоқистон, 25 метр.

9. Бишкек, Қирғизистон, 25 метр.

10. Кишинёв, Молдова, 20 метр.

Чароғҳои арчаи солинавии Ашқобод 15 декабр фурӯзон шуданд. Он бо шаш ҳазор тӯб ва бозича оро дода шудааст. Дар майдони атрофи арчаи солинавӣ аркҳои чароғӣ ва даҳҳо қаҳрамонҳои афсонавӣ гузошта шудаанд.

Соли гузашта низ арчаи асосии солинавии Туркманистон, ки баландиаш 38 метр буд, баландтарин арчаи солинавӣ дар ИДМ арзёбӣ гардид.

Арчаи асосии солинавии Туркманистон, ки дар раддабандӣ ҷои аввалро ишғол мекунад, дар назди маркази фарҳангию фароғатии «Алем» («Коинот»)-и Ашқобод гузошта шудааст. 15 декабр Аязбобо ва Гарпамик — Бобои барфӣ ва барфаки туркманӣ онро фурӯзон карданд.

Арчаи солинавии арманҳо дар майдони Ҷумҳурӣ дар Ереван қомат афрохтааст. Чароғҳои он 5 декабр дар маросими ифтитоҳи Junior Eurovision Song Contest 2022 фурӯзон карда шуданд.

Арчаи асосии солинавии Узбекистон дар маҷмааи «Истиқлол»-и боғи «Янги Узбекистон» дар Тошканд гузошта шудааст.

Арчаи солинавии Россия — арчаи зиндаи баландиаш 27 метр дар майдони Собори Кремл дар Москва қомат афрохтааст.

Бояд гуфт, ки дар Россия баландтарин арчаи солинавӣ бо дарзии 55 метр мавҷуд буда, он дар ҷазираи Татишеви Красноярск ҷойгир аст. Аммо он арчаи асосии солинавии ин кишвар маҳсуб намеёбад.

Раддабандӣ бар асоси натиҷаҳои омӯзиши баландии арчаҳои асосии солинавӣ дар кишварҳои ИДМ таҳия карда шудааст.

Ба даҳгона арчаҳои солинавии Минск (27 метр), Остона (25 метр), Бишкек (25 метр) ва Кишинёв (20 метр) низ шомил гардиданд.

ДАР АКС: арчаи асосии солинавии Тоҷикистон дар майдони «Истиклол»-и Душанбе. Акс: Дидор Саъдуллоев

Декабрь 24, 2022 12:48

Хабарҳои дигари ин бахш

Раиси Маҷлиси миллии Маҷлиси Олии Ҷумҳурии Тоҷикистон, Президенти Ассотсиатсияи футболи Осиёи Марказӣ (CAFA) Рустами Эмомалӣ бо Президенти Ассотсиатсияи байналмилалии бокс (IBA) Умар Кремлёв мулоқот намуданд
Рӯзи пойтахти Ҷумҳурии Тоҷикистон — шаҳри Душанбе таҷлил мегардад
«ТОҶИ САРИ ҶУМЛА ҲУНАРҲОСТ ИЛМ». Байни хонандагони муассисаҳои таҳсилоти миёнаи умумии пойтахт озмун баргузор мегардад
«ЗАБОН ДОНӢ-ҶАҲОН ДОНӢ». Бо қарори Раиси шаҳри Душанбе байни хонандагони муассисаҳои таҳсилоти миёнаи умумии пойтахт озмун доир мешавад
«БИХАНДАД ЛОЛА БАР САҲРО…». Дар Душанбе даври шаҳрии озмуни «Сайри гули лола» ҷамъбаст шуд
ЭЙ ДУШАНБЕ, ШАҲРИ БЕМОНАНДИ МАН. Суратгузориши АМИТ «Ховар» ба Рӯзи пойтахти Ҷумҳурии Тоҷикистон бахшида мешавад
Ҷаласаи Комиссияи озмуни Стипендияи Раиси шаҳри Душанбе баргузор гардид
«ПАЙРАВОНИ ПЕШВОИ МИЛЛАТЕМ!». Дар Душанбе ҳамоиши гирандагони стипендия ва квотаҳои президентӣ доир гардид
АШҚОБОД – БАРОДАРШАҲРИ ДУШАНБЕ. Созишнома дар бораи барқарор намудани муносибатҳои бародаршаҳрӣ соли 2017 ба имзо расида буд
ЧӢ ВА ЧАНД СОМОНӢ МЕФУРӮШАНД. Имрӯз дар чор ноҳияи шаҳри Душанбе ярмаркаҳои фурӯши маҳсулоти мавриди ниёзи аввал оғоз шуданд
Дар Душанбе Фестивали «Сайри гули лола» баргузор шуд
Бахшида ба Рӯзи пойтахт Ниммарафони XIV байналмилалии Душанбе баргузор мегардад