Тоҷикистон ва Фаронса дурнамои ҳамкории мутақобилан судманди дуҷонибаро баррасӣ намуданд
ДУШАНБЕ, 09.12.2022 /АМИТ «Ховар»/. 8 декабр дар шаҳри Париж вохӯрии Вазири корҳои хориҷии Ҷумҳурии Тоҷикистон Сироҷиддин Муҳриддин бо Вазири Аврупо ва корҳои хориҷии Ҷумҳурии Фаронса хонум Катрин Колонна баргузор гардид. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Зимни мулоқот ҳолат ва дурнамои ҳамкории мутақобилан судманди дуҷониба ва бисёрҷониба баррасӣ гардид.
Ҷонибҳо аз натиҷаҳои боздиди расмии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Фаронса дар моҳи октябри соли 2021 ва муколамаи сатҳи олии дар доираи он анҷомёфта изҳори қаноатмандӣ намуда, омодагии хешро ба манзури татбиқи зарфияти иловагии таҳкиму ғанисозии равобити ҳарду кишвар таъкид доштанд.
Инчунин зимни мулоқот масъалаҳое, ки зимни гуфтугӯи телефонии роҳбарони ду кишвар моҳи ноябри соли ҷорӣ муҳокима карда буданд, баррасӣ шуда, дигар масоили дуҷонибаю минтақавии мавриди эҳтимоми тарафайн, хусусан вазъ дар Афғонистон ва таҳкими сарҳад матраҳ гардиданд.
Тавре қаблан АМИТ «Ховар» хабар дода буд, 26 ноябри соли 2022 бо ташаббуси ҷониби Фаронса Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Ҷумҳурии Фаронса муҳтарам Эммануэл Макрон суҳбати телефонӣ анҷом доданд.
Дар оғози суҳбат Пешвои миллат аз ҷараёни рушди робитаҳои дуҷонибаи Тоҷикистон ва Фаронса тайи 30 соли барқарории муносибатҳои дипломатӣ изҳори қаноатмандӣ намуда, аҳамияти андешидани тадбирҳои муштараки минбаъдаро ҷиҳати татбиқи пайгиронаи мувофиқаҳои миёни ду кишвар зимни музокироти сатҳи олӣ дар Париж дар соли 2021 бадастомада таъкид карданд.
Дар ҷараёни суҳбат ҷонибҳо ба масъалаҳои мубрами рӯзномаи минтақавӣ ва байналмилалӣ, аз ҷумла амнияти минтақавӣ ва муқовимати муштарак ба хатару таҳдидҳои муосир — терроризм, экстремизм, қочоқи маводи мухаддир ва дигар ҷинояткории муташаккили фаромарзӣ таваҷҷуҳи махсус зоҳир намуданд.
Зимнан, қазияи Афғонистон дар маркази диққати ҷонибҳо қарор дошт. Дар ин қарина атрофи вазъи низомиву сиёсӣ ва иҷтимоиву иқтисодии Афғонистон ва дурнамои рушди он мубодилаи афкори муфассал сурат гирифт. Президентҳо зарурати коркарди мавқеъҳои умумӣ ва андешидани тадбирҳои ҳамоҳангшудаи ҷомеаи ҷаҳониро ҷиҳати мусоидат ба раванди интиқоли ин кишвар ба маҷрои сулҳу субот ҳамчун шарти асосии таъмини амнияти минтақа таъкид карданд.
Дар хотимаи суҳбат Президентҳо аз сатҳу ҳолати имрӯзаи муносибатҳои дӯстӣ ва шарикии ду кишвар изҳори қаноатмандӣ намуданд.
Акс: ВКХ ҶТ
Машваратҳои сиёсӣ байни вазоратҳои корҳои хориҷии Тоҷикистон ва Индонезия баргузор гардиданд
Дар Душанбе ҷаласаи навбатии комиссияи байниҳукуматии Тоҷикистону Эрон доир шуд
РАВАНДИ ОБИ ДУШАНБЕ. Сарвазири Тоҷикистон Конфронси чоруми байналмилалиро натиҷагирӣ намуд
РАВАНДИ ОБИ ДУШАНБЕ. Тоҷикистон мавқеи пешсафи худро дар пешбурди рӯзномаи ҷаҳонии об тасдиқ намуд
Умут Аҷар: «Дар Тоҷикистон чорабиниҳои байналмилалӣ дар сатҳи баланди ташкилӣ гузаронида мешаванд»
Сироҷиддин Муҳриддин: «Ҳамкории муассир ягона роҳи устувори ҳалли мушкилоти муштараки об мебошад»
РАВАНДИ ОБИ ДУШАНБЕ. Дар Душанбе ташаккули рӯзномаи ҷаҳонии об баъд аз соли 2030 баррасӣ шуд
Ҷонибек Ҳикмат: «Баргузории Конфронси сатҳи баланди оби Душанбе таҷассумгари саҳми шоистаи Тоҷикистон дар пешбурди рӯзномаи ҷаҳонии об мебошад»
РАВАНДИ ОБИ ДУШАНБЕ: Тоҷикистон ва СММ омодагиро барои баррасии ҷамъбастии Даҳсолаи байналмилалии амал оид ба об дар соли 2028 оғоз намуданд
Намояндаи Африқои Шимолӣ Мпҳепҳу Нндвелени: «Тоҷикистон пешоҳанги ҳалли масъалаҳои обу иқлим дар ҷаҳон аст»
РАВАНДИ ОБИ ДУШАНБЕ. Дар Душанбе ҷаласаҳои пленарӣ ва нишастҳои ҷамъбастии Конфронси чоруми байналмилалии сатҳи баланд баргузор мегарданд
РАВАНДИ ОБИ ДУШАНБЕ. Нақши рӯзномаи об дар равандҳои бисёрҷонибаи байналмилалӣ дар Душанбе баррасӣ шуд
