БАР ХИЛОФИ ТАМОМИ МЕЪЁРҲОИ БАЙНАЛМИЛАЛӢ. Толибон фаъолияти занонро дар марказҳои тиҷоратӣ манъ карданд
ДУШАНБЕ, 11.01.2023 /АМИТ «Ховар»/. Ҳукумати Афғонистон, ки аз ҷониби ҳаракати «Толибон»* ташаккул ёфтааст, барои бастани кошонаҳои ҳусни занона дар ин кишвар даҳ рӯз муҳлат муқаррар намуда, фаъолияти бонувонро дар марказҳои тиҷоратӣ манъ кардааст. Тавре АМИТ «Ховар» хабар медиҳад, дар ин бора шабакаи телевизионии «Al-Arabiya » бо такя ба сарчашмаҳо гузориш додааст.
«Ҳукумати Толибон барои бастани кошонаҳои ҳусни занона 10 рӯз муҳлат муқаррар кардааст», — гуфтаанд манобеи ин шабака.
Онҳо афзуданд, ки мақомоти Афғонистон ҳамчунин дастур додаанд, ки фаъолияти занон дар марказҳои тиҷоратӣ манъ карда шавад.
Қаблан ҳаракати «Толибон»* бар хилофи тамоми меъёрҳои байналмилалӣ ба созмонҳои ғайридавлатии маҳаллӣ ва байналмилалӣ дар Афғонистон дастур дод, ки фаъолияти занонро дар ниҳодҳояшон қатъ гардонанд.
Расонаҳои Афғонистон ҳамчунин гузориш доданд, ки вазорати таҳсилоти олӣ дар ҳукумати толибонӣ дастур гирифтааст, ки таҳсили донишҷӯдухтаронро дар донишгоҳҳои хусусӣ ва давлатӣ қатъ кунад.
Вазири таҳсилоти олии ин кишвар гуфт, ки таҳсили духтарон дар донишгоҳҳои дунявӣ хилофи қавонини ислом ва суннатҳои исломӣ аст.
София ШОИК,
АМИТ «Ховар»
______________________________________________________
*Ҳаракати «Толибон» дар Тоҷикистон ва кишварҳои дигар мамнӯъ буда, барои фаъолиятҳои террористӣ таҳти таҳримоти СММ қарор дорад
АКС: © AP Акс / Петрос Гианнакурис
Оид ба низоми электронии дипломҳо машваратҳои омӯзишӣ баргузор шуданд
ТАВСИЯҲОИ МУФИД. Доир ба аҳамият ва тарзи тайёр намудани шарбату консерваҳо барои фасли зимистон
Доир ба татбиқи «Барномаи давлатии солимии репродуктивӣ барои солҳои 2023-2027» ҷаласа баргузор шуд
ОГОҲӢ! Аз 25 то 27 июл дар баъзе минтақаҳои Тоҷикистон сар задани сел пешгӯӣ мешавад
Кумаки Президенти Тоҷикистон ба сокинони аз офати табиӣ зарардидаи ноҳияи Рӯшон расид
Ҷаласаи Комиссияи сетарафаи танзими муносибатҳои иҷтимоию меҳнатӣ дар Ҷумҳурии Тоҷикистон баргузор шуд
Дар мақомоти Ваколатдор оид ба ҳуқуқи инсон доир ба қабули Қонуни Ҷумҳурии Тоҷикистон «Дар бораи авф» ҳамоиш баргузор шуд
Сокинони деҳаҳои аз офати табиӣ зарардидаи ноҳияи Рӯшон бо неруи барқ таъмин карда шуданд 
Беш аз 1500 нафар аз шаҳри Душанбе дар асоси иҷрои Қонуни Тоҷикистон «Дар бораи авф» ба озодӣ баромаданд
Дар ноҳияи Шаҳринав ҷаласаи навбатии Шурои ҷамъиятии Ҷумҳурии Тоҷикистон баргузор гардид
Дар беморхонаи марказии ноҳияи Дӯстӣ шуъбаи бемориҳои сироятӣ сохта мешавад
Дар Муъминобод барои дастгирии занони ҳунарманд Маркази «Чирадаст» таъсис дода шуд
