Дар ҳудуди шаҳри Душанбе мониторинги минтақаҳои хавфнок гузаронида шуд

Январь 31, 2023 19:36

ДУШАНБЕ, 31.01.2023 /АМИТ «Ховар»/. Бо мақсади омодагӣ ба обхезиву боронҳои баҳорӣ, инчунин пешгирии ҳолатҳои фавқулодаи табиӣ, аз қабили обхезӣ, сел, ярч аз ҷониби мутахассисони Раёсати Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дар шаҳри Душанбе дар якҷоягӣ бо намояндагони Раёсати обёрии Мақомоти иҷроияи ҳокимияти давлатии шаҳри Душанбе дар чаҳор ноҳияи пойтахт минтақаҳои эҳтимолан хавфнок ва манбаъҳои офатҳои табиӣ тадқиқ карда шуданд. Дар ин хусус АМИТ «Ховар» бо истинод ба Кумитаи мазкур хабар медиҳад.

Дар асоси Қарори Раиси шаҳри Душанбе «Дар бораи тасдиқ намудани Нақшаи чорабиниҳо оид ба масъалаҳои мудофиаи гражданӣ, эътино, пешгирӣ ва рафъи оқибатҳои ҳолатҳои фавқулодда барои соли 2023» пеш аз мавсими боронҳои пай дар пайи фасли баҳори имсола ташхиси минтақаҳои ба ҳолатҳои фавқулода осебпазири ноҳияҳои шаҳри Душанбе гузаронида шуд.

Тадқиқот дар ноҳияи Исмоили Сомонӣ — ҳудуди маҳаллаҳои Хуҷамбиёи боло ва Хуҷамбиёи поён, Нодир, кӯчаҳои А.Мухторов, маҳаллаи Навобод, селпартоҳои Дуғоба, Қиблаӣ ва Қамчин, дар ноҳияи Шоҳмансур дар маҳаллаҳои Бӯстон-1, Бӯстон-2, Бадахшон, селҷамъшавии Лойоб ва Охтоқ, селпартоҳои Қаротегин, Шӯрак ва истгоҳи насосии «Кофарниҳон», дар ҳудуди ноҳияи Сино — маҳаллаҳои Лучоби боло ва поён, Пахтакор, Чортути боло ва поён, Маҳмадшоҳ ва канали «Янгичоряккорон» ва дар ҳудуди ноҳияи Фирдавсӣ — дар маҳаллаҳои Сарикиштӣ, Чимтеппа ва ноҳияи 63 гузаронида шуданд.

Санҷиш нишон дод, ки минтақаҳои хавфноки  тафтишшуда дар ҳолати муътадил қарор доранд.

Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар шаҳри Душанбе аз ташкили тадбирҳои омодагӣ ба боронҳои шадиди  баҳорӣ хабар дод.

АКС: КҲФ ва МГ

Январь 31, 2023 19:36

Хабарҳои дигари ин бахш

Имрӯз дар ноҳияҳои алоҳидаи Тоҷикистон борон пешгӯӣ мешавад
«Ватанпарвар» дар Роштқалъа наврасонро ба хизмати Модар-Ватан омода менамояд
Шумораи бедаракшудагон дар Эквадор бар асари ярч ба 71 нафар расид
Имрӯз дар шаҳри Душанбе ҳаво рӯзона то 24 дараҷа гарм мешавад
Ба сокинони ҷамоатҳои деҳоти Даҳана ва Зиракии шаҳри Кӯлоб Паёми Президенти Тоҷикистон ба Маҷлиси Олии Ҷумҳурии Тоҷикистон тавзеҳ дода шуд
Бар асари фаромадани ярч дар қисмати марказии Эквадор 16 нафар ба ҳалокат расид
Тӯфони марговари «Фредди» якбора чанд рекорд нишон дод
Ҳар панҷумин белгиягӣ маҷбур аст, ки маҳсулотро аз хориҷа харидорӣ кунад
Бар асари тирпаронӣ дар мактаби Нэшвиллеи Амрико шаш нафар ба ҳалокат расид
80 ҷавони синни даъватӣ дар Мактаби муттаҳидаи техникии шаҳри Турсунзода касби ронандагӣ меомӯзад
Имрӯз дар Тоҷикистон ҳаво рӯзона то 28 дараҷа гарм мешавад
Зӯроварӣ бо силоҳ ба ҳама ҷабҳаҳои ҳаёти шаҳрӣ таъсир мерасонад