Аввалин табобати барқарорсозии iPS-ҳуҷайраҳоро дар ҷаҳон дар Ҷопон гузарониданд
ДУШАНБЕ, 14.02.2023 /АМИТ «Ховар»/. Ширкати ҷопонии Heartseed аз оғози озмоиши клиникӣ хабар дод, ки дар ҷараёни он бори аввал дар ҷаҳон ба бемори гирифтори норасоии шадиди қалб бо истифода аз ҳуҷайраҳои бунёдии индуксионӣ (iPS-ҳуҷайраҳо) табобати ҳуҷайравӣ расонида шуд. Дар ҷараёни озмоиш ба бемор вояи доруи HS-001 гузаронида шуд. Он аз кластерҳои бофтаи тозашудаи мушакҳои дил иборат аст, ки аз ҳуҷайраҳои бунёдии индуксия (iPS-ҳуҷайраҳо) гирифта шудаанд. Усули муолиҷа ворид намудани ду вояи ин доруро дар бар мегирад, ки дуюмаш аз ҷиҳати консентратсия нисбат ба якум се маротиба зиёдтар аст.
Дар маҷмӯъ, дар озмоиш 10 нафар бо нокомии шадиди қалб, ки дар натиҷаи бемории ишемиявӣ ба вуҷуд омадааст, иштирок хоҳанд кард, Heartseed якҷо бо шарики худ- ширкати даниягии Novo Nordisk тадқиқот мегузаронад. Он каме бештар аз як сол давом хоҳад кард.
«Ман ҳамчун кардиолог солҳои зиёд барои ба вуҷуд овардани усули табобати беморони гирифтори норасоии қалб, ки фаъолияти дилашон то дараҷае бад шудааст, ки наметавонанд зиндагии рӯзмарраи худро пеш баранд, кор карда истодаам. Барои ноил шудан ба ин ҳадаф мо Heartseed-ро таъсис дода, рушди худро идома додем ва бехатарию манфиати беморонро бартарии аввалиндараҷаи худ қарор додем», — гуфт директори генералии Heartseed Кейити Фукуда.
Пас аз он ки донишманди ҷопонӣ Шиня Яманака соли 2012 барои пажӯҳишаш дар заминаи ҳуҷайраҳои бунёдӣ барандаи ҷоизаи Нобел дар бахши физиология ва ё тиб шуд, таваҷҷуҳ ба ин мавзӯъ дар ҷомеа ва ҳукумати кишвар афзоиш ёфт. Тибби барқароркунанда яке аз самтҳои афзалиятноки рушди илм эълон шудааст. Ҳуҷайраҳои бунёдии индуксионӣ (iPS-ҳуҷайраҳо) дар мавриди муайяни таъсири кимиёвӣ метавонанд ба ҳуҷайраҳои ҳама намуд табдил ёбанд, ки аз ҷиҳати назариявӣ ба шумо имкон медиҳад бофтаҳои узвҳои гуногун парвариш карда шаванд. Ба гуфтаи бархе аз коршиносон, трансплантатсияи бофтаҳои парваришшуда бо рушди варамҳои ашаддӣ хатарнок аст.
Мансур СУРУШ,
Ҷаҳонгир ГУЛМУРОДӢ,
АМИТ «Ховар»
АКС: Carl Court / Getty Images
Палатаи поёнии парлумони Беларус дар ҳайати пурра интихоб гардид
Қатар барои шаҳрвандони Тоҷикистон раводидро бекор намуд
Прабово Субианто дар интихоботи президенти Индонезия пирӯз гардид
Директори генералии Созмони ҷаҳонии тандурустӣ Тедрос Аданом Гебрейесус изҳор намуд, ки ҷаҳон ба пандемияи нав омода нест
Александр Стубб дар интихоботи президентии Финландия пирӯз шуд
Дар интихоботи президентии Озарбойҷон Илҳом Алиев бо гирифтани 92,05% овози интихобкунандагон пешсаф мебошад
Теъдоди ҳалокшудагон бар асари сӯхтори ҷангал дар Чили ба 131 нафар расид
Имрӯз дар Озарбойҷон интихоботи ғайринавбатии президентӣ баргузор мешавад
Олжас Бектенов сарвазири нави Қазоқистон таъйин шуд
Дар Озарбойҷон пеш аз баргузории интихоботи президентӣ рӯзи хомӯшӣ эълон гардидааст
Бо сабаби барфи зиёд дар минтақаи Токио 1,8 ҳазор манзил бе барқ мемонанд
ТУРКИЯ ФАЛОКАТИ АСРРО БА ҲАМРАЪЙИИ АСР ТАБДИЛ ДОД. Имрӯз аз заминларзаи шадиди Туркия як сол сипарӣ гардид
