Бо қарори Раиси шаҳри Душанбе ғолибони озмунҳои шаҳрӣ қадрдонӣ карда мешаванд
ДУШАНБЕ, 09.02.2023. /АМИТ «Ховар»/. Ба ғолибони озмунҳои шаҳрии «Мураббии сол-2022»- 10 ҳазор сомонӣ, «Омӯзгори сол-2022»-10 ҳазор сомонӣ ва «Хонандаи сол-2022»- 6 ҳазор сомонӣ дар доираи чорабиниҳои Рӯзи пойтахти Ҷумҳурии Тоҷикистон тақдим карда мешаванд. Дар ин бора қарори Раиси шаҳри Душанбе имрӯз ба тасвиб расид, хабар доданд ба АМИТ «Ховар» дар шуъбаи иттилоотии дастгоҳи Раиси шаҳри Душанбе.
Қарори мазкур бо мақсади дастгирӣ ва ҳавасмандгардонии моддӣ — маънавии кормандони соҳаи маориф ва хонандагони муассисаҳои таҳсилоти умумии пойтахт, омӯзгорон ва мураббиён буда, ғолибони ин озмунҳо дар доираи чорабиниҳо бахшида ба Рӯзи пойтахти Ҷумҳурии Тоҷикистон ҳавасманд карда мешаванд.
Ёдовар мешавем, ки озмуни «Омӯзгори сол-2022» аз 15 то 17 декабри соли 2022 баргузор гардид, ки дар даври шаҳрии он омӯзгори фанни забони англисии Муассисаи давлатии таълимии «Гимназияи ба номи Асадулло Ғуломов»-и ноҳияи Исмоили Сомонӣ Фарангез Оддиева сазовори ҷойи якум гардид.
Мураббии муассисаи таҳсилоти томактабии №72-и ноҳияи Фирдавсӣ Малика Саидова дар даври шаҳрии озмуни «Мураббии сол-2022», ки моҳи декабри соли 2022 баргузор гардид, сазовори ҷойи якум гардид.
Дар даври шаҳрии озмуни «Хонандаи сол-2022» хонандаи Гимназияи №74 ноҳияи Фирдавсӣ Иброҳим Одинаев сазовори ҷойи якум гардид.
АКС: Сарраёсати маорифи шаҳри Душанбе
«САЙРИ ГУЛИ ЛОЛА». Дар Душанбе даври шаҳрии ин озмун ҷамъбаст карда шуд
БОРИ АВВАЛ ДАР ДУШАНБЕ. Ояндаи наздик 5 роҳи дусатҳа сохта мешавад, ки дар онҳо роҳи махсус барои ҳаракати нақлиёти ҷамъиятӣ, дучарха ва пиёдагардон пешбинӣ шудааст
Дар боғҳои фарҳангӣ-фароғатии пойтахти Тоҷикистон-шаҳри Душанбе таҷлили бошукуҳи Наврўзи ҷаҳонӣ идома дорад
«НАВРӮЗИ ДУШАНБЕ-2023». Таҳти ин унвон дар пойтахт Фестивали байналмилалӣ баргузор шуд
Дар Душанбе Мусобиқаи кушоди варзишӣ оид ба волейболи касбӣ ва ғайрикасбӣ байни занон ҷамъбаст гардид
Ғолибони Мусобиқаи футболи хурд барои дарёфти «Ҷоми Раиси шаҳри Душанбе» муайян гардиданд
Раиси шаҳри Душанбе Рустами Эмомалӣ бо Сарвари мақомоти иҷроияи шаҳри Боку Элдар Азизов мулоқот намуданд
Имрӯз Мусобиқаи 4-уми байналмилалӣ оид ба гӯштини миллӣ барои дарёфти «Ҷоми Раиси шаҳри Душанбе» баргузор мегардад
«JAC-МОТОРС». Дар шаҳри Душанбе намояндагии ин ширкати истеҳсоли автомобил ифтитоҳ ёфт
Иҷлосияи сенздаҳуми Маҷлиси вакилони халқи шаҳри Душанбе, даъвати шашум баргузор гардид
«КАДБОНУИ БЕҲТАРИН». Дар Душанбе даври шаҳрии озмун ҷамъбаст гардид
ТАВАҶҶУҲ! Аз пул-гузаргоҳи кӯчаи Асадулло Ғуломов то кӯчаи Шамсӣ ҳаракати ҳама гуна воситаи нақлиёт муваққатан қатъ карда мешавад
