Дар Бадахшон соҳаҳои қутоспарварӣ, моҳидорӣ ва боғпарварӣ рушд меёбад
ДУШАНБЕ, 28.02.2023 /АМИТ «Ховар»/. Соли сипаригардида дар Вилояти Мухтори Кӯҳистони Бадахшон чорводорӣ, бахусус қутоспарварӣ, ки яке аз соҳаҳои муҳими кишоварзӣ маҳсуб мешавад, рушд намуда, давоми сол саршумори он ба 24 ҳазору 124 сар расонида шуд, ки нисбат ба ҳамин давраи соли 2021 2,8 фоиз, ё 653 сар зиёд мебошад. Аз ҳисоби хоҷагиҳои ноҳияи Мурғоб барои ноҳияҳои Дарвозу Роштқалъа дар маҷмуъ 80 сар қутос дастрас карда шуд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии вилоят хабар медиҳад.
Бояд гуфт, ки барои парвариши ин намуди чорво ба ҷуз ноҳияи Мурғоб дар хоҷагиҳои чорвопарварии ноҳияҳои Роштқалъаву Дарвоз низ имконияти мусоид мавҷуд аст. Бахусус иқлим ва чарогоҳҳои баландкӯҳи Ҷамоати деҳоти Сағирдашти ноҳияи Дарвоз барои парвариши қутос хеле мувофиқанд.
Ҳамчунин иттилоъ дода шуд, ки дар вилоят соли гузашта 37,5 га боғи нав бунёд карда шуд, ки ин нишондиҳанда нисбат ба соли 2021 62 фоиз зиёдтар мебошад.
Барои тавсеаи соҳаи моҳидорӣ гуфта шуд, ки аз вилояти Суғд 45 ҳазор дона моҳича барои хоҷагиҳои моҳипарварии вилоят дастрас гардида, соли 2023 дар ҳар ноҳия бунёди на кам аз як хоҷагии моҳипарварӣ ба нақша гирифта шудааст.
Бояд гуфт, ки Вилояти Мухтори Кӯҳистони Бадахшон дар саргаҳи оби Осиёи Марказӣ қарор дошта, дар баробари кӯлҳои зиёди табиӣ дар ноҳияи Мурғоб ҳамчунин ҳар деҳа дорои рӯдхонаҳои кӯҳӣ мебошад. Хоҷагиҳои деҳқонӣ имкон доранд дар атрофи ин рӯдхонаҳо ҳавзҳои хурди моҳипарварӣ бунёд кунанд.
Соли гузашта бо ҳамин усул дар ноҳияҳои Шуғнону Роштқалъа ду ҳавзи моҳипарварӣ бунёд гардида, ба онҳо зиёда аз 6 ҳазор моҳича сар дода шуд.
София ШОИК,
АМИТ «Ховар»
АКС аз манбаъҳои боз
Гурӯҳи кории Ҳукумати Тоҷикистон бо вазъи соҳаи кишоварзӣ дар ноҳияи Деваштич шинос гардид
«КИШВАРИ САБЗ». Дар ин парваришгоҳ зиёда аз 100 намуди гулу буттаҳои нодир ва 40 намуди ниҳоли дарахтони ороишӣ парвариш мешавад
Ширкати «Carpi» дар бунёди неругоҳҳои барқи обӣ дар дарёи Зарафшон иштирок менамояд
Ҳамкории Палатаи ҳисоби Тоҷикистон бо Ташкилоти байналмилалии рушди ИНТОСАЙ тақвият меёбад
Ҳамкории Тоҷикистон ва Эфиопия дар соҳаи авиатсия баррасӣ шуд
Мақомоти гумруки Тоҷикистон 6 ҳазору 490 қуттӣ маҳсулоти тамокуи ба таври қочоқ воридшударо ошкор намуд
Дар ноҳияи Муъминобод 4 ҳазору 92 тонна ангур ҷамъоварӣ карда шуд
БА ТАВАҶҶУҲИ ШИРКАТҲОИ НАҚЛИЁТӢ. Дар Русия ва Беларус низоми муҳру муми навигатсионӣ ҳангоми ҳамлу нақли автомобилӣ амалӣ шуд
Дар Теҳрон масъалаи таҳвили нафти хом аз Эрон ба Тоҷикистон баррасӣ гардид
Дар фурудгоҳҳои байналмилалии Тоҷикистон таҷҳизоти техникии «Дарвозаҳои электронӣ» насб карда мешавад
Ҳамкории Тоҷикистон ва Испания дар соҳаи сайёҳӣ тақвият меёбад
Бонки миллии Тоҷикистон: «Ба ваъдаҳои дурӯғ дода нашуда, худ ва наздиконатонро аз қаллобони интернетӣ эҳтиёт намоед!»
