Дар шаҳри Кӯлоб 165 иншооти таъйиноти гуногун ба истифода дода мешаванд
КӮЛОБ, 21.02.2023 /АМИТ Ховар/. Дар шаҳри Кӯлоб то охири соли равон 165 иншооти таъйиноти гуногун ба истифода дода мешаванд. Дар ин хусус ба хабарнигори минтақавии АМИТ «Ховар» Сулаймон Холзода дар шуъбаи меъморӣ ва шаҳрсозии Мақомоти иҷроияи ҳокимияти давлатии шаҳри Кӯлоб маълумот доданд.
Баҳри таҷлили сазовори 35-солагии Истиқлоли давлатии Ҷумҳурии Тоҷикистон дар шаҳри Кӯлоб бо ҷалби маблағҳои ҳамаи сарчашмаҳо сохта, ба истифода додани 462 иншооти таъйиноти гуногун ба нақша гирифта шудааст. То имрӯз 80 адади он мавриди баҳрабардорӣ қарор гирифт.
Дар маҳаллаи Ҳамадонӣ ҶДММ «Азиминшоот» бо ҷалби сохтмончиёни маҳаллӣ корҳои сохтмониро дар бинои 9-ошёна вусъат мебахшад.
Бо дастгирии Ҳукумати Ҷумҳурии Тоҷикистон, Мақомоти иҷроияи ҳокимияти давлатии шаҳри Кӯлоб ва ҷалби соҳибкорони маҳаллӣ дар шаҳр дар қатори иншооти нав ҳамчунин ҳамаи бинову иншооти мавҷуда, аз ҷумла хонаҳои истиқоматии баландошёна низ мувофиқ ба талаботи меъморӣ аз нав рангу бор карда шуданд. Ин иқдом ба симои тоза касб намудани кӯчаю маҳаллаҳои шаҳр мусоидат намуд.
Соли 2022 дар шаҳри Кӯлоб бо мақсади пешрафти вазъи иқтисодию иҷтимоӣ, таъсиси ҷойҳои нави корӣ ва боз ҳам баланд бардоштани сатҳи некуаҳволии ҷомеа бо маблағгузории Ҳукумати ҷумҳурӣ мақомоти иҷроияи ҳокимияти давлатӣ ва соҳибкорони маҳаллӣ дар соҳаи маориф, тандурустӣ, фарҳанг, варзиш, саноат ва дигар бахшҳои хоҷагии халқ тибқи лоиҳаи барномаҳои давлатӣ беш аз 100 иншооти нав бунёд гардиданд.
Бо ҷонибдорӣ аз сиёсати созандаи бунёдкоронаи Президенти Ҷумҳурии Тоҷикистон муҳтарам Эмомалӣ Раҳмон дар шаҳри Кӯлоб сохтмони якчанд биноҳои истиқоматии баландошёна идома дорад.
АКС: Мақомоти иҷроияи ҳокимияти давлатии шаҳри Кӯлоб
Дар ҳудуди шаҳри Гулистон сохтмони меҳмонхона ва осоишгоҳу марказҳои солимгардонӣ идома доранд
Қитъаи муҳими роҳи Душанбе – Хоруғ – Қалъаихумб бо пулу нақб мавриди истифода қарор гирифт
Пешвои миллат Эмомалӣ Раҳмон пас аз анҷоми сафари корӣ дар Вилояти Мухтори Кӯҳистони Бадахшон ба шаҳри Душанбе баргаштанд
Дар ВМКБ беш аз 1000 иншоот ба истиқболи 35-солагии Истиқлоли давлатӣ мавриди истифода қарор гирифт
Президенти Ҷумҳурии Тоҷикистон Эмомалӣ Раҳмон бо роҳбарон ва фаъолони Вилояти Мухтори Кӯҳистони Бадахшон мулоқот намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ дар тантанаҳои идона ба ифтихори 28-солагии Рӯзи ваҳдати миллӣ иштирок намуданд
Сарвари давлат Эмомалӣ Раҳмон дар шаҳри Хоруғ бинои нави истиқоматии 5-ошёна барои хизматчиёни давлатиро мавриди истифода қарор доданд
Пешвои миллат Эмомалӣ Раҳмон дар ҳудуди Парки технологии шаҳри Хоруғ коргоҳҳои истеҳсолии маҳсулоти гӯштӣ ва обҳои табиии ташнашиканро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бо лоиҳаҳои биноҳои истиқоматӣ бо маркази хизматрасонию тиҷоратӣ, таваққуфгоҳи нақлиётӣ, меҳмонхона ва майдончаи варзишии кӯдакон шинос шуданд
Сарвари давлат Эмомалӣ Раҳмон дар шаҳри Хоруғ китобхонаи кӯдаконаи вилоятӣ, китобхонаи шаҳрии ба номи Ҳофизи Шерозӣ ва Маркази рушди зеҳни сунъиро ифтитоҳ намуданд
Пешвои миллат Эмомалӣ Раҳмон дар шаҳри Хоруғ Маркази фарҳангӣ, савдо ва Шурои иттифоқҳои касабаи вилоятро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ чойхонаи Хатлонро ба истифода доданд
