Дар Тоҷикистон 98,9% аҳолӣ бар зидди CОVID-19 эм карда шудаанд
ДУШАНБЕ, 21.02.2023 /АМИТ «Ховар»/. Дар Тоҷикистон то 15 феврали соли 2023 зиёда аз 5 миллион нафар (98,9%) бар зидди COVID-19 эм карда шуданд. Дар ин хусус ба хабарнигори АМИТ «Ховар» сардори Раёсати бехатарии санитарию эпидемиологии Вазорати тандурустӣ ва ҳифзи иҷтимоии аҳолии ҷумҳурӣ Наврӯз Ҷаъфаров иттилоъ дод.
Аз 18 феврали соли гузашта то ҳол дар Тоҷикистон ягон мавриди мубталошавӣ ба бемории COVID-19 ба қайд гирифта нашудааст.
«Бо мақсади пешгирии хурӯҷи нав дар мамлакат тадбирҳои зарурӣ барои эмгузаронии шаҳрвандон андешида мешаванд. Дар айни замон дар шаҳри Душанбе 100% шаҳрвандон ваксина карда шуда, дар дигар манотиқи ҷумҳурӣ эмгузаронӣ идома дорад. Аллакай 5 миллиону 287 ҳазору 165 нафар ду вояи ваксина, 5 миллиону 247 ҳазору 165 нафар — вояи сеюм ва 4 миллиону 223 ҳазору 325 нафар — вояи чоруми ваксинаро гирифтаанд. Аксари шаҳрвандон бо ваксинаи «CoronaVac» эм карда шудаанд», — иттилоъ дод Наврӯз Ҷаъфаров.
Мутобиқи қарори Ситоди ҷумҳуриявӣ барои пурзӯр намудани чораҳои зиддиэпидемиявӣ оид ба пешгирии паҳншавии сирояти нави COVID-19 дар Ҷумҳурии Тоҷикистон, ки аз 3 июли соли 2022 нашр шудааст, эмкунии шаҳрвандон аз синни 18 бар зидди коронавирус ҳатмӣ мебошад. Одамоне, ки бар зидди коронавирус ваксина нагирифтаанд, бояд ба духтури оилавии худ ё муассисаи тиббии маҳаллӣ муроҷиат кунанд. Ваксина барои шаҳрвандони мамлакат ройгон мебошад.
Азиза ДАДАБОЕВА,
АМИТ «Ховар»
АКС: АМИТ «Ховар»
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
«ПЕШВОИ МИЛЛАТ — ПЕШВОИ СУЛҲ ВА ТАШАББУСКОРИ ИҚДОМҲОИ ҶАҲОНӢ». Таҳти ин унвон ҳамоиши ҳизбиён баргузор гардид
Раиси Кумитаи кор бо занон ва оилаи Тоҷикистон дар Форуми занони Созмони ҳамкории Шанхай иштирок намуд
ФАРҲАНГИ СУЛҲИ ТОҶИКОН – НАМУНАИ СУЛҲ ДАР ҶАҲОН. Таҳти ин унвон ҳамоиши сиёсӣ ва маърифатӣ баргузор гардид
Дар Вазорати адлия бахшида ба Рӯзи Ваҳдати миллӣ ҳамоиш баргузор шуд
Дар Маркази тадқиқоти стратегӣ бахшида ба қабули Даҳсолаи байналмилалӣ оид ба таҳкими сулҳ конфронс доир шуд
Дар мавзуи «Эмомалӣ Раҳмон — ташаббускор ва таҳкимбахши сулҳ ва суботи сиёсии ҷомеаи ҷаҳонӣ» ҳамоиш доир шуд
Дар Кумита оид ба таҳсилоти ибтидоӣ ва миёнаи касбӣ Рӯзи Ваҳдати миллиро ҷашн гирифтанд
Дар фурудгоҳҳои Тоҷикистон оид ба муҳоҷирати меҳнатӣ корҳои фаҳмондадиҳӣ гузаронида мешаванд
Кумитаи Иҷроияи Марказии ҲХДТ бахшида ба Рӯзи Ваҳдати миллӣ ҳамоиши сиёсӣ баргузор намуд
