Олим дар бораи «ҷавоншавӣ»-и Замин то соли 2028 изҳори андеша намуд

ДУШАНБЕ, 19.02.2023 /АМИТ «Ховар»/. Суръати гардиши Замин солҳои охир ба таври ғайримуқаррарӣ меафзояд, барои он ки ин таъсирро ҷуброн кунем, бояд то соли 2028 як сония тарҳ карда шавад,- изҳор кард сармутахассиси илмии шуъбаи таҳқиқоти пешравӣ ва андозагирии вақт ва басомади Пажӯҳишгоҳи умумирусиягӣ Виталий Палчиков ба РИА «Новости».

«Фарзияе, ки бо тағйирёбии лаҳзаи инерсияи ядро алоқаманд аст, яке аз фарзияҳои имконпазирест, ки таъсири суръати гардиши Заминро шарҳ медиҳанд. Тарҳшавии сония мувофиқи пешгӯии олим, тақрибан дар соли 2028 ба амал меояд», — мегӯяд Палчиков.

Ӯ аниқ кард, ки ҳоло шарҳи ҳамаҷонибаи суръатбахшии гардиши Замин вуҷуд надорад. Ҳамзамон вай изҳори итминон кард, ки он ягон вақт пайдо мешавад. Фарзияи дигар ин аст, ки миқдори ғайримуқаррарии бориш ба суръатбахшии гардиши Замин ва бухоршавии он, баръакс, — ба сустшавӣ оварда мерасонад. Аммо, ин натиҷаҳо якдигарро ҷуброн намекунанд, иброз дошт олим.

Яке аз оқибатҳои суръатбахшии гардиши Замин ин аст, ки 29 июни соли 2022 рӯзи кӯтоҳтарин дар таърих ҳисобида шуд, гуфт ӯ.

Ба гуфтаи Палчиков, суръатбахшии Замин ғайримуқаррарист, зеро то ба наздикӣ сайёраи мо суст ҳаракат мекард. Бо мақсади ҷуброн кардани суръати гардиши он дар доираи ислоҳот аз солҳои 1970-ум 37 сонияи иловагӣ ворид карда шуд.

Азиза ДАДАБОЕВА,
АМИТ «Ховар»

АКС аз манбаъҳои боз