Олим тахмин намуд, ки яхҳои Арктика дар тобистон кай пурра об мешаванд

ДУШАНБЕ, 18.02.2023 /АМИТ «Ховар»/. Яхҳои Арктика метавонанд дар миёнаҳои асри кунунӣ дар давраҳои тобистону тирамоҳ пурра ба обшавӣ шурӯъ кунанд, инро ҳангоми пешгӯии киштигардӣ дар масири баҳрии Шимолӣ бояд ба назар гирифт,- гуфт ба РИА «Новости» барандаи ҷоизаи президентӣ дар соҳаи илм барои олимони ҷавон дар соли 2022, уқёнусшинос Александр Осадчиев.

«Бисёр муҳаққиқон пешгӯӣ мекунанд, ки давоми чанд моҳ дар давраи тобистону тирамоҳ тамоми Арктика аз яхбандӣ озод мешавад. Дар зимистон ҳама чиз дубора ях мекунад ва каму беш барқарор мешавад», — гуфт ӯ.

“Дар натиҷаи гармшавӣ дар Арктика 44% кам шудани майдони ях нисбат ба солҳои 1980-ум танҳо ба ҳадди ақали тобистона дахл дорад, нишондиҳандаҳо барои зимистон кам тағйир ёфтаанд”,- таъкид кард Осадчиев.

«Дар фасли зимистон тамоми яхбандӣ қариб чун асли худ барқарор карда мешавад. Ин бузургии нисбатан устувор аст. Аммо он чиз, ки маҳз тобистон тамоми яхҳои Арктика об шуда метавонанд, ҳодисаи комилан ғайривоқеӣ нест. Баръакс, бисьёр намунаҳо инро нишон медиҳанд, — гуфт олим.

Осадчиев ёдовар шуд, ки обшавии пурраи яхҳоро дар Арктика дар давраи тобистону тирамоҳ то солҳои 2020-2030 пешбинӣ кардаанд.

«Аён аст, ки ҳоло ин тавр нашудааст ва баъд аз се сол, пас аз панҷ сол ҳам ин тавр нахоҳад шуд. Аммо пас аз 20 сол шояд чунин шавад», — иброз дошт олим.

АКС: РИА «Новости»