Ҷозеф Байден: «Зӯроварӣ бо истифода аз силоҳи отшафишон ҷомеаҳои америкоиро аз ҳам ҷудо мекунад»

ДУШАНБЕ, 20.02.2023 /АМИТ «Ховар»/. «Зӯроварӣ ба воситаи силоҳи оташфишон ҷомеаҳои амрикоиро аз ҳам ҷудо хоҳад кард». Дар ин хусус дар изҳороти президенти ШМА Ҷозеф Байден, ки 17 феврал чанд соат баъд аз кушта шудани 6 нафар дар яке аз шаҳрҳои Миссисипи нашр гардид, гуфта шудааст.

«Андеша ва дуо кофӣ нест, — гуфт Ҷ. Байден.- Зӯроварӣ бо истифода аз силоҳ- ин пандемия аст, Конгресс бояд аз ҳоло амал кунад».

Ӯ изҳор дошт, ки барои ШМА тағйирот даровардан ба қонун дар бораи силоҳ «дар фазои ақли солим» зарур аст, аз ҷумла талаби тафтиши ҳама уна намуди фурӯши силоҳ ва манъи силоҳи ҳамлакунанда.

Бо вуҷуди ин, аз эҳтимол дур аст, ки Конгресси ШМА ин пешниҳодҳоро қабул кунад, зеро ҷумҳурихоҳон палатаи намояндагонро назорат мекунанд ва тибқи ислоҳи дуюм ба Конститутсияи ШМА аз ҳуқуқи нигоҳдорӣ ва доштани силоҳ ҳимоят мекунанд.

Тирандоз, ки аз ӯ Ричард Дейл Крум ном бурда мешавад, пас аз оташ кушодан ба зани собиқи худ ва дигар аъзои оилааш дар се макони гуногун дар Аркабутла, шаҳраки хурд дар ҳавзаи Тейти штати Миссисипи нисфирӯзии ҷумъа ба ҳабс гирифта шуд.

Тибқи гузориши Созмони Gun Violence Archive, соли равон дар Штатҳои Муттаҳидаи Америка беш аз 5500 нафар дар натиҷаи зӯроварии силоҳбадастон ба ҳалокат расиданд.

АКС аз манбаъҳои боз