ТАҚВИМИ АМИТ «ХОВАР»: имрӯз 13 феврал, душанбе, 44-умин рӯзи соли 2023 аст

13 феврали соли 2013  Сарвари давлат муҳтарам Эмомалӣ Раҳмон дар бораи сарфарозгардонии хизматчиёни ҳарбӣ ва кормандони мақомоти ҳифзи ҳуқуқ бо мукофотҳои давлатии Ҷумҳурии Тоҷикистон фармон ба имзо расониданд.

***

 Дар ин рӯзи соли гузашта АМИТ «Ховар» хабар дод, ки дар шумораи навбатии маҷаллаи «Invoice Magazine»-и Покистон мақола зери унвони «Президенти Тоҷикистон Эмомалӣ Раҳмон аз истифодаи захираҳои обӣ баҳри рушди устувор ҳимоят намуд» нашр гардид.

 13 ФЕВРАЛ:

 Рӯзи байналмилалии радио.

 РӮЙДОДҲО:

13 феврали соли 2017 дар ҷаласаи Шӯрои Маҷлиси намояндагони Маҷлиси Олии Ҷумҳурии Тоҷикистон лоиҳаи Қонуни Ҷумҳурии Тоҷикистон «Дар бораи бехатарии сейсмологӣ» муҳокима карда шуд.

***

13 феврали соли 2017 дар Душанбе ҷаласаи шашуми Шӯро оид ба шарикии давлат ва бахши хусусӣ доир шуд.

***

13 феврали соли 1960 Фаронса аввалин санҷиши ядроии худро гузаронид.

ИНЧУНИН ДАР ИН РӮЗ…

Соли 1946 Пентагон дар бораи сохта шудани аввалин компютери рақамӣ хабар дод.