Теъдоди ҳалокшудагони заминларза дар Туркия ба зиёда аз 40 ҳазор нафар расид
ДУШАНБЕ, 20.02.2023 /АМИТ «Ховар»/. Теъдоди ҳалокшудагон бар асари ду замиларзаи шадид, ки 6 феврал дар ҷанубу шарқи Туркия рух дод, ба 40 642 нафар расид. Дар ин хусус 18 феврал сардори Раёсати ҳолатҳои фавқулодаи Туркия (АФАД) Юнус Сезер дар нишасти матбуотӣ хабар дод, иттилоъ медиҳад «Синхуа».
Бино ба гуфтаи ӯ, то шоми якшанбе корҳои ҷустуҷӯӣ-наҷотдиҳӣ асосан ба анҷом мерасанд.
Корҳои таъҷилӣ ба музофоти ҷанубии Ҳатай, ки ҳафтаи гузашта аз заминларза аз ҳама бештар осеб дидааст, равона карда шудаанд, гуфт мансабдор ва илова кард, ки дар ин минтақа тақрибан 13 ҳазор корманди ҳолатҳои фавқулода (АФАД) кор мекунанд.
Юнус Сезер иттилоъ дод, ки дар маҷмӯъ 430 ҳазор нафар аз минтақаҳои аз заминларза зарардида ба ҷойҳои бехавф кӯчонида шуданд.
Ёдовар мешавем, ки заминларза бо шиддати 7,7 дараҷа дар вилояти Қаҳрамонмараш дар ҷануби Туркия соати 04:17 ба вақти маҳаллӣ ва баъд аз чанд дақиқа дар вилояти Ғозиёнтеппа бо шиддати 6,4 дараҷа рух дод, сипас боз соати 13:24 ба вақти маҳаллӣ дар вилояти Қаҳрамонмараш бо шиддати 7,6 дараҷа заминларза ба амал омад.
Азиза ДАДАБОЕВА,
АМИТ «Ховар»
АКС аз манбаъҳои боз
Бинобар гармии рекордӣ дар Чин талабот ба неруи барқ ба нуқтаи баландтарин расид
Хисороти аз офатҳои табиӣ расида дар Чин аз 7,5 миллиард доллар зиёд шуд
Гармои шадид дар Испания дар ду моҳи охир сабаби марги 1180 нафар гардид
Бар асари боронҳои мавсимӣ ва обхезии шадид дар Покистон 104 нафар ҳалок гардид
Бархе аз минтақаҳои Аврупоро гармои шадид фаро гирифт
Бар асари фаромадани ярч ва обхезӣ дар шимоли Ҳиндустон 51 нафар ҳалок гардид
Созмони ҷаҳонии тандурустӣ чораҳои муҳофизат аз гармии тобистонро пешниҳод менамояд
Гармои шадид дар Аврупо сабаби сӯхтори ҷангалҳо гардид
Беш аз 2 миллиард одамон ба оби тозаи ошомиданӣ дастрасӣ надоранд
Даҳҳо ҳазор нафар дар ҷануби Чин бар асари тӯфон кӯчонида шуданд
Дар Ҳиндустон ҳавопаймо суқут кард
Дар Фаронса барои кӯдакони то 15-сола истифодаи шабакаҳои иҷтимоӣ манъ карда мешавад
