Дар «Саноатсодиротбонк» бахшида ба Рўзи Модар ҷамъомади тантанавӣ баргузор гардид
ДУШАНБЕ, 07.03.2023 /АМИТ «Ховар»/. Арҷ гузоштан ба бузургии модар, ба ҷо овардани иззату эҳтиромаш ва расидан ба қадри заҳматҳои шабонарӯзии ў вазифаи ҷониву имонии ҳар як фарзанди солимфикру соҳибхирад, қарзи инсонии ҳар як фарди бонангу номус маҳсуб мешавад. Занони тоҷик хушбахту саодатманданд, ки мисли Пешвои миллат муҳтарам Эмомалӣ Раҳмон Сарвари давлат доранд, ки ҳамеша баҳри баробарҳуқуқии гендерӣ, ки ҳадафи аслиаш баланд бардоштани мавқеъ ва нуфузи зан-модар дар ҷомеа аст, саъю талош меварзанд. Чунин иброз гардид дар ҳамоиши тантанавӣ таҳти унвони «Модар-сарчашмаи хушкнашавандаи ҳаёти мунаввар», ки дар Бонки саноативу содиротии Тоҷикистон «Саноатсодиротбонк» бахшида ба Рўзи Модар доир гардид. Дар ин хусус ба АМИТ «Ховар» дар Бонки саноативу содиротии Тоҷикистон «Саноатсодиротбонк» иттилоъ доданд.
Дар ҷамъомад ҳамчунин гуфта шуд, ки аз ҷониби Ҳукумати мамлакат ҷиҳати амалӣ намудани ҳадафҳои Стратегияи миллии рушди Ҷумҳурии Тоҷикистон барои давраи то соли 2030, ки дар он то ба 30 фоиз расонидани шумораи хизматчиёни давлатӣ ва ба 25 фоиз расонидани кадрҳои роҳбарикунанда аз ҳисоби занону духтарони болаёқат пешбинӣ гардидааст, андешидани тадбирҳои зарурӣ идома дорад.
Иштирокчиёни ҳамоиш иброз доштанд, ки Ҳукумату давлати Тоҷикистон, бо назардошти нақши муассири занону бонувон дар ҳаёти сиёсиву иқтисодӣ ва иҷтимоиву фарҳангии мамлакат, таъмини ҳуқуқу манфиатҳои занону модаронро яке аз самтҳои муҳимтарини сиёсати худ қарор додааст.
«Аз ин рў занону модарони мо ба қадри истиқлолу озодӣ, сулҳу оромӣ, суботи сиёсӣ ва ваҳдати миллӣ бештар мерасанд ва ин неъмати бебаҳои бадастовардаи давлату миллатро мисли гавҳараки чашм ҳифз мекунанд»,- илова намуданд онҳо.
АКС: БССТ «Саноатсодиротбонк»
Дар шаҳри Турсунзода вобаста ба тадбирҳои вусъат додани ҳисоббаробаркунии ғайринақдӣ машварати омӯзишӣ доир шуд
Ҳайати Тоҷикистон дар мулоқот бо намояндагони Хазинаи Байналмилалии Асъор масъалаҳои марбут ба низоми бонкиро баррасӣ намуд
Саҳми Бонки ҷаҳонӣ дар татбиқи ислоҳоти сохтории иқтисодиёти Тоҷикистон назаррас арзёбӣ гардид
Раиси Бонки миллии Тоҷикистон бо ҳайати Департаменти омори Хазинаи Байналмилалии Асъор дурнамои ҳамкориро баррасӣ намуд
ҚУРБИ АСЪОР: дар Тоҷикистон 1 рубли русӣ аз 0.1160 то 0.1170 сомонӣ муқаррар шудааст
Ҳайати Тоҷикистон бо роҳбарияти IFC роҳҳои тавсеаи ҳамкориро баррасӣ намуд
ҚУРБИ АСЪОР: дар Тоҷикистон 1 доллари ИМА аз 10.9230 то 10.9400 сомонӣ муқаррар шудааст
«Амонатбонк» дар доираи Ҳафтаи байналмилалии молиявӣ дар Файзобод ҳамоиши омӯзишӣ баргузор намуд
Дурнамои тақвияти ҳамкории Тоҷикистон ва Хазинаи Байналмилалии Асъор дар Вашингтон баррасӣ шуд
ҚУРБИ АСЪОР: дар Тоҷикистон 1 евро аз 11.6242 то 11.6400 сомонӣ муқаррар шудааст
Тоҷикистон бо Бонки Аврупоии таҷдид ва рушд оид ба тавсеаи ҳамкорӣ дар соҳаҳои иқтисод ва тиҷорат табодули афкор намуд
ҚУРБИ АСЪОР: дар Тоҷикистон 1 доллари ИМА аз 10.9229 то 10.9400 сомонӣ муқаррар шудааст
