ДАРАХТ БИНШОН! Дар ноҳияи Ховалинг зиёда аз 11 ҳазор бех ниҳол шинонида шуд
ХОВАЛИНГ, 29.03.2023 /АМИТ «Ховар»/. Дар маъракаи ниҳолшинонӣ дар ноҳияи Ховалинг зиёда аз 11 ҳазор бех ниҳол шинонида шуд, хабар медиҳад мухбири минтақавии АМИТ «Ховар» Сулаймон Холзода.
Агар дар ноҳияҳои водӣ маъракаи ниҳолшинонӣ дар арафаи анҷомёбӣ қарор дошта бошад, дар ноҳияҳои кӯҳистон рӯз ба рӯз вусъати тоза пайдо мекунад. Мақомоти иҷроияи ҳокимияти давлатии ноҳияи Ховалинг бо эълон намудани ҳашари ноҳиявӣ дар рӯзҳои истироҳат тамоми сокинони ноҳияро ба ниҳолшинонӣ ҷалб намуд. Дар ин рӯзҳо бо дастрас намудани ниҳолҳои ороишию сояафкан дар кӯчаҳои марказии ноҳия ба шинонидани ниҳол шуруъ карданд.
Тавре ба мухбири минтақавии АМИТ «Ховар» дар Мақомоти иҷроияи ҳокимияти давлатии ноҳияи Ховалинг иттилоъ доданд, иқлими ноҳияи Ховалинг барои шинонидан ва сабзонидани ниҳол хеле мусоид мебошад ва бо тавсияи мутахассисон ниҳолҳои ба шароити иқлими минтақа мутобиқ шинонида мешаванд. Дар вақти шинонидани ниҳол ба бехи он нуриҳои органикӣ ва нуриҳои минералӣ ҳамроҳ мекунанд, ки ба сабзиши он кумак мерасонад. Ҳамзамон бехи гулу буттаҳо ва дарахтонро нарм карда, заминро барои шинонидани гулҳои мавсимӣ омода кардаанд. Дар назди ташкилоту корхона ва беморхонаю марказҳои саломатӣ ниҳолҳои ороишӣ шинонида шудаанд.
Тибқи иттилои бахши ҳифзи муҳити зисти ноҳия, дар мавсими имсола мувофиқи нақша бояд 20 ҳазор бех ниҳоли ороишию сояафкан шинонида шавад. То имрӯз дар ноҳия зиёда аз 11 ҳазор бех ниҳол шинонида шудааст.
АКС: Мақомоти иҷроияи ҳокимияти давлатии ноҳияи Ховалинг
Дар Тоҷикистон 556,5 гектар боғҳои нав бунёд карда шуданд
Дар Тоҷикистон то соли 2040 беш аз 2 миллиард дарахт шинонида мешавад
Эмомалӣ Раҳмон: «Дар Тоҷикистон дар доираи Барномаи давлатии сабзкорӣ то соли 2040 беш аз 1 миллиард бех дарахт шинонида мешавад»
ДАРАХТИ ДӮСТӢ БИНШОН. Ректорони донишгоҳҳои «сабз» беш аз 50 бех ниҳоли дарахти ҳамешасабз шинониданд
БАРНОМАИ КАБУДИЗОРКУНӢ. Дар мавзеи баландкӯҳи Вору зиёда аз 12 ҳазор бех ниҳол шинонида шуд
«КИШВАРИ САБЗ». Дар Мурғоб беш аз 3 ҳазор бех ниҳоли дарахтони сояафкан шинонида шуд
СОЛИ ОБОДОНИЮ СОЗАНДАГӢ. Дар ҳудуди ёдгориҳои таърихии Тоҷикистон беш аз 7 ҳазор бех ниҳол шинонида шуд
МАСЛИҲАТИ МУТАХАССИС. Дар фасли баҳор танаи дарахтонро бо маҳлули махсус сафед намоед
ИМРӮЗ — РӮЗИ ГУЛ ВА НИҲОЛШИНОНӢ. Пешвои миллат: «Барои наслҳои оянда ниҳол шинонем, боғ бунёд намоем!»
ДАРАХТ БИНШОН! Дар хатсайрҳои сайёҳии Панҷакент беш аз 200 бех ниҳол шинонида шуд
ДАРАХТ БИНШОН! Дар ноҳияи Ёвон беш аз 400 бех ниҳоли арча шинонида шуд
ДАРАХТ БИНШОН! Дар минтақаи Рашт беш аз 5 000 ниҳоли дарахтони ҳамешасабз ва ороишӣ шинонида шуд
